السلام عليكم ورحمة الله
هالمرة سويت شنطة صغيرة كيوت للبيبي ... وتقدرين إتحطين فيها مرضعة حليب وتكرمين بامبرز للطلعات السريعة.
إستخدمت هذا الخامات (نسيت أصور حشوة المخدات وهي الي تخلي الشنطة منتفخة وتتخيط بين الطبقة الخارجية والبطانة)
الأقمشة عبارة عن أقطان مختلفة وبتحصلينها في المحلات إلي إيبيعون قطع المدارس والينيفورم. والقطع الصغار هي عبارة عن قماش الجوخ وبتحصلينها في المكتبات (دبي للتوزيع أو جرير)
نقص ثلاث قطع بحيث الي على اليمين واليسار متساويات والي في النص أصغر لأنها بتكون القاعدة.
وعقب ما نخلص إنقص البطانة إلي بيكون طولها نفس طول الثلاث قطع مع بعض.
نشبك القطعة الوسط مع القطعة المقلمة من جهة اليمين واليسار بالمكينة
وبعد ما شبكنا الثلاث قطع الخارجية نقص اللباد بنفس الطول
نثبت اللباد مع القطعة الخارجية بالمكينة بحيث إنخيط بالمكينة على القطعة المقلمة ونباعد بين كل خياطة والثانيةوبشكل خطوط عريضة مثل الصورة
بعد ما نخلص نسكر الجهتين على بعض بحيث يكون اللباد في الجهة الخارجية ونسكرهن من الجهتين بالمكينة
من أسفل الجهة إلي على اليمين نثني الشنطة بهذا الشكل ونقصة المثلث ونسكر الجهة إلي قصيناها بالمكينة... ونسوي نفس الشي للجهة اليسار.
ويوم نجلبها تطلع بهذا الشكل
البطانة العريضة نسكرها على بعض ونخيطها بالمكينة من اليمين واليسار ونكرر العملية الي فوق بالنسبة للزوايا.
عشان اليد ..نقص قطعتين من القماشين بشكل طولي ونخيطها بالمكينة من طرف واحد بعيدن نحشيها باللباد ونسكرها من الطرف الثاني .
ونركب اليد على الأطراف والبطانة من الداخل ونخيطهن مع بعض
بقماش الجوخ felt fabric نسوي الوردة والكورة نخيطها على الأطراف ونشدها ونحشيها باللباد.
وأخيرا ومع المسات النهائية
وتسلمون
رد مع اقتباس
