عنوان الموضوع : رحلتي الى عالم الخياطه ،،، مغامره وابداع وتميز ديكور جديد
مقدم من طرف منتديات الضمير العربي
بسم الله نبدا هذي الرحله
في هذي الرحله سنرى عجائب عالم الخياطه ،،، هذا العالم الممتع الرائع بكل الوانه واشكاله
فهذي دعوه لكل محبه للابداع ،،، للابتكار ،،، للتميز
::::المحطه الاولى ::::
معملي المتواضع
خصصي مكان مريح وهادي واختاري الالوان الي تحبيها وترتاحي فيها لان بهال الغرفه بتجلسين ساعات ،،، اهم عامل هو الضوء حاول تختاري غرفه يدخلها الضوء حتى ما تتعب عيونج من الشغل
صدقيني بتميين ساعات وساعات لانج لما تتعلقين بحب الخياطه بتكون هي ملجأك دائما
هال المكتب خذيته من ايكيا والي حبيته فيه انه عريض وبنفس الوقت خفيف ومساحته
تمكنج انج تحطين اغراضج للخياطه عليه فيكون كل شي قريب منج وممكن احط مكينه ثانيه اذا حابه
لا غنى عن مكتبه صغيره تضم كتبج ،،، ولا غنى عن الكتب المفيده الي تعلمج وتثقفج بكل تقنيه وافكار
لمشاريعج وابتكاراتج
مجموعتي من الكتب اغلبها خذيتها من مكتبه border في ابن بطوطه و الامارات مول
البترونات وهال البترونات منوعه منها اشتريتها من الebay ومنها من بحثي في المواقع كل بتروناتي حاطتهم في علب حلوه وتفتح النفس حق الشغل ،،، وتحافظ عليهم
خلي مكانج دايما مرتب ،،، لان كل ما كان مرتب فتح نفسج للشغل وتلاقين اغراضج بسهوله
حامله الخيوط وهاي بعد شريتها من الebay وفي احجام منها واشكال وانا فضلت هل الحجم عشان اقدر احطه على مكتب وتكون قريبه مني وما تتخربط ويا بعض
مجموعاتي من الشرايط وال ric rac لصناعه الشباصات وتزيين الملابس
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
:::المحطه الثانيه :::
الادوات
نبدا بالمجموعه الاولى
المقاصات :
الcutter : هال الكتر وايد مفيد في قص القماش ماركته olfa وهو مخصص لقص القماش
حاد جدا ويسهل القص للمنحنيات اسهل من استخدام المقص العادي وطلبته من برى
تحتاجين مقص كبير ،، موجود في محلات بيع اغراض الخياطه ،، وخصصيه فقط لقص القماش لا تستخدميه لقص الورق عشان يتمي حاد ويسهل عليج قص القماش ،،،
مقص صغير وكبير لاستخدامه لقص الخيوط او صناعه الشباصات ،،،
اخر آله في المجموعه الاولى هي اله لفتح الغرز في حاله اخطأتي فيها
المجموعه الثانيه :
شريط القياس
اقلام لتحديد قياس البترون وفي منها انواع والي يميزها انها بعد ما تخلصين تغسلي القطعه فتختفي الخطوط والالوان الي رسمتيها
المساطر اهم مسطره هي هال النوع العريض والي فيها خاصيه انها ما تزلق وقت الشغل وطلبتها من برع ماركة Omnigrid
لوح القص هال الوح يتحمل القص باستخدام الcutter تحطينه على الطاوله وتقدرين تقصين فوقه مفيد
واشوفه ضروري ، شريته من مكتبه جرير بتلاقينه في قسم ادوات الهندسه
الدبابيس لتثبيت البترون على القماش والمساعده في تثبيت القطع عند خياطتها على المكينه
ورق شفاف لرسم البترون او نقل الموديل من البترون الاساسي لان البترون يكون فيه اكثر من قياس لنفس الموديل فما تقدرين تقصين البترون
على قياس معين بعدين لو تبين تسوين قياس ثاني خلاص ما تقدرين فالاحسن تنسخين البترون بالقياس الي تبينه ، انا انسخ البترون واحط كل قياس
في ملف شفاف عشان استخدمه مره ثانيه
البترون وفي منه وايد اشكال وتصاميم البترون يهمني في القصه الاساسيه للموديل بعدين انا ابتكر في اختيار الاقمشه والشرايط والزينه الي تتركب
البترون الواحد تقدرين تسوين منها مئات الاشكال المختلفه لنفس القصه بابتكارج للاقمشه ،،، مرات استخدم بترون لعمل القميص واخذ بترون ثاني لعمل
التنوره مع الوقت بتلاقين نفسج تبتكيرن وتدمجين البترونات
__________________________________________________ __________
>>>> الرد الثاني :
::: المحطه الثالثه:::
مكينه الخياطه وبشرح عن مكينتي brother bm3500
شريت المكينه من اللولو في الوحده مول وكان سعرها 500 وشوي ،،،
1. تحديد قوة شد الغرزه السفليه ،، للغرزه العاديه حطيها على رقم 2 او 3 .
2. تحديد اتساع الغرزة 0 او 1 للغرزة العاديه كل ما حطيتي الرقم اكبر بيسوي لج غرزة zigzag
3. حطيه على رقم 2 وهي مثل ما تشوفين في الكتابه فوق عباره عن الغرزه العاديه
4. حطيه على رقم 1 الى 3 والي هي خط الغرة العاديه تكون قريبه من بعض او بعيده يعني طول الغرزة
لما تخيطين اي غرزة اضغطي الدواسه شوي بعدين اضغطي هال الزر والي بيرد الخياطه للوراء وهال الشي يمكن الخيط بحيث ما ينفتح وياج بعدين
تدوسين هال الزر في بدايه الغرزة والنهايه لين تقربين تخلصين
التحكم في رفع وخفض الابره لما تخلصين الخياطه واخر غرزه كانت الابره داخل القماش تبين توقفين فتحركين المسكه بحيث ترتفع الابره .
لتحديد الغرز التحكم يتم عن طريق العجله تتكون من عجلتين الخلفيه مكتوب عليها
المجموعه الاولى باللون الابيض من رقم 1 الى 13
ss1 باللون البرتقالي وتضم مجموعه من الغرز المجموعه 2 في الصوره باللون البرتقالي من الرقم 14 الى 25
ss2 باللون الاخضر وتضم مجموعه من الغرز في المجموعه 3 في الصوره باللون الاخضر من 26 الى 35
مثلا لو نريد الغرزة رقم 17 نحرك العجله االخلفيه ss1 في المجموعه البرتقاليه الى العلامة الحمراء
ثم نرك العجله الاماميه الى رقم 17 باللون البرتقالي
الحين نبدا بالشغل
طريقه تركيب الخيط ،،، ان شاء الله تكون الصور واضحه لاني وايد تعبت وانا اصور حاولت قدر الامكان تكون مفهومه ،،،
الي يميز المكينه بتشوفين ارقام مكتوبه بترتيب تركيب الخيط ،،، الشرح بالصور
__________________________________________________ __________
>>>> الرد الثالث :
:::كلمات مفتاحيه:::
1. sewing : خياطه
2. pattern: بترون
3.seam allowance: وهي المسافه ما بين طرف القطعه وخط الخياطه
في البترونات الامريكيه يكونون حاطين في البترون نص انش زياده او ربع انش فلما تحطين البترون على القماش
تقصين عليه بالضبط ، بس اذا ما كتبوا seam allowance include لازم وانتي حاطه البترون على القماش
تقصين بعيد عن خط البترون وتحسبين نص انش الي هي الزياده الي بتخيطين عليها .
grain**** : هو خط مرسوم على البترون ومكتوب عليه نفس الكلمه ،،وتعني لما توزعين البرتونات على القماش
كيف يكون اتجاه ترتيبها،،، الخط لازم يكون موازي لخط حافه القماش "الخطوط الجانبيه "" يعني موازي للطول مو عرض القماش ،، شوفي الصوره اتمنى تفهموها، هال الشي يساعد ان لما تخلصين القطعه الي تخيطيها تكون اتجاه القماش نفس الشي للموديل لان لو الاتجاه غلط تحسين مثلا لما تفصلين البناطيل وعكستي الاتجاه ما يكون مرتب
شوفي توزيع قطع البترونات والخط يكون ياي مرسوم في البترون ،،،
__________________________________________________ __________
>>>> الرد الرابع :
ربي يوفق إن شاء الله
والترتيب مهم في حياتنا .. بتسهل عليج شغلج
أنا عندي بعض أدوات الخياطه .. وأحب أرتبهم وأحط كل شي في مجموعه
وعندي بعد مجموعه من الشرابط
يايبه خشبه طويله شويه وحفرتها في فلينه
وعقب حطيت عليها الشرايط
علشان وقت ما ابا اسحب شريطه تنسحب بسهوله
وما عندي كتب حاليااا .. ودايما أنسير ابن بطوطه بس ما نمر صوب المكتبه
وهالمره إن شاء الله بسير أطالع الكتب
__________________________________________________ __________
>>>> الرد الخامس :
وايد يعجبني شغلج
ماشاء الله عليج الله يوفقج يارب
أنا ما أحب الخياطة مع إني أحب أصمم لنفسي الموديلات
بالتوفيق الغالية
رد مع اقتباس
