عنوان الموضوع : ملابس ولدي عقدت بي ؟؟؟؟؟؟؟؟؟؟؟؟؟؟؟ شغل يدوي
مقدم من طرف منتديات الضمير العربي
:1 (26): :1 (26): :1 (26):
ولدي عمره 9 سنوات وعنده سيكل ودايما يلعب فيه وكل كناديره يوسخها من السيكل بقع سود أو صبغ أسود المهم ماعرف أنظف ملابسه
جربت الكلوركس ووديت ملابس المغسله بعد ماقدروا يطلعون الوسخ:1 (9):
كناديره مررره يداد مب هاين عليه ارميهن مافيه طريقه تنظيف تروح هذي البقع؟؟:1 (25):
ياليت تفيدوني اللي عندهن الخبره:22 (4):
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لو انك ما غسلتيه قبل تودينه المغسله كان نظف....
صراحه ما اعرف طريقه بس مره جربت صابون فيري وطلعت النتيجه مذهله بس اني ما غسلتها قبل ونقعتها ليله كامله جربي تنقعينه بالفيري
واذا ما طلع الشكوى على الله و لايلبس غيرهم للعب.. او حطي على البناطلين ستكرات اللي يبيعونها في محلات الكلف او اطبعي على البنطلون صور ترا منتشره ذا الحركه كثير ...
__________________________________________________ __________
>>>> الرد الثاني :
جربي الفانش مال الثياب وان شاء الله تطير البقعة ولا تخلينه يلعب بالكندورة لبسيه شيرت وتي شيرت
او لبس رياضة
__________________________________________________ __________
>>>> الرد الثالث :
حبوبة .. هذا اسمه قريز .. وهو نوع من الآيل .. يعني من مشتقات البترول .. مركب صناعي قوي ما يزول .. ومن خواصه التجمد إذا لامسه الماي ..
طيريهن المغسلة على طول .. وخصصي للولد ملابس رياضية من النوعيات المتوسطة ( خذيهم من سناء أو فاين فير ) للسيكل .. واللا الكنادير بيروحن ملح من القريز
__________________________________________________ __________
>>>> الرد الرابع :
استعملي مزيل البقع الي يبيعونهن في الجمعيات انا استعملهن حق ملابس ريلي
__________________________________________________ __________
>>>> الرد الخامس :
استعملت مزيل البقع وكلوركس وفانش وجف ووووووووو....... مافي فايده
شكلي خلاص برميهن حتى راعي المغسله قالي يومين نقعهن في مزيلات للبقع ولا في فايده
ومشكورات خواتي على المرور
رد مع اقتباس
