المشاركة الأصلية كتبت بواسطة al7lwah_777
ليش ماتفتحين احساب توفير كل شهر دايركت من البنك يحولج مبلغ انتي اتحددينه مثلا الف او 500 درهم شهريا يقصها البنك من راتبج على حسابج مال التوفير بس اتخلينهم مايعطونج البطاقه علشان ماتسحبين من حساب التوفير.
انا مع اختي الحلوه......
انا مسوية جذيه... أحول اكثر من ثلث الراتب... وكنت أجرب.. حتى اللي في البنك قالت وااايد عليج... قلتلها بجرب... بس الحمدلله فاد... انا راتبي اكثر من راتبج يعني يفرق... بس ترا الألف والـ 500 بتنفعج... الحمدلله المبلغ اللي وفرته شي عطيته اخوي لأنه احتاجه.. وشي دفعته دفعة أولى لسيارتي اليديدة...
قبل كل شي.. شوفي التزاماتج... واعزليها
مثلا اذا تسوقين... اعزلي بيزات البترول... وحطيها في بطاقة عسب ما تخرينها.. الامارات زينة وأدنوك زينه.. في أدنوك تحصلين أونه كوبونات وحركات غسيل سيارة وتبديل زيت وهالسوالف
اذا داشة جمعية بعد اعزليها...
فواتيرج .......... موبايل بيت انترنت... شليها من أول شي.. وادفعيها...
وخليلج مبلغ حق الحواطة والطلعات اذا انتي من النوع اللي يطلع..
جربي مبلغ 2000 وشوفي نفسج.. اذا ما قدرتي نقصي منها.. بس مب وايد.. يعني خليها 1500 مثلا.. وان شاءالله تستفيدين..
رد مع اقتباس
