عنوان الموضوع : الغتره اشغال يدوية
مقدم من طرف منتديات الضمير العربي



مرحبا خواتي يا ليت لو تساعدوني غتر ريلي اليداد يابسات غسلتهن ما في فايده يا ريت لو وحده تساعدني و تقولي شو الحل عشان يصيرن ناعمات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغتر اليابسه لاازم تتودن بماي وكومفرت مقدار 30 ملل (ماي دافي اقرب للساخن) لمده لا تقل عن اليوم.. واحتمال اكثر بعد.. واذا لقيتي الماي برد بدليه بماي دافي مع كومفورت.. ولا تستخدمين المريتو في الكوي الا ااااخر شي يوم بتثبتين الجسفه او الكسره واستخدمي كميه بسيطه تساعد في تماسك طبقتي الغتره الاماميه والخلفيه وما تنتفتح الغتره من جدام مع لبس العقال.. واكوي الغتره وهي رطبه
مع الوقت بتلين.. انا تعجبني غتر الرئيس والبصمه

بالنسبه للغتر الطريه.. اول مره ودنيها بماي ونقطتين كمفورت (عشان ما توبر الغتره وما تهتري بسرعه) واكويها لما تنشف عشان تكون يابسه وقوامها متماسك (كيكه ههههههه) واستخدمي سبراي الماي عشان يسهل عمليه الكوي وعقب يوم بتسوين الكسره استخدمي المريتو من ارتفاع 20 سم ورشي على طرف الجسفه (الكسره) 3 مرات مستمرة على ثلث الخط (تخيلي طول كسرة الغتره 3 اجزاء وقسميها بالنظر) اهم شي المسافه تكون شوي بعيده عشان ما تتجمع كميه وتخلي الغتره تلمع او تلزق الكوايه وتحرق الغتره!

اذا حسيتي انها تحتاج تكون يابسه اكثر رشي مريتو مره ثانيه بنفس الطريقه (من بعيد وبكثافه وعلى ثلث طول الخط)

اهم النقاط المطلوبه لكوي الغتر بامتياز:
1- خلي مرش الماي والمريتو في مكان قريب منج وفي متناول ايدج دايما.. انا عندي سلة ملابس من هوم سنتر واطرافها بيب ستيل فاثثبت المرشات عالبيب مقابلي مياشره وانا اكوي
2- خلي عندج كوايتين في البيت.. الكوايه اللي فيها فتحات بخار (وهذي ممتازه للغتره اليابسه لان البخار يطري الملابس) والكوايه الثانيه الثقيييييييله مالت اول!! تحيدونها؟؟ انا عندي ماركة باناسونيك وهذي ممتازة للكنادير وللغتر الطريه ولاستخدام المريتو لكسرات الغتر اليابسه والطريه.. ولان حرارتها عاليه فهي افضل في نظري..
3- اذا كان استخدام الغتره خفيف فلا تغسلين الغتره الا مره اسبوعيا (طبعا لازم يكون في غترتين اضافيات) بحيث تغسلين 3 غتر اخر الاسبوع وجذي يزيد عمر استخدام الغتره.

__________________________________________________ __________

>>>> الرد الثاني :


__________________________________________________ __________

>>>> الرد الثالث :


__________________________________________________ __________

>>>> الرد الرابع :


__________________________________________________ __________

>>>> الرد الخامس :