عنوان الموضوع : نصيحتي في غسل الملابس الداخلية شغل يدوي
مقدم من طرف منتديات الضمير العربي
السلام عليكم عزيزاتي
قبل كنت دايما استخسر اني اشتري طقم ملابس داخلي يعني (هاف و ستيان)
لان الحدايد دايما تطلع و القطع يبداء لونها يبهت
لكن بعد جهد من البحث و التحري وصلت لطريقة افضل في المحافظة على الملابس الداخلية
و الحمدلله بديت اشتري الاطقم الحلوه دون ما استخسر
و ان شاء الله افيدكم
1- اولا : اشتري كيسين حق غسيل الملابس, عبارة عن كيس من قماش مخبق و فيه سحاب
ممكن تلقينه في اللولو و دايسو و السوبرماركت. ورح تحتاجين اثنين واحد للهافات عزكم الله
والثاني لحمالات الصدر.
2-استخدمي ملطف ملابس من اي علامة تجارية تفضلينها, و طبعا لاتنسين صابون الملابس.
3-تاكدي انج ما تاخرين عملية الغسيل اكثر من 24 ساعة عشان ما يصير عندج عفن الملابس.
4-اقلبي الهافات وحطيها في كيس, و الستيانات في الكيس الثاني بس لازم اتسكرين العقم من ورا
عشان ما يشابكون وقت الغسيل.
5- حطي الكيسين في الغسالة ويا الصابون و الملطف و الماء وشغليها, وبعدها نشيفهم و علقيهم.
وبس هذي طريقتي اتمنى انها تفيدكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حلوه الفكره بس كيف شكل الاكياااس حطي لنا صوووره اذا تقدري
,,,,وثانكس
__________________________________________________ __________
>>>> الرد الثاني :
__________________________________________________ __________
>>>> الرد الثالث :
تسلميـن ح.ـبووبه
= )
__________________________________________________ __________
>>>> الرد الرابع :
فعلااا حطي لنا صور الكيس مال الملابس الداخليه .. نبا انعرف شكله عسب نأخذه
ومشكووره
__________________________________________________ __________
>>>> الرد الخامس :
أنا من زمان ماشية على هالطريقة
وانحلت عندي مشاكل الغسيل كلها
وهذي الأكياس متوفرة في دايسو
وأحب أضيف بعد في من هالأكياس أكبر في الحجم
حق الملابس الرقيقة جدا أو اللي تحتاج عناية خاصة مثل الكريب والفيسكوس
وللأخوات اللي سئلن عن الأكياس تسمح لي راعية الموضوع أراويهم الصور :
الكيس عبارة عن شبكة دائرية أو مربعة لها زرار
تنحط فيها القطع وتتسكر تماما بالزرار فيتخللها الماي بدون ما تتمايط القطع بهالصورة
وبالنسبة للستيانات وخاصة اللي فيهم حدايد
في كيس خاص فيه قطعتين من البلاستيك المقوى أعلى وأسفل الكيس
وهذي صورة مقربة للبلاستيك
وتنحط القطعة في الكيس بدون ما تخافين على ان الحديدة تنعوي
وأشكرج جدا على هذا الموضوع اللي وايد من البنات ما يعرفون عنه
رد مع اقتباس
