عنوان الموضوع : محتارة بالخدامة شغل يدوي
مقدم من طرف منتديات الضمير العربي
خواتي عند اختي خدامة فلبينية واااااااايد زينة وانا طلبت منها خدامة تعرفها بالفليبين عسب اكفلها فدلتني على ربيعتها هي فيرست تايم وها المطلوب ومسيحية وتعرف انجلش وكانت شغالة خدامة وطباخة بالفلبين وانا كلمتها وقلتلها على كل شروطي وهي وافقت وكل يوم تطرشلي مسج انها تبى تشتغل بس المشكلة عمرها 48 سنة مواليد 1963 شو رايكم اكفلها والا لا والله محتارة اخاف انها ماتروم على الشغل بس هي بالصورة تبين صغيرة يلا ساعدوني ؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
--------------------->
للرفع
<----------------------
__________________________________________________ __________
>>>> الرد الثاني :
استخيري فديتج والله يوفقج ان شاااء الله
__________________________________________________ __________
>>>> الرد الثالث :
عادي فديتج انا من يومين اعتمدت اوراق بشكارتي اليديه فلبينية و مسيحية و من مواليد 1962 يعني اكبر من خدامتج بسنة ههههه ..
انا دوم اييب كبار فالعمر تعرفين كبار لا دلع ولا مياعه و لا ضحك و حركات ولبسهم محتشم ،، يعني الكبيرة فالعمر يوم تظهر تلبس جينز بس ما تلبس بودي مرصص ...
من وجهة نظري ..
بس عيبهن شي واحد انا استحي اواجعها احسها كبيرة و احترمهن ... بس الحمد الله الكبار ما يعورن راسج وااايد ....
__________________________________________________ __________
>>>> الرد الرابع :
دام انها وافقت عالشغل عندج ووافقت ع شروطج
معناته خلاااص
الحين باقي موافقتج انتي ... صلي استخاره وتوكلي على الله
واذا عن العمر ؟؟ ما يهم انا اختي كانت عندها اندونيسيه مسلمه وبنفس العمر واظن اكبر بعد وتمت لسنوات وكانت شاله البيت شل بقولج قصتها :
ماشاءالله عليها كانت فالخمسين بس وااايد نشيطه تنش من الفجر تعق الزباله وتنظف المطبخ وتغسل الحمامات
وتي وتخم الصاله وتبدا فالغرف تمسح وتنظف وتكنس
وعقب ترتاح شوي عشان تفطر لانها الفجر بس تشرب شاي احمر ^^
المهم
من تخلص تسير وتغسل الثياب وتخم الحوي
وعقب كل هذا تدش تتسبح
وعقب تسوي الغدا هاك الغدا الغااااوي وتقطع السلطه
ومن تستوي الساعه ثنتين تحط الغدا وتسير غرفتها عشان تتغدا .. ومن يخلصون تغسل الصحون وترد الغرفه
ترقد ساعه تقريبا"لين يأذن العصر .. تنش وتصلي واتم تكوي كل الثياب لييين ياذن المغرب تصلي
وعقب تسير تسوي شاي وقهوه
وعقب تطلع فالحوي مع العيال واتم تراقبهم وتشوفهم وهم يلعبون... وعقب تسأل المدام شو اسويلكم عشاء؟؟
تقولها كذا وكذا فتسييير المطبخ وتسوي العشا ويتعشون ^^ وتكمل باقي شغلها تغسل الصحون
وعالساعه 11 تترخص عشان تروح ترقد .
تخيلي هذا الشغل كله ع راس خدامه وحده وفالخمسين ماشاءالله عليها
بس عشان أأكدلج انه العمر ما يخصه اهم شي الهمه والنشاط ^^
ملاحظه / الشغاله حظ ونصيب يا تصيب يا تخيب ف انشاءالله يكون حظج حلو^
وع فكره الشغاله سافرت من شهرين لانه ريلها كان يباها ولانهم كبروا خلاص واستقروا ماديا"^^
واختي كانت ما تقصر وياها راتبها كان 800 درهم من غير بطاقات الرصيد والعيديه ولبس العيد وغيرها من الحاجات ...
ربي يوفقج وييسرلج امرج ان شاءالله
__________________________________________________ __________
>>>> الرد الخامس :
هالحريبم الكبار نشيطات احسن من الصغيرات اللي ما همهم الا الموبايل والطلعة
استخيري واتوكلي على الله
رد مع اقتباس
