عنوان الموضوع : كنت بموت والسبه خلطتي السحريه اعمال منزلية
مقدم من طرف منتديات الضمير العربي


شغالتي باجي الها كمن يوم وبتسافر وأقول في خاطري كملت عندي سنتين وتنظيفها للحمامات مش لهناك وأبغي بيتي يلق قبل ماتسافر علشان مااتعب عقب في التنظيف لان شغالتي اليديده (مريوم) مريم بعدها ماوصلت لين الحين
في حمام الصغاريه بقعه لونها أصفر على بني يوم تغسلها الشغاله ماتروح فقلت دام انها يالسه ماعندي شغله ليش ماانظف الحمام بروحي وخليه بياض ولا أروع
(مقادير الخلطه السحريه الي كنت بموت بسبتها )
حطيت نص دبه فلاش +نص دبه كلوركس

وتفاعلوا المواد مع بعضهم وطلعت ريحه قويه تخنق وحسيت عمري اختنق والريحه دخلت في خشمي مب قادره اتنفس عدل
قلت لا مابطلع لين اغسله وا صب ديتول وازقر الشغاله بسرعه تكمل واركض افتح الدرايش واسوي دخون
واخذ نفس شهيق وزفير واحس الريحه خانقتني واكح
الحمدالله الحمدالله الله كتب لي عمر يديد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بسم الله عليج الغالية
وايد تستوي مثل هالنوع من الحوادث
انا عندي شغالتي مرة حطت داخل غرشة ماي صغيرة كلوركس ويا نوع منظف ثاني
وسكرت على الغرشة
وشكلة هالمادتين تموا يتفاعلون
لانها عقب كم دقيقة وهي ماسكة الغرشة
انفجرت ...وغطا الغرشة صب ويها
وفعلا تعورت شوي
والحمد لله انها يت جي

__________________________________________________ __________

>>>> الرد الثاني :
الله يهديج !!

والحمدلله على سلامتج أختي ...

__________________________________________________ __________

>>>> الرد الثالث :
ألف حمدالله علي سلامتك حبوبة الله ستر

__________________________________________________ __________

>>>> الرد الرابع :
لا إله إلا الله

__________________________________________________ __________

>>>> الرد الخامس :
الف سلامه عليج الغاليه