عنوان الموضوع : الغلط منى ولا من البشاكير اعمال منزلية
مقدم من طرف منتديات الضمير العربي

خواتى البشاكير الى كلهن اشتغلن عندي كلهن كانن يشتغلن قبل في دولة خليجية ((سيلانيات ))
على قولتهن متعودات :

1- يلبس قمصان وتنانير ودراعات حق البيت
2- يسيرين متى ما يبن السوق ويا التاكسي ولا الدريول عادي يطلعن الساعه3 ويردن على ال5 او ال6
3- عادي يسيرن الدكان يشترن الى يبنه
4-يسيرن ويا اليهال والدريول يشترون لليهال الاغراض الى يحتاجونها وودونهم الالعاب
(( واحقر شي اسمعه منهن عادي لو كنت سارية السوق اتريا التكسي اي شايب في السيارة ويقول لهن بوصلكن بس طبعا هن ما يرضن - اذا كانت الام تشتغل الريل او الولد يسمى عمره ساير الدوام ويرد عند البشاكير هى ما تقصد عمرها تقصد البشاكير الثانيات ))
5- يسيرن السنترال ولا ما عرف وين يتصلن لبلادهن وطبعا هناك كله ريايييل
الشوارع على قولتهن كله رياييل من الجنسية الاسيوية ))

المهم ايون عندي
1-يلبسون يونفورم
2- موبايل ما شي الا اذا اتصلوا فيهم اهلهم او تبي تتكلم ويا اهلها اول الايام تتصل وترجعه على طول مع الايام تخليه عندها وفليل ترجعه
3 البشكارة الاولية كنت اوديها بيت اهلى والبشاكير يتيمعن هناك ودمرت ومن عقبها حرمت اودي اي بشكارة
4- البشكاره الحالية تغمضنى ما وديها بيتى اهلى بس الصراحة انا مرتاحة من القال او القيل وما اطلعها برع البيت وكل اغراضها الشخصية اشتريهن على احسابي وهالشي الصراحة فادنى وايد لان ييلسن يقارن ويحشن ويدمرن ويتعلمن بعض المرادد
5- احس البشاكير اول الايام ينظفن ويرتب بس ما يخافن منى لانى اسولف وياهن ومرة قلت للشغالة بوديج المكتب تمت تتحرطم لانها كانت الحبيبة واقفة يا العمال اسولف وتنصقع ومن هاكى اليوم قررت انى اراقب اتصالاتها
6- اكتشفت انها تكلم عامل من الجنسية الاسيوية وكنت اركب الكاميرا واكتشفت يوم اطلع من البيت هو اي يدق جرس وللاسف فضت الكاميرا بلغنا على العامل وافتكينا وهى عندها خط دو ارحت ادخل البطاقة لها وخليها دولى يعنى ما تروم تتصل محلى
7-لاحظت شغالتى تخاف من عمتى واي شي تقولها اياه عمتى اسويه على طول ما ترادد

ولاحظت الناس الى يخلون البشاكير يشترون اغراضهن بروحهم متادبات
والى يهزبونهن هزاب بعد متادبات
مول ما يمسكون عيالى وانا من النوع الى ما امر عليها يعنى تعرف الشغل وكل يوم اسويه
وكلهن يقولن ما عندكم شغل واااااااااااااايد نحنا هناك نشتغل وااااااااااايد وما عندنا وقت انفكر يعنى هى تخلص شغل البيت على الساعة 9 وسير ترقد وعندها واااااااااااايد وقت للراحة وتقول كله اهنا ايلس افكر وانا شاريه لها راديو تسمعه

***
اسوي غداء وعشاء حقها غير على كيفها((اول الايام وديتها بيت اهلى تتعلم واكيد الشغالة قالت لها عادي سوي حقج الى تبينه ماماه ما تقول شي ))
تخلص البصل والثوم تقطع 3 او 4 حق مرة وحده تحطه في الصالونه واذا حقنا نص بصلة توفر لان شغالة يرانا شافتها ولاعت جبدها--الشغاله اثيوبية تمت عندنا نص يوم وسارت
اشتري الومي اليابس تحطه حقها الخضروات بعد تحط لناشويه وكله اسويه حقها وعيالى ما يحبون الخضروات فما اشتري دووووووووووم وتقولى هاتى لومي يابس اقولها عيالى ما يحبونه تقولى عادي قولى حق ماما تقصد عمتى تيب حقنا
تبى فلفل حار وبودرة فلفل حارة ما يعيبها اكلنا مع انها في الدولة الخليجية الثانية تاكل من اكلهم ويوم خليتها بيت عمتى تاكل من اكلهم والبشاكير عندهم ياكلون نفس الاكل ما يسون لهم اكل غير ما تشرط واحس منها تخاف من عمتى لان عمتى توقف على راسهم يوم يطبخون وينظفون
ما تاكل السمك المشواي اشتري لها سمك غير عمومه بس مب يابسه اسوي لها على كيفها مره دخلت عليها الظهر اسوي لها صالونه عدس
وبصل ويا البيض وتقول لى انا بس لاعت جبدي من العدس وهى ازطه زط
كله الى اين عندي يسمن عمارهن ما ياكلن وما يحبن الاكل ويوم بين اسافرن ثيابهن ما تيوز لهن
وشغالت قوم امى شافت بشكارتى اول ما يت تعلمها دوم بين فترة وفترة تسالنى هى ضعيفة ولا متنت تقهرنى ابا ارد عليها اقولها جيه تحيدينا جاتلينا من اليوع بس اسكت واقول لها جسمها زين

وكل البشاكير يقولن خلاص نحن ما نبى نشتغل هنا بعدين بسير هذيج الدولة احسن فايده حقنا كل الاغراض الى يعقونها انطرشها بلادنا ما يستحن مع انى اعطيهن الستاير والتلفزيونات واغراض وايد يوم بي اغير البيت واغراض تكون شبه جديده ويقولن الله احسن ما بقا لنا شي بسير بلادنا قليلات ادب
ويسمن عمرهن ساعات ما يسمعن ويوم اسير عندها اخلى بنتى تزقر واسمعها
والاحظ اي عامل اي بتموت عليه بتربع مره بتيب له الماي وبتبرد له الماي ينفعن للحقوق الانسان

على فكرة محد يزورنا ويب البشكارة وياه يعنى ما تحتك ويا اي حد وجيرانا بشاكيرهم بعد ما يطلعون

شو اغير من شخصيتى

لان شغالتى بسافر واريد اتعامل ويا اليديدة غير

الغلط منى ولا من البشاكير
كيف تتعاملون وياهن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان انت اكرمت الكريم ملكته وان انت اكرمت اللئيم تمردا


ذكرتيني ببشكارتي اللي سفرتها من شهر حرقت فؤادي من الخاطر لاني اعتبرتها مثل اختي وكنت اساعدها بالشغل بس بالنهاية نكرت كل شي بس الحمدلله ربي شاهد اني ما قصرت بحقها باي شي

سامحيني قرقرت وايد بس ابى اقولج شي
لا تزعلين ولا تضايجين بعمرج واللي تشوفينه صح سوييه وما عليج من حد لانه اللي اوله شرط اخره نور

والسموحة منج

__________________________________________________ __________

>>>> الرد الثاني :
لا فديتج مب غلطانه بس هاييل صنف نمرود
انا من أول يوم اعلمهم انا المدام في البيت ومب مطلوب مني ادلعهم ولا ايلس أسولف وياهم طهم يايين يشتغلن وبس ما عندي موبايلات للخدم يوم بيكلمون أهلهم بالشهر مره على حسابي من تيلفون البيت
اغراضهم أنا أشتريلهم اياها واييبها البيت
ما أوديهم السوق الا قبل السفر باسبوع يشترون اللي يبغونه
لبس جينزات وبديهات ما عندي غير اليونيفورم
طلعات للدكاكين واللا الجيران ما عندي
الطلعه الوحيده لهم يوم اوديهم وياي بيت امي (وبعد ما أكون مرتاحه لان بشاكير الوالده وخواتي كلهن هناك )
حتى رمضان اللي طاف اضايقت من بشاكير الجيران يوم طرشت بشكارتي تودي لهم الصينيه (رمسه وسوالف وبشاكير جيرانا مدلعات موبايلات وطلعات9قمت اتريا جارتي اطرش الطباخ بالصينيه فاعطيه الصينيه من عندي وخلاص
اقولهم اذا تبغون تطبخون اكلكم ما عليه(يمكن اكلنا ما يعيبهم بعد حرام طول النهار شغل وما ياكلون اللي يسد جوعهم حرام)بس ما يبغون يقولون اكلكم أحلى ,,,,زين عليكم بالعافيه
عيوني في قمة راسي والله أخاف من مصايبهن وبلاويهن
بس الصراحه كل شي من البدايه اذا انت رصيتيهن خلاص بترتاحين عقب

__________________________________________________ __________

>>>> الرد الثالث :
تسلم خواتى ترا اخذ دروووووووووووس منكن علشان اطبقهن على الشغالة اليدية
صدقج يبالهن رص من البداية

حتى يوم اصتقص منها ما حرج عليها ولا اعلى صوتى عليها احترمها اعصب بروحى وبعين ارد عادي

__________________________________________________ __________

>>>> الرد الرابع :
أنا ما أايد فكرة ان نعطي الخدامه موبايل خاص فيها
اذا تبا تكلم اهلها تتكلم من تيلفون البيت او تيلفون المدام

و الطلعات ممنوعه لأي مكان الا للضروره
الطلعات و الموبايلات هيه اللي تخرب الخدامات

المفروض قبل ما يدخلون البيت يعرفون القوانين اللي لازم يتبعونها
يعني و هم فالمكتب خبروهم شو المسموح و شو الممنوع

و اللبس يونيفورم و بس
الا فالأعياد و المناسبات لازم نفرحهم ويانا ونشتريلهم لبس حلو مثلا تنورة و قميص

و اذا تبا تشتري شي من الجمعيه تخبر المدام وهيه تشتريلها
و الافضل انج تاخذيلها اغراض بين فتره و فتره من عندج و اعتبريها هديه او صدقه حقها

والاكل تأكل من أكلنا و اذا ما حبت تقدر تطبخلها اللي تبغيه مع مراقبتها عشان ما تلعب بالأكل

و بس ها اللي عندي

و السمووحه ^_^

__________________________________________________ __________

>>>> الرد الخامس :
للرفع