مرحباااا حبوبات
سامحوني اول شي عالتأخير بس لظروف خارجه عن ارادتي ما قدرت ادخل واكتب اي شي
وهذا رابط الجزء الاول
https://forum.uaewomen.net/showthread.php?t=854969
المهم اتوقع خلصنا من تنظيف الصاله والحمامات .
نروح المطبخ وهذا اهم مكاااااان فالبييت لانه اكلنا فيه طبعا اول شي احب اقوول اني بصراحه ما اسويله حملاااات تنظيفيه الا بالشهر مره لانه يوميا يتنظف عدل عدل والشي الثاني اول ما سكنت يبت شركه مكافحه حشرات وحطولي الجل فالكبتات احس مريح الحمد لله صح الشقق ما اييها حشرات بس بعد اذا الواحد واثق من نظافته ما يقدر يوثق بنظافه جيرانه لاني جربت فالشقه الجديمه والله كنت فاضيه ما كان عندي ياهل وكنت دوووم انظف بس اخر شهر قبل لا نطلع غزتنا الصراصير تخبلت ما عرفت شو اسوي يبت شركه بس عقب ما دشو الصراصير وعقو بيضهم في بيتي وادور السبب واتدافن ويا الخدامه والله كنت مهووسه بس طلع السبب من الجيران الله يسامحهم عزابيه ووصخين سهر وشرب واكل استغفر الله ريحته كييييف شكله كان مال كم يوووم من ريحته فسببو ازمه فالدور كله من عقبها توبت ..
المهم ما علينا اهم شي فالمطبخ الترتييب اذا عرفتي ترتبين الاغراض صح مووول ما يحتاي تسوين له اي حملات تنظيفيه ان شاء الله بحاول انزل لكم صور لترتيبي لمطبخي يعني اهم شي الكبتات ترتيبها الاكل صوب والصحون صوب وجيه ما عرف كيف اوصف بس اممم يعني انا حاطه البهارات فالكبت اللي فوق جولة الغاز والكبتات اللي عند الغاز فيها الجدور وادوات الطبخ والزيت والسمن والصلصات اما اللي ابعد شوي ففيهم الاكل المعلبات روحها المكرونه والرز والسكر والبقوليات روحهم ونصيحه مرييييحه جدا روحو سوق الجمله وخذو البرطمانات باحجامها طبعا يفضل الكبار و حطو اكلكم فيها يعني علبه فيها سكر ( السكر بالذااااات لازم يكون في علبه موو كيس عشان النمل) العيش المصري الامريكي البسمتي كل واحد علبه وهاتي ستيكر واكتبي عليه وحطي التاريخ متى يبتيه وتاريخ الانتهاء والعدس والشعيريه والطحين كل شي طبعا لازم في اكياس ما راح تنفتح هاي تنلف عدل وتنحط في الستور اذا عندج او اخر شي فالكبت لانه هيه اللي بتعبين منها كل ما خلص اللي تستخدمينه بالنسبه للخلطات البودره مثل خلطه الباشاميل والشوربات افضل اخذ الكراتين اللي فالكارفور مالهم نفسه واحطهم بنفس الطريقه اللي في السوبرماركت المعلبات اول ما ايبها من السوبرماركت ايب فوطه مبلوله مع ديتول وامسحهم ونفس الطريقه ويا الاكياس بعد لانها تكون مغبره . كبت الصحون فيه قطعه بلاستيك من ايكيا تنحط فالكبتات مال المطبخ انا اخذها اهم شي حق كبت الصحون عقب ما تنغسل وتنشف تنحط هناك فحتى لو كان شوي فيه ماي ما ايي عالكبت عشان ما يعطن الادراج احسن شي تستخدمون مقسم الادراج اللي فايكيا بالنسبه للشوك والمعالق والفضيات كل شهر احطهم بكعد فيه ماي وبيكربونات الصودا ويردون يلمعون احسن حتى عن اول مره .. الارضيه طبعا نفس الشي بديتول وجل نفس طريقه ارضيه الصاله والحمام واحب ابخره بلبان كمعقم وعندي غوري خاص بالتعطير عقب الطبخ احط فيه ميراميه واغليها تغلي عشان ريحه السمج لانها قويه وباقي الايام اقطع من الزرع اللي عندي فالمطبخ لاني حاطه اصيصات ريحان وزعتر وبقدونس وكزبره ونعناع يعني من هالاعشاب وبما انها ورقيات فاكيد يعني كل يوم بنحصل ورقه ميته شبه يابسه يعني هالاشياء اللي يبالها قص عشان ما تخرب الزرعه فاقصهم واحطهم فالغوري الجميل مالي ويغلون ويا ماي وبودره مسك و كم قطره من الزيوت العطريه تسوي جو غيييير فالمطبخ بودره المسك بتحصولنها بسوق الايرانيه احب ريحتها فالبيت عشان جيه يا احطها ويا الماي تغلي او ويا زيت عطري واحطهم فالشمعدان يريحون الاعصاب الصراحه.. والمغسله بما انها كروم فنفس طريقه غسل القبضات اللي فالحمام ببيكربونات الصوديوم بس ها كل يوم انا اسوي هالشي بليل عقب الطبخ ومخليه فوطه وليفه خاصيين بس للمغسله لانه اكلنا كله ينغسل هناك يعني هالمكان لازم دووم يكون معقم وطريقتي اليوميه اني عقب غسيل المواعين اغسل المغسله كلها بالماي والصابون وادعك بالليفه طبعا جنه صحن وعقب اغسل ببيكربونات الصوديوم و اخر شي عقب التنشيف مسحه ديتول استخدم الوايبس اسرع شي واحسن شي.
الطباخ او الجوله او الغاز اي مسمى عندكم في له ممسحه خاصه وصابون خاص بتحصولنه في سبينس او اي سوبرماركت وتنظيف الغاز ها يومي وعقب الطبخ على طول عشان ما يعلق الزيت وحوالين الغاز السيراميك الجدار الرخام كله لازم على طول عقب الطبخ بالصابون والا يستوي هاللون الاصفر التعيس اللي يحسسني انه المطبخ وصخ.
واذا في اي استفسار عن المطبخ حاضره..
الحين غرف النوم ونبدا بالماستر
الفراش نفس طريقه الفوط والستاره حاطه طريقتها فتنظيف الصاله بس بالنسبه للماترس يعني الدوشك اييب ابره و احط فيها مكس من العطور الزيتيه مع كلونيا الاطفال بيبي جونسن نسيم الصباح رووووعه الريحه تطلع وخفيفه ما تخنق الواحد وهو راقد واطعم فراشي لوووووووووول يعني ادخل الابره في الفراش واوزع العطر ونفس الطريقه ويا المخدات وطبعا كل يوم عقب ترتيب الفراش ارش معطر الفرش عليهم ( انا وحده احب العطور سو اعذروني عالمبالغه في التعطير ) ادراج الكومدينو حاطه في كل درج مكس انا سويته من صابون معطر مبشور اللي دوم يكون في سيتات العطر وما نستخدمه وانا افضل صابونه وايت دايمند ريحتها روووعه ودخون وحبوب التعطير اللي في لايف ستايل وحاطتنه في قطعه تور ورابطتنهم بشريطه وموزعه في الادراج كل ما تخف الريحه بس ارش عليهم اي عطر وترد تفوح الريحه نفس الصريقه في الدرسنج بس اعلقهم بين الملابس وممكن ينحطون في كبت الجواتي بعد .
وعقبها اروح غرفه نونوتي بما انه صغير عالمشاغبه سو مرتاحه حاليا الحمد لله بس شغلتي كل شهر افضي الكبت من الملابس الصغيره واحط ملابس يديده ما احاول اعطر غرفته وما حاطه ستاره في غرفته عشان ابا الشمس دووم تدخل الغرفه بس حاطه السيكرت اللي فوق وبالنسبه لادراج غرفته مسويه نفس الشي بس فرق الاغراض يعني حاطه صابون طبيعي من هالمحل مال الصابون نسيت اسمه وبدال الدخون حبوب المعطره احط شمع معطر مبشور فتطلع الريحه ناعمه وبارده و بنفس الوقت تعلق في ملابسه وممكسه مسك ويا كلونياا الاطفال واحط عليهم كل فتره عشان تفوح الريحه وثيابه الداخليه اعطرها بمكس كلونيا جونسون ويا عطر ماما سوت له اياه فديتها طفولي ريحته باااااارده بس اعطر ملابسه يوم نطلع وللافاده ولو اني بطلع عن الموضوع انا غسل ثيابه بصابون الوزير ونفس الشي فراشه وفوطه بس ما ادخنهم لا احاول اخلي الشمس تدقهم شوي وادخلهم وارش عليهم العطر اللي بالمسك بس الفوط لا ما احط عليها اي شي ..
اسمحولي احس واايد اختصرت هالمره بس احس اني كتبت كل شي واذا فيه اي استفسار انا حاضره
رد مع اقتباس
