عنوان الموضوع : خدامتي والشرده اشغال سهلة
مقدم من طرف منتديات الضمير العربي
السلاااام عليكم ورحمة الله وبركاته
هلاااااا خواتي
بخبركم قصتي ..مع بشكارتي الاثيوبيه ..
بشكارتي فديتكم عندي من ستة شهور ..وانا من هذي الجنسيه كنت ما طيق حتي اني اشوفها ..لكني انجبرت اختارها وتدخل بيتي ..من عقب اربع اندونيسيات والحمدلله كنت مرتاحه معاهن وطلعن من بيتي وسافرن وهن مرتاحات ورضيانات مني ..وحتى من عقب سفرهن يتصلن فيني عسب يسلمن علي وعلى عيالي ..لكن من عقب خدامات اخواني الاندونسيات الفاسقات والفاجرات ونهن دخلن رياييل في بيت اخواني ومارسوا الزني ..فانا الله يسلمكن كرهت الاندونيسيات..وقلبي الحين يجز منهن ..
فقررت من عقب مشاورات عائليه داخليه وصداقات خارجيه ..نصحوني بالاثيوبيه انهن شغيلات ويكرفن الشغل ولا يرمسن وغير جذه ان مصاريفهن وويزتهن شويه وما تكلف ..
فالاخير قررت وتوكلت ..ويبتلي اثيوبيه ..والله لو اكتب عنها من اليوم لين باجر ..من طريقه تفكيرها وغباءها ما راح اخلص ..وانا وحليله ساكته وصبر نفسي وريلي وعيالي وخاصة ولدي العود وعمره 15 سنه ..وقالوا لهم ما عليه هذي فقيره وعايشه في منطقه قرويه وما شايفه الخير يلي نحن عايشين فيه ..ونحن مآجورييين على هذا الشي ..
المهم لين مرت ستة شهور وانا عايشه في تعب نفسي ..على طريقة تفكيرها وشغلها وغباءها والادهى الله يكرمكن وساختها وريحتها ..حتي ريلي جمن مره فتن عليها ..
لين البارحه ..الله يسلمكن وهنيه بدأ الاكشن ..
على الساعه 1 الظهر ..فتنت عليها من الغصه والضغظ النفسي ولد عندي الانفجااااار ..من جذبها وحلفانها الدايم ..انها منظفه هالمكان ..وفانا قلت خلاااااااااص يا فلانه ..انا تعبت منج ومن جذبج وخريطج ومن وساختج وريحتج ومن الشغلج المعفن ..اشتغلي عندي خمس شهور وانا بيمع بيزاتج وبسفرج ومنها بييب لي خدامه ثانيه غيرج ..وانا يا بنات فهذي اللحظه كنت معصبه ..ولكن الحمدلله يحرم علي اخذ بيزاتها ..ولكن كنت اخوفها عسب تصطلب وتشتغل عدل ..
المهم الله يسلمكن ..اتصلوا عليه خواتي وقالوا لي تعالي بيت امايه نحن متيمعين ..قلت لهن ان شاء الله ..وقمت وتجهزت واليهال تجهزو على سنكت عشره ..لكن الخدامه من الحره يلي فيني خليتها في البيت ..ونحن في السياره يتني بنوتي العوده ..تقولي ماما الخدامه تقولج ما بتقفلين الحجره والصاله ..قلت سيري قولي إلها ماما تقولج رتبي البيت وانتي ساكته ..لكن انا تفاجات من سؤالها ..لان اني ما اقفل الغرفه وصاله إلا يوم اسير بوظبي عسب اني ارجع متأخره ..وتكون الخدامه نايمه ..
لكن ما حطيت في بالي موليه انها ناويه على الشرده ..
سرت بيت امايه ..ونسيت سالفة البشكاره ..وعلى الساعه 11 فالليل ..عقب ما دخلنا الكاراج ..زكرت الخدامه عسب اشل جيس السمج وتوديه المطبخ ..لكن البشكاره ما لها حس ..تفاجأت ان مفتاح الصاله مرزوز فالقفل من برع الباب ..قلت يا فلان تعال الخدامه اشردت ..جان يقول في العنه ..وهو يضحك ويتغشمر ..وقالي تلاحقي على شنطت الجوازات والبيزات عن شلتهن وياها ..لانها غبيه وما تعرف حد في الفريج وما عندها بيزات في يديها وما تعرف تتصرف في شي ..طرشت بناتي عسب يزكرونها من حجرتها ..قالولي ماما الخدامه محد في حجرتها ..عاد هنه ..قلت الحمدلله منها وصلت ..ولا يت مني ..
المهم فتحت باب الصاله ..تفاجأت يا بنات انها ..منظفه البيت ومخليتنه يلك ..الصاله والغرف كلها ..حتي المطبخ ..منظفتنه عدل ..في عمرها ما نظفت بهذي الطريقه ..من السراميك وكبتات الرخام والبيبان..المغسله والثلاجات ..حتي قواطي البهارات والاستاند ..بالمختصر كل شي في البيت نظيف ..
لاني انا دوووم وياها وما اعول على البشكاره في البيت
وحليلها ما بغت تعبني في شغل البيت من عقب سيرتها خخخخخخخ..والله يا بنات حتي ثيابها مخلتنها وما شاله معاها غير خلاقينها يلي يايبتنه معاها ..
ولخدامه من فتره قايله حق بشكارت قوم امايه ان في سياره دوووم اتمر عند بيتنا وتزكرها عسب اشردها ..فقامت امايه وخبرتني بالسالفه وقالت لي تحملي ترى بشكارج ناويه على الشرده ..فانا واجهتها وقلت لها ان الشرطه متصلين على بوعيال وانها شافوها ترمس مع الريال وهو عنده سياره ..وهذي حيله عسب لا تحس ان بشكارة امي خبرتنا بالسالفه ..ومن فتره قامت وحده تتصل على تيلفون البيت وتقولي انا اخت بشكارج ..وانا احيد من يوم ما يتني البشكاره قالت لي انا عندي اخت صغيره في المدرسه ..
الحين يا خواتي ..بغيت اعرف في حد مرت عليه سالفة الشرده ..انها تعرف منوه يشردهم ..ووين يودونهن ..وشو يبون منهن ..الصراحه قلبي يعورني عليها لانها على نياتها وفقيره ومسلمه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خدامتنا شارده من سنتين
ولين الحينه مب لاقينها ^^
بكل اختصار >> ان هم مايدورون عليها
اكبر غلطه سويناها ان عطيناها التلفون
__________________________________________________ __________
>>>> الرد الثاني :
لا حول ولا قوة إلا بالله
شكلــج طيبــة اختي الغالية
بس صراحــة.. ماكان لازم تشخطين فيها اختي وترهبينها
مهما كان تراها وحيدة في هالبلاد وعلى مسؤوليتــــج...
إذا مرات عيالج الي من لحمج ودمج شخطتي فيهم يشردون منج
مابالج إنسان غريب عنج له كرامــــة ...
صح انهـــا شغالـــة ,, بس شغالــة لإنها مضطرة ,,
لو كان عندهـــا بيزات ما كسرت ظهرها في تنظيف البيوت ..
والله يهدينـــأ أجمعين
__________________________________________________ __________
>>>> الرد الثالث :
اختي الي يشردن ما ندري و ين يروحن بالاغلب الشارجة او ابوظبي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
المشاركة الأصلية كتبت بواسطة bellegirl
لا حول ولا قوة إلا بالله
شكلــج طيبــة اختي الغالية
بس صراحــة.. ماكان لازم تشخطين فيها اختي وترهبينها
مهما كان تراها وحيدة في هالبلاد وعلى مسؤوليتــــج...
إذا مرات عيالج الي من لحمج ودمج شخطتي فيهم يشردون منج
مابالج إنسان غريب عنج له كرامــــة ...
صح انهـــا شغالـــة ,, بس شغالــة لإنها مضطرة ,,
لو كان عندهـــا بيزات ما كسرت ظهرها في تنظيف البيوت ..
والله يهدينـــأ أجمعين
هلا فديتج
والله الغاليه من حره والكتمه يلي فيني ..وصبري عليها
والله وربي شاهد علي كنت اعاملها شرات اختي ..ودوووم محسستنها انها مب غريبه ..حتي مرات كنت ألوي عليها اذا شفتها صاحت لانها حساسه ..لكن جذبها وحلفانها هو الشي يلي خلاني احرج عليها وانا موتي حد يحلف جذب
ولاني كنت طيبه معاها وعاملها بالزين ..انها قبل ما تشرد ..مرتبه البيت ومنظفتنه عدل ومقفله اللبيبان
لانها تحبني من قلبها وهي متأكده اني لو حرجت عليها مو من قلبي ..
رد مع اقتباس
