عنوان الموضوع : الغنفات اشغال يدوية
مقدم من طرف منتديات الضمير العربي
خواتي,,,,
منو تعيش فشقة؟؟؟
حابة اعرف كيف تحافظوا على نظافة الغنفات ؟
الجلد او القماش الغليظ المزين بورود مخمل ,,, كيف تنظفوها ؟ وجم مرة ؟ وبشووا تنظفوها؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا وياج ابا اعرف وخاصة المخمل
__________________________________________________ __________
>>>> الرد الثاني :
__________________________________________________ __________
>>>> الرد الثالث :
شو هاااا ١١٣ وحدة قرت الموضوع ولا عطتني فكرة!!!!
لا يكون بعدكم تيلسون عالمساند مال اول،،،،
__________________________________________________ __________
>>>> الرد الرابع :
انا غنفاتي مخمل
انضفها بطريقه مريحه
هم طريقتين
الاولى يوم اكنس البيت بالمكنسه
اشل الراس المستطيل واحط الراس الي للزوايا الصغيره وامشيه عالغنفات لكنها حركه شوي متعبه
الحركه الثانيه
خذي رول لزق براقع يسمونهم خخخخ
المهم لزقه عريضه
و لزقي عالغنفه و شلي اللزق بتجوفين انها تنظفت
انا مرات ريلي ييلس عليها وهو لابس روب الحمام
الله لايراويج الغنفه بكبرها تمتزر خيوط الروب
ف اسوي هالحركه
و الحين ف كارفور صوب المواد التنظيفيه
شي عندهم منتج رهيب
عباره عن رول و فيه لزقه تمشين الرول ع اي مكان فيه خيوط وجذي
يشلهم عقب تقصين المكان الي استخدمتيه
ورخيص ب ١٣ درهم
__________________________________________________ __________
>>>> الرد الخامس :
اغسلهن اذ توصخن بالغساله بصابون فقط
وانا مفصله اللبس بسحاب اما الكنب الثابت اجيب خرقه او رش خاص وارشه عالبقع وافرك وينظف
رد مع اقتباس
