عنوان الموضوع : العبي رااحت ساعدونياعمال منزلية
مقدم من طرف منتديات الضمير العربي
السلام عليكم
حبيبااااتي ساعدوني
من شهر تقريباً كل ما اطلع العباة من الغساله اشوفها صوب الخياطه ( صوب الخيط اللي عالكم كامل او اللي تحت او تطريز مثلا ) يتعرج وجي مايكون سييده ليييش ،، والله عندي 3 عبي يديده اختربت
ومتأكده من جوده الخام مثل متحجبه وحناين
احيد اول ما استعملت الغساله ماكانت جي تستوي بالعبي ؟!!
كنت استعمل تايد وكمفورت عادي
اخر الايام غيرت واستعملت اريال وكمفورت المركز
تتوقعون يخصه هالشي ؟؟؟
متضايقه وايد على عباتي توني طلعتها انصدمت .. ماتهنيت فيها :"(
صح غسالتي اتوماتيك
بس وايد اوكي مع جميع الملابس الحمدلله
ماعدا العبي مثل ماقلت جي فجأه مع انه اول اوكي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المفروض العبي تنغسل بالايد مب بالغساله
__________________________________________________ __________
>>>> الرد الثاني :
ايه اختي العبي ما تنحط بالغسالة
وعموما الملابس الغالية تنغسل بالايد حتى تضمني انها ما تخترب,او تلتزمي بتعليمات الغسيل الي مكتوبة على القماش
__________________________________________________ __________
>>>> الرد الثالث :
انزين اذا استعملت شامبو خاص للعبي وحطيته بالغساله ؟؟
واذا تعرفون حل حق عباتي
الخطوط انكمشت كيف ارجعها
__________________________________________________ __________
>>>> الرد الرابع :
حبيبتي هو ما يخصه بنوع الصابون
الغساله تعسف الملابس هاذا شي و الشي الثاني فيها درجة حراره و شكلج حطيتيها ع درجة حراره مرتفعه و هي الي خلت الخيوط تنكنش
وديها اللاندري يكوونها و ان شاء ترد شرات ما كانت
__________________________________________________ __________
>>>> الرد الخامس :
عبي من حناين ونفس المشكلة في الكم وكلمتهم أني ما ابي خياطه يدويه لانها مب لهناك رديها للمحل عليها ضمان لا تحاتين
رد مع اقتباس
