عنوان الموضوع : الألفية من شعر الخليج
مقدم من طرف منتديات الضمير العربي
الالف)الفت المعاني جزالا
وابحرتبه وسط البحور الطوالا
ابدعتها من واقعي والخيالا
على مروبع والمعازيب جنين
و(البا)بديت بربنا رب الارباب
علام عن كل النوايا والاسباب
رب(ن)يشوف بظلمة الليل الادباب
ملجاي لاصكت علي الشياطين
و(التا)تبعني بدنيتي ماتتبعت
طبعته بطبع الوفا ماتطبعت
جزل الفعايل فوق عرشه تربعت
واليوم صرن بالشدايدعن الفين
و(الثا)ثارت في حياتي كوارث
قامت علي سود البلاوي توارث
صارت مواريثي وانا صرت وارث
ورثت من دنياي مر الزمانين
و(الجيم)جار الوقت جوره لياجوج
ومن جور وقتي صارت ايامي فجوج
ومما جرالي بالزمن صرت مرجوج
واحيان احسب من حساب المجانين
و(الحا)حلمي مات بكفوف الافراح
وجتني تعزيني على حلمي جراح
واللي تعمد ذبحة الحلم ماراح
حي(ن) ويحسب من حساب السلاطين
و(الخا)خويي لانتخابي تشامخ
اسوق له عز(ن) تعلا الشوامخ
وياقف على روس الطويلات شامخ
ويجلس بصدر العز مابين مجدين
و(الدا)دفنت العز بين اللحايد
على قبر عزي تفتل جرايد
ول يازمان(ن)ذل كل الولايد
اللي على صكات الايام ضارين
و(الذا)ذبحت بدنيتي كل منبوذ
وشربت انامن دمهم شربة البوذ
واليوم انا من فعل يمناي ماخوذ
ماخوذ واسئل بالبشرعن ذليلين
و(الرا)رفيقي لاسرا القاف ماعر
شاعر ويحسب عن ثمانين شاعر
منه القوافي كل ابوها تساعر
خذا نصيبه من الركيزات حرفين
و(الزا)زمان(ن)فيه كل شي جايز
وش هو زهابي يوم انا بالجنايز
لاواهني من كان باليوم فايز
هذاك والله الفوز ياهل الميادين
و(السين)سيف الحق مسنون ياناس
ياويل من وسوس على صدره اخناس
اللي ظلم في دنيته ناس واجناس
ياويل ويله وش يبي بالمساكين
و(الشين)شاش الراس والقاف له شاش
وجتني القوافي كنها طلق رشاش
رميه صلي نيشانها فوق الاحشاش
مانيشنت لاهل الردى والرديين
و(الصاد)صيور الزمان يتناقص
وانا جنوني فوق راسي تراقص
امدح عزيز النفس واسب ناقص
واموت بالمطنوخ واللي على الدين
و(الضاد)ضبح العاديات المخاضيض
تقدح مواريها على لمس الاحضيض
اقفن قبل سبعين عام(ن) مفاضيض
بالضبط من ذاالعام سته وستين
و(الطا)طير العز انصاد وانخاط
ومن صيدته صرنا بالاقدام مخاط
وصياد طير العز طاغي وسخاط
خلا حراره زنج والزنج حرين
و(الظا)ظلالي قيظ بقعا عن اللاظ
وانا معي بظلال بقعاي الاغلاظ
لماقف(ن) مقدر على نطق الالفاظ
ماكني الاشارب(ن) خمر دارين
و(العين) عينك لوذرف منهادموع
ابرك من عيون الذي كسر ضلوع
شهب العيون حقوق والحق مشروع
ياعلها تعطى من الله عمى العين
و(الغين)غوتاما تنسك سبب طاغ
صارت حياة الدعه بعينه ابراغ
صار انطوائي بعدها جاك منصاغ
طبعنا واحد واختلفنا على الدين
و(الفا)فرقنا الزمن عن ولايف
فرقني وقتي عن حسين الوصايف
الجادل اللي بأوسط القلب ضايف
ياشيب عيني من فراق المحبين
و(القاف)قافي لاسرا كنه البرق
مابين قافي وقافهم واضح الفرق
من ماعر القيفان قافي حرق حرق
لاصحت له ولع بكل بيت نارين
و(الكا)كلام الناس مامنه فكاك
احذر تكون بهرجة الناس شكاك
خلك جبل ماغيره القاع مركاك
راسي ومن مرساك ثور البراكين
و(اللام)ليت الحمل حبر(ن)وسايل
ماكان عذبت الورق بالرحايل
وماشفت بأوراقي كسور وهزايل
مار البلا حملي من الكون وزنين
و(الميم)مات اللي عن الشين شايم
الصاحب اللي للشكالات سايم
اللي ليا ثار الدخن جاك زايم
مرحوم ياصاحب توفى من سنين
و(النون) نوف بحبها صرت مفتون
جسم(ن) حسين الدل ورموش وعيون
يفداه كل اللي على القاع يمشون
واللي شلع يم السما بالجناحين
و(الها)هاذر ماعطى القاف برهه
للنابغه اعطاه والحقه شرهه
ومسحل رفيق اعشى وشده بسمهه
ومن غير سمهه له جواري وبنتين
و(الواو)وجدي للذي كنها النو
اللي جماله يكسف النور والضو
ياليتني من عيال عمه وهي لو
حدا بنات العم ولا القريبين
و(اليا)ياس بسبت الميت بي حي
وهمن تساوا بالثقل مع جبل طي
وحزني كما ليل(ن)خلا منه الضي
هذي حياتي ماحوتها عناوين
وختامها صلو على احمد نبيه
اللي فرق بالسنه الجاهليه
به نقتدي بالسنه الهاشميه
اخر رسول وخاتم(ن) للنبيين
منقوووووووووووول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسلمو على النقل الرائع وتسلم على الذوق الحلو
__________________________________________________ __________
>>>> الرد الثاني :
مشكوره يا بعد عمري
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
يسلمووووو حبايب قلبي كلكم ذووووووووق عطرتو صفحتي بارائكم الحلوووووووووه
تحياااااااااااااتي لكم
رد مع اقتباس
