عنوان الموضوع : " يومياتي الادخاريه " اشغال سهلة
مقدم من طرف منتديات الضمير العربي

بسم الله الرحمن الرحيم / السلام عليكم ورحمة الله وبركاته

اولا اعرفكم على نفسي بيانو ام عاملة عندي 3 اطفال عمر زواجي 3 سنوات عايشه مع اهل ريلي ...

حالي حال اي زوجه ادور على الاستقرار الاسري والمادي / اسعى للتوفير لتحقيق اهداف متعدده ومن بعد البحث والقراءة قدرت

اوصل لعدة معلومات ونصايح وطرق للتوفير / بين الصفحات بستعرض معاكم اهدافي الادخاريه , طرقي اللي بستخدمها للتوفير ,

التكيف مع حياتي بعد التوفير , اسرار توفير المال , وطرق بديلة للادخار ...

باذن الله وبتشجيعكم لي بحاول اوصل لاهدافي واللي حابه تشاركني لاتبخل علينا باسرارها الادخاريه وافكارها وخططها

وعسى ربي يحقق كل أمانيكم ... لي عودة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شكرا الغاليه صراحه نحن في حاجه لهذي المواضيع

__________________________________________________ __________

>>>> الرد الثاني :
* اجتهادات شخصية :

كل وحدة لازم قبل لا تبدأ بالتوفير تسأل نفسها سؤال / من انا / اعرفي ذاتج

اسألي نفسج انا شو ابا شو أهدافي من هالشي

ضعي خطة واهداف مالية / من خصائص الاهداف لازم تكون اهدافج واضحه , محددة , يمكن تحقيقها مو تي وحده تقول هدفي كذا وهالشي هي تعرف ف قرارة نفسها انه مستحيل ...

الهدف لازم يكون مناسب لحالتج الماديه حبة حبة / واخر شي لازم يكون تابع لمدة زمنية مثال على ذلك : بعد 4 او 5 سنين باخذ لي سيارة او بيت صغير على قدي

قعدي مع نفسج شوفي انتي عقب 4 او 6 سنين وين تبين تكونين لوين تبين توصلين ...

هاتي ورقة وقلم سوي مخطط لحياتج ليش قبل اي مناسبة نقعد نخطط بفصل وبحجز وبدفع عربون ليش مانخطط لحياتنا مثل ما نخطط لمناسباتنا ...


كل وحده تقولنا اهدافها احلامها مخططاتها ..... ف الانتظار ولي عودة

__________________________________________________ __________

>>>> الرد الثالث :
[CENTER]
موضوعك رائع صراحة انا معاكي فالموضوع و بشترك فيه عشان يوصلني الجديد

__________________________________________________ __________

>>>> الرد الرابع :
موفقه

__________________________________________________ __________

>>>> الرد الخامس :
صباح الخير ^^

يوم يديد وصباح مليء بالامل ...

اليوم بتكلم عن اهدافي بشاركم فيها وبتكلم عن الفرق بين البخيل والمدخر

في البداية بتكلم عن الفرق بين البخيل والمدخر وايد منا يوم يشوفون ناس متبعين جدول توفير بينا وبين نفسنا نقول هالناس فيهم بخل مايمتعون نفسهم

ونحن كم بنعيش الا مره ليش ما نستمتع بفلوسنا ليش احرم نفسي ولو تلاحظون هم مش حارمين انفسهم من شي يسافرون ويلبسون ومستمتعين

ونحن اذا نفكر نسافر نقعد نفكر ونحسب الف حسبه ونقول ياترى بتكفينا الفلوس والا لا ونضطر نتسلف ونضغط عمارنا ف شهرين عشان نسافر

ليش نعيش نفسنا ف قلق وتفكير دائم ليش ما نخطط واحد + واحد = اثنين

طولت عليكم .... الفرق واحد بين البخيل والمدخر البخيل يدخر عشان يزيد فلوسه ولايفكر يستمتع بهن عكس المدخر بمجرد مايوصل لهدفه

يبدا يوفر من يديد للهدف لي بعده ... الاهداف كثيرة والاحلام كبيرة والاماني لابد تتحقق لكن لازم نسعى نتحرك

اهدافي من الادخار :

* شراء بيت
* سفرة عائلية ( الوجهه فرنسا )
* بكمل دراستي
* تعليم عيالي في افضل المدارس
والقائمة تطول .....

طبعا قبل كل شي لازم ارتب اهدافي حسب الاولويه وحسب امكانياتي / الهدف الاول : سفرة فرنسا : المدة الزمنية : نهاية السنة

ببدأ اوفر من هالشهر لاني حطيت ف بالي ان شاء الله راح يكون السفر آخر السنه جدامي 9 شهور

آلية تحقيق الهدف :

- وضع خطة
- تقليل المصاريف
- الالتزام بالمخطط
- الحجز بأقل التكاليف

تكلموا عن اهدافكم شاركوني احلامكم وخططكم عشان الكل يستفيد / للحديث بقية ....