عنوان الموضوع : الله لا يبارك فيج يا بلقــيس اه اه ... تجارب منزلية
مقدم من طرف منتديات الضمير العربي

خوااااتي انا حامــل و داشه على الثامن ان شاء الله ..
عندي عيالي ما شاء الله اثنين منهم في الابتدائيهـ فديتهم ..
و عندي اخــر العنقــود حاليا و عمره 4 سنواااات ما شاء الله ...
و ما عندي حــد من هلي او من اهــل ريلي قريب منا للاسف كل واحد فيهم في مدينه و الحمدالله على كل حــال ..
بخبركم منو بلقــيس لا بركتا فيها يارب ..
سمعووو يوم الاربعاء كنت راده من الدوااام وبس ريــلي كان عليه شفت المســاا , انزين اول ما وصلت رحت سبحت و قعدت مع العيال فديتهم يعني سبحتهم مذاكره و شوي لعب و عشيتهم و على 9 هم خلاص راقدين فديتهم و طبعا هي اونهااا سارت تنخـمد عقب ما خلصت شغلها ( شغــالتي بلقـيس ) كانت الساعه تقريبا 9:30 دخلت انا عاد الحمام الله يعزكم افرش اسناني و اتوضى بلمره عساس اني خلاص برقد , و قعدت ارتب جنطتي الخاصه لاني غيرتها بس باب الغرفه ما كنت مصكرتنه تقريبا مفتوووح , خلصت و ستوت ساعه 10 و قلت بشوف العيال قبل لا ارقد لاني متعوده كل ما اقوم لازم اروح اطالعهم من كثر خوفي عليهم الله يحفظهم من كل شر .. المهم دخلت غرفة اليهال كل شي الحمدالله تمام و رحت غرفت الخدامه لقيت فراشها فاااضي !!! استغربت ورحت المطبخ محــد و الحمام الله يعزكم هم محــد و لمحت باب الصاله مفتوج ( لاني اقفله و اعلق المفتاح و رااا باب غرفتي اثريها خذت المفتاح من غرفتي و بطلت الباب ) بطلت باب الصاله و اشوف باب الحــوي مفتوح شوي و فتحت الباب كله اطالع في شارع يمكن احصلها طبعا مافي حــد يعــني الحبيبه فلــــت من البيت !!!
حسبي الله عليها كيف فيها قــلب تلتعــن بليل انا احيدهم يشردون في نهــااار بس هاي طلعت خطيره !! و تصدقون انها ما شـــلت شي معاها بس اللي كانت لابسته و بوووك بيزاتها اللي في بس 200 درهم لاني ما عطيتها مال 3 شهور و هذا كان اتفقنا من البدايه كل 3 شهور اطرش لعيالها وما اعطيها في ايدها الله لا يوفقها ..
الحمدالله انه ريلي يوم الخميس كان اجااازه و مشينا الحال و الحمدالله الكل يساعدني الحمدالله تدرون اني نظفت غرفتها و فريت كل اغراضها في زباله تكرمون بس حصلت شي في بووك صغيره في جنطتها شوو تتوقعون !!! لقــيت عندها مفتــاح باب البيــــت تخيلووو مسويه نسخه منه و مخلتنه عندها لاني كل ما اظهر من البيت يعني كشته و يا العيال و ابوهم ما اشلها معاي وووع ما احب اشل خدم معاااي طلعه عائليه بس و اقفل الباب وتوكل على الله اثاريها الحبيبه كانت تضحك علينا و عندها المفتاح اسبير لله لا يبارك فيها يارب ..

يا جماعه ديروو بالكم لو اشكالهم مساكين فقاره لكنهم ملاعين و امكــر منهم ماشي تحملووو بنات الحمدالله ما دخلت حد علينااا و ريلي مو موجود الحمدالله الله سلمنا من شرهااا ..
ادعولي بنااات الله يسر لي امري و الله تعبانه موب قادره اتحمل دوااام و تعب الحمااال المذاكره اليهال و شغل البيت افرجها علي يارب ..
سموحهـ طولــت عليكم من الحــره بنااات اه اه اه مقــهوره ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدالله شردت ولا شلت شي وياها ولا ضرتكم فشي ..

افتكيتوا من شرها .. الله يعوضج بثانيه اخير منها ..

والله يسهل عليج ولآدتج يآرب ..

__________________________________________________ __________

>>>> الرد الثاني :
أعوذ بالله من شرهاا

والله تدرين دوم افكر بسالفه المفتاح ما ادري احس صدج ممكن يسونها
والله عليهن سوالف ما تخلص

اله يسهل عليج ان شاء الله ويبعد عنا شر هالخدم

__________________________________________________ __________

>>>> الرد الثالث :
بلقيس اسمها ؟

هاي ملكه

__________________________________________________ __________

>>>> الرد الرابع :
زين يوم افتكيتي منها بدون ما تضركم

__________________________________________________ __________

>>>> الرد الخامس :
لا اله الا الله محمد رسول الله


والله افتكيتوا ن بلاويها كيف سوت جذي

حسبي الله ونعم الوكيل خلي ريلج يروح يشتكي عليها طلعت مب هينه

وانتي ابري يارب يفرجها عليج يا رب
والله حمال اصعب شي
الله يسهل عليج يارب