عنوان الموضوع : شغالتي والسحر ،حسبي الله ونعم الوكيل عمل يدوي
مقدم من طرف منتديات الضمير العربي
السلام عليكم ورحمة الله وبركاته
شخباركم خواتي العزيزات
قصتي تبدا مع شغالتي الاثيوبيه حسبي الله ونعم الوكيل فيها ، يبتها لامي تساعدها بالشغل لاني اداوم واخلي بناتي عندها ،وكانت تيي بيتي مرة او مرتين بالاسبوع حسب الشغل
لان بيتي صغير وما فيه هالشغل ومن غير ماشي مكان لها
المهم طبعا معاملتنا لها كانت اوكيه ومن غير زدت لها الراتب علشان تشتغل ببيتي فكنت اقول حرام تغمض، وطبعا كل الاشياء الثانية علي من بطايق واغراض ومستشفى ......الخ
مول ما اقصر فيها واقول بخاطري الواحد يحسن لهم ويطبق سنة الرسول صلى الله وعليه وسلم في معاملة الخدم والاحسان لهم والرحمة ،، بس بعد مو معناته اخليها ع راحتها يعني كنت وسط .
يوم الخميس وانا ببيت امي يتني الشغاله الصبح قبل لا اسير الدوام قالت تبا مفتاح بيتي تبا تنظف الصبح تخلص اون احسن من العصر (عادة لما تنظف بيتي وانا مروحة من الدوام اشلها وياي واكون موجودة وهي تنظف واشرف معاها)
فالمهم ما ادري كيف انهبلت واعطيتها المفتاح ووودوها بيتي على الساعه 11 الضحى
ولما رديت البيت اتفاجأ البيت مب مرتب مثل كل مرة يعني اي كلام منظفه فاستغربت
وبالليل رقدت عادي ن وفجأة نشيت ع الساعه 2 وانا متخبلة فيني ضيجة بصدري وابكي مثل المينونه
واصرخ واقول لريلي احس بختنق مب رايمة اتنفس وانا اصلا حامل الحينه بالشهر الثامن واول مرة تتيني هالاعراض
وقلت لريلي نودي عيالي بيت اهلي ويوديني الطوارئ ، وزاغوا اهلي لما شافوا شكلي وتمت امي تقرا علي شوي شوي هديت الحمدلله وارتحت وراح كل شي عني وطبعا رقدت ببيت اهلي
واليوم الثاني بالجمعه اتفاجأ نفس الحالة واشد وسرت بيت اهلي وراتحت الحمدلله ، استغربت قلت شو بلاني ضابيجة من بيتي !!!!
وصباح السبت سرت المستشفى وشيكت ع صدري والحمدلله قال لي الدكتور كل شي طبيعي وما فيني شي ، قلت الحمدلله
المهم امي شكت بالشغاله لانها كانت وايد تسال عني بطريقة ملحة وشو فيني تعبانه ؟؟؟؟؟ والخ من الاسئلة
قامت امي فتشت حجرة الشغالة بالجمعه والسبت والاحد وكانت الصاعقة
محتفظة بكبتها بغرش بول تكرمون ، وكوتكسات حيض الله يعافينا !!! وشعر وحجرتها زباااااالة بكل معنى الكلمة وهافاتي وقميص وهاف واحد من اخواني
فعلا كلنا انصدمنا بالبيت
ع السريع اخوي اتصل بشيخ كبير ، وقال لنا ها شروع بالسحر الله اكبر وقال لنا ما تخلوها بالبيت دقيقة وحدة ودوها المكتب ؟؟
انا زغت وايد وشكيت انها مسويه فيني شي بالبيت وواجهنا بالحقيقة وقامت تخربط ساعه تقولي داسة لي شعر تحت الطاولة ببيتي والخ .....
وديتها المكتب صرخوا عليها عشان تعترف شو مسويه لي وما اعترفت وهددناها بالشرطة بعد ماشي فايدة
وسويت لها الالغاء وسافرت البارحة بعد معاناة نفسية الصراحة ولين اليوم مب رايمة اسير البيت
وبديت اغسل ثياب بناتي وريلي بس كلها وثيابي مب عارفة شو اسوي فيها ؟
وامي ومرة اخوي من البارحة يدورون بالبيت لا سمح الله يكون مسويه شي .
فشو رايكم اول مرة تصير لنا مثل هالسالفة ،
وايد منصدمة لهالدرجة توصل فيها للسحر وانا ما سويت فيها شي الله اكبر عليها
فدلوني شو اسوي وشو اتصرف ببيتي
وكل حد ينصحني اغسل كل شي وطبعا بعد ما افتش طبعا
وشو عن ثيابها ؟ شو اسوي فيها ؟
لاني خليتها تسافر من دون شي ؟وفتشتها طبعا ؟؟
وشو نصايحكم ومب عارفة اكلم منو ؟؟
ابا شيخ يعرف عدل بالسحر واموره ؟ اقصد رجل دين مب مشعوذ
ومشكورين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي لين متى تامنون بالشغالات ....... هالخلبة من أي جنسية ؟
حاولو خواتي ماتثقون فيهن ابدا .. والعياذ بالله ....حاسدينا....
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الله يشفيكم ان شاءالله
الله يعينا مع سوالف الخدم
يحيليج والله غمضتيني
__________________________________________________ __________
>>>> الرد الرابع :
بالتوفيق اختي
بارك الله فيك
__________________________________________________ __________
>>>> الرد الخامس :
الله يشفيج ويقومج بالسلامة والله بياخذ حقج منها
رد مع اقتباس
