عنوان الموضوع : كذب الخادمات حلول منزلية
مقدم من طرف منتديات الضمير العربي

الله يسلمكم القصة ومافيها
انا عندي خدامة جديدة كملت شهرين عقب الشهرين اتغيرت وصارت وحده ثانية والحمدلله نحن ماخلصنا اجراءاتها لنه متوبين من القبلية

الي صار من يومين كل ماطلبت منها شي تعاند او تسويه وهي تتحرطم.
بلغتها الاثيوبية

سكت انا وزوجي قلنا بنمشيها لها وقلنا لها بنسوي لج اجراءاتج ومعاشج تحولينه عقب 3 شهور اما بايدج لا نحن جي نظامنا

وصار انه عاندت وصكت باب غرفتها ياحرمة افتحي انا خفت صار لها شي الا اسمعها تقول روحي انا بكلم بابا! قلت ايوا الحين مشكلة ان زوجي يوم يكلمها. ماتخاف وانا تخاف مني واونه شردت وقفلت الباب
مع ان شكلي ولا يخوف ولايخرع بس حسيتها تبي فلوس فهمتو الحكاية

قلت بسيطة وانتظرت لين وصل زوجي فتحت الباب كانت خايفة طبعا انا قلت مابنزل بخليه يتفاهم وهي مدري على طول من تشوفه تبكي ! قلت لا هذي تبي تسوي فلم هندي الا اشوفه يرقعها بالباب والله طاحت وانا سحبته قلت له مهما كان هذي ادمية
قلت لها شوفي انا طلبت منج تنظفين وانتي قفلتي الباب! من تبين يخلص الشغل
قالت ماريد شغل اريد اغير
سكتنا يومين واشوفها تتمادى دقيت عالمكتب فهمتهم السالفة قالو لي عطينا بنرمسها
عطيتها الفون وهي على بالها ربيعتها وكانت متبسمة اول ماعرفت انها راعيه المكتب والله ياخواتي تقولون ان شي صار لها منصدمة وفجاة تبكي
قلت لها شوتخربطين وتقولين حق الحرمة شليت الفون الا تقولي راعيه المكتب حرام تجوعونها وتضربونها وهي مسكينة كيف تقدر تشتغل15 غرفة!!!! و15 حمام هههههههه

انا مت من الضحك والقهر قلت جي قالت لكم! قالت هي تقول انج تضربينها وياريلج وهي ماعطيتوها فلوس ولا اكل و و و كلام كلام اول مرة اسمعه
قلت لها سمعي
انا اباج تزوريني في بيتي وتشوفين بنفسج كيف شغلها والكاميرات اتصور كل شيبر في البيت
اذا في شك اني لمستها اباج تبلغي الشرطةقالت اوك
ويتني البيت هي وحدة ثانية اثيوبيات كلهن اول ماشافت بيتي قالت كبير لكن انصدمت لما راويتها ان الغرف مقفولة لعدم الاستخدام + مجلس وغرفة ضيوف تحت مقفولات
المهم الدليل عندي وكل كلامها جذب لن هي قالت 15 غرفه ونحن غرفنا اقللللللل 7 غرف وماتنظف غير غرفة فقط و
ومجلس رجال وصالو وغرفة طعام
كلموها مني ومناك واعترفت ان محد ضربها وان هي تبي تغير شغلها

والي صدمني ان خدامة اهلي هي الي حرضتها مثل ماحرضت القبلية

وصمتها ذاك الـــــــكف الي برد فؤادي لني صدق انقهرت من حركتها وشليت مفاتيح غرفتها وكل شي وشافت كللللللل شي راعيه المكتب وكانت تمسح ايدها وتتاكدان البيت في غبار ومايتمسح وتأكدت من صحة كلامي لن هالمكتب نحن اشتكينا عليه فاضطرو يطرشون ناس يشوفون بيتنا اونه!


المهم خلاصة الي صار انها قالت لها لوفكرتي تشردين بتموتين يوع ولو تميتي بيعاملونج احسن معاملة واشوفها ردت مثل قبل وتاسفت وكل شي وانا والله مابغيتها تقعد بس من تذكر ان عيالها يتريون لبس واكل ارحمها

خلاصة كلامي هالجنسية من تجاربي تكذب وايد والله ثم والله اني خاطري احط لكم صور الفيديو او مقاطع كم مرة سارت وحاولت تطل برع البيت وكم مرة تتنصت لي ولزوجي وتتسمع
ولكنها شغولة بس الغبيه صدقت كلام خدامة اهلي لن هاذيج راتبها اقوى وقالت لها دوري بيت اصغر عشان مايكون في شغل وايد مع اني مرتبة لها كلللللل شي وموفرته لها بس شوبنقول محتاجين لوجودهم لني ام وعيالي صغار


وهذي تجربتي الثانية وحبيت الكل يستفيد منها اهم شي لاتسلمون فلوس بايد الخدم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج ويعطيج خيرها ويكفيج شرها
دام عندج يهال اتقي شرها لا تجادلينها
ترا اذا صنفرت القتل عندهم عادي جنها جاتله صرصور مب آدمي

__________________________________________________ __________

>>>> الرد الثاني :
والله ياختيه الخدمات خرعونا
أمس شردت خدامة هلي مع إنهم يحليلهم يعاملوها كنها من أهل البيت
لكن إيش نقول حسبي الله ونعم الوكيل فيهم

__________________________________________________ __________

>>>> الرد الثالث :
اختي الله يعينج وعاااد اثيوبية !!
بس بالنسبة للمعاش اشوف هالشي من حقها يعني الواحد يوم يشتغل اخر الشهر لازم يمسك معاشه بايده
بالنسبة ل3 اشهر الاولى انتي تخلينه عندك احتياط في حالة الشردة او شي؟؟ افكر اسوي جي مستقبلا

__________________________________________________ __________

>>>> الرد الرابع :
يادنيا

هي ماتحتاج تمسك معاشها

لن كل شي متوفر لها كل شي فماتحتاجه غير لبلادها وهي رافضه تحول البلاد لذلك من حقي امسك راتبها وراعيه المكتب قالت امسكو معاش4 شهور عقب طرشو لها معاش شهرين وبجذي مارح تقدر على شي

واشوفها اصطلبت والحمدلله عيالي ماتدقهم غير لما كون مشغولة تلاعبهم اكون اطبخ او اصلي غير جي عيالي عندي الحمدلله

__________________________________________________ __________

>>>> الرد الخامس :
الله يعينا عليهم ...