عنوان الموضوع : قصة خدامتنا والنية الخايسه+ استفسارات تدابير منزلية
مقدم من طرف منتديات الضمير العربي
مرحباا بنوتات
بااارت1
احنا انتقلنا لفيلا يديدة وكبيرة من فترة ماشاءالله
وكانت عندنا قبل خدامه جديمه اندونيسية
وعقب الانتقال والاستقرار يبنا وحده يديده اندونيسية بعد
واختي بعد يابت خدامة اندونيسية كانت مشتغله معانا من زماااان
ف صارن ف بيتنا 3 خدامات (لكن اختي مب طول الاسبوع ف بيتنا)
المهم خدامتنا الجديمة شغلها الكوي والمطبخ وغرفة الطعام
والثانية اليديدة شغلتها غسيل الملابس، التنظيف والحمامات عزكن الله
اما برع انييب عمال الشركة
يعني الخدامات مب مكروفات ولا شيء وخاصه انه نحنا كلنا كبار والحمدلله
المهم الجديمة صارت تضارب مع خدامة اختي
ليش اونه هي شغلها بس مربية وداخل الفيلا! واطلع أي شيء بس عشان
يضاربون والمسكينة خدامة اختي تسكت عنها لانها اعقل واكبر
بعد فترة خدامة اختي اكتشفت وايد اشياء عن خدامتنا الجديمة من بينها:
انه عندها موبايل واحنا اصلا مانعطي خدمنا موبايل
تحب بنغالي وتكلمه دوم وبينهم هدايا وجيه
تشغل ميوزيك وتحط سماعات عسب جيه اذا زقرناها ماترد
في الموبايل حاطه خدمة نت وتستخدم الفيس بوك
يعني جدامنا تستغبى و من ورانا عقل مدبر وتكنولوجيا
وأمي من عرفت قالت بتسفرها لانها من قبل مب عايبتنها
بس كنا محتايينها في رمضان .... وساكتين عنها عسب لاتسويلنا
شيء في الاكل ..
و من فترة سفرناها بس امي قبل فتشت في اغراضها ولقينا اللي مايسر
عندها صورة حقي وملابس لاختي لصغيرة ومشط اختي العوده
واغراض مافهمنا ليش ماخذتنها!! كل انواع الصمغ واللصق شاله مع انه شي منه مفضي واكياس بلاستيك وورقية فاضية +ورق ابيض
و بعد لقينا بوك فيه صورة من جواز خدامة اختي مع دبوس حجاب خدامة اختي بعد وموس وكل شيء ملفوف بورق جيه مشخبط عليه وحاطتنه ف البوك!!!!
المهم الحمدلله الوالدة بعدما اكتشفت نيتها الخايسة
راحت السوق وخذتلها ثياب يديدة وشنطة يديدة وحطتلها في من كل شي يديد وخلاف سفرتها بعدما اتاكدت انها لبست من اليديد وماخذت قطعه من بيتنا
والحينه نحنا بدون خدامة لشغل المطبخ والكوي ومتخوفين وايد من الاندونيسيات
اول مرة يصيرلنا هالموقف ... !!!!
دايما انييب اندونيسيات وماصادفنا مثل هالنوعية الا الحينة !!!
بااارت2
الحينة بيتنا بخدامة وحده اليديدة + خدامة اختي
وهاي الخدامة اليديدة صارت اضارب خدامة اختي بوصايااا من خدامتنا اللي سافرت ... واشكره بعد الخدامة اليديدة اتقول انا بخلص بس ال3 شهور الضمان وعقب ببدا اسوي مشاكل للمدام وبنتقم للي سافرت!
وتهدد خدامة اختي انها مينونه وترى عادي ابتضربها بالسكين! احيانا!!
والمشكله انها خدامة اختي تقول انه هاي اليديده اتقوم تصيح نص الليل وتقول اشياء تخوف
مثل انه كلب عند الباب ومرات اونه طيارة يدتها وصلت وبتيي تاخذها
وعقب خدامة اختي سحبت منها الكلام واعترفت لها انها كانت مريضه نفسية وتاخذ ادوية!!
عقب الفيدرالية خدامة اختي خبرتنا
وكلنا بصراحة متروعيييين منها مع انه شكلها بريء!
واللي يروع أكثررررر من كل هذا انه جواز وملف الخدامة اليديدة هاي كامل
مختفي من البيت !!!!!!!! دورناه في كل مكان !! مب موجود !!!!!
أبوي راح طلع لها جواز من السفارة
ونبا نردها المكتب قبل ماتخلص الثلاث شهور بس المكتب مب راضي يقبلها
بدون تأشيرة!!!! لان المكتب مايبا يسفرها يبا يعقها على حد ثاني يبتلي فيها .....
و للحين مبتليين فيها ونراقبها ومن فترة طلبت من امي تلفونين!!
ووايد سوالف تتأمر وامي اطمنها اونه بنعطيها عقب الثلاث شهور كنوع من اتقاء شرهااا
بس نحنا بنكلم الشرطة وبنشوف الحل
بااارت 3
انا اقولكم من الحينه لاتاخذون اي خدامة من المكتب ومرجعنها كفيلها
لان كل الاسباب اللي يقولها المكتب جذب بجذب ... المكتب همه الربح والفايدة
وما همه راحة العوايل ولا الناس .. يعني مصلحة المكتب فوق واول شي
وثانيا
ابا اسال شو الحل الحينه ؟؟ شو احسن انييب اندونيسية ولا فلبينيه
الاولى: للطبخ و الكوي
والثانية: لتنظيف الفيلا من داخل و غسيل الملابس
افيدوني بليز
والله يكفينااااا من شرهن وبلاويهن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعينكم على الخدم انا ماحبهم ابدا لانهم يجيبون عوار الراس
__________________________________________________ __________
>>>> الرد الثاني :
والله الخدامات الحينه يخوفن{ إنا عقب ما عانيت من هالجنسية خذت لي سيريلأنكيه أهون من الأندونيسية. بعد أدق عليها مرات بسير المكتب ولسانها طويل بس أنا أطنشها وأموقفتنها عند حدها
__________________________________________________ __________
>>>> الرد الثالث :
والله هالخدم متعبين الله يكفينا شرهن
__________________________________________________ __________
>>>> الرد الرابع :
والله منكلامج اختي مول لا تيبين اندونسية المفروض اتكونين منقرصة خلاص الله اياب لكم الخير دائما
__________________________________________________ __________
>>>> الرد الخامس :
اذا انتوا في البيت وحريم ما تشتغلن وزعوا الشغل بينكم احسن من الخدامات فديتج يمكن تقولين صعبة بس ها راي يمكن يناسبكم والله يوفقكم
رد مع اقتباس
