عنوان الموضوع : قولولي خواتي ، أنا ظلمتها وإلا ؟؟؟!!!!! لمشاكل المنزل
مقدم من طرف منتديات الضمير العربي
السلام عليكم
شحالكن خواتي
السالفة ومافيها ،،، عندي خدامة أندونيسية من 8 شهور ،،،،
وبيتي صغير وما فيه شغل ، وعندي ولدين بس ،، وما تطبخ إلا وجبة الغدا
المهم أحسها دايما تتأفف ،،، ما عليه اطوفها ،، لأني مليت من كثر ما اييب خدامات
وأنا حامل ألحين وحملي هذا بعد فترة طويلة ،، وقلت بصبر عليها ،، لأنها بالأمانة تشتغل ، لكنها دوم تدعي وتتحرطم بلغتها
المهم ، خدامتي هذه ،، أو ما جات اعطيتها تلفون وكان تلفوني أصلا ، وعطيتها رقم من عندي،، وكل شهر اعطيها بطاقة رصيد من عندي ،وباقي البطايق من عندها لو تريد،،ويشهد علي ربي ، اذا شفتها اشتغلت زياده في يوم أعطيها وازيدها فلوس ،،،، ومعاشها 800 ومب عاجبها ،، دايما تلمحلي أنها تبا زياده،، للعلم ما في بيتنا شغل ، وعيالي كبار وما يحتاجون خدامات
المهم ،، شفت تلفونها بالصدفة على طاولة الكواية،، ورحت فتحت الاستديو ، وانصدمت ، لقيتها مصورة عيالي ، وغرف البيت ، وسيارة ريلي،، هذا غير أنها تفتح النت من التلفون وما ادريبها وين تدخل،،،، ما واجهتها ولا شئ ،، رحت اشتريت تلفون بدون كاميرا ، عادي ،، وقلتلها أنا اريد تلفوني ، وخذي هذا التلفون الجديد ،،، طبعا كل هذا وهي معصبة وادقق بالبيبان ، مب عاجبها الوضع،، رجعت تقولي تبا الميموري اللي في التلفون !!!!! استغربت ، من وين جابت ميموري ،، وتلفوني أصلا ما كان فيه ميموري !!!!! سألتها قلتلها من وين جبتي الميموري ، قالت من اندونيسيا،،، استغربت ،، معقولة تجيب ميموري من اندونيسيا من غير تلفون؟؟؟ وكيف ظبطت هذه الميموري على تلفوني ؟؟؟ وبعدين أنا ما شفت في التلفون إلا صور بيتنا وعيالي ، ما شفت صور اندونيسيا ،،، المهم اخذت التلفون ، ورجعت مره ثانية تقول أنها تبا تلفون أبو كميرا ، وأنها هي بتشتريه بفلوسها ،، عاد هنا أنا ما قدرت أتحمل ،، قلتلها ممنوع ،، وقلتلها اني مشكله وتصورين وكذا وكذا ، وقلتلها اني شفت كل شئ ،،،،،،،،،،،،قالت وين المشكلة ؟؟؟؟ قلتلها مب على كيفج تصورين عيالي وسياييرنا وبيتنا ،، طبعا ما عجبها الكلام ،، وألحين منتفخة ،، وشغل من ورا الخاطر وتمشي وتصيح ،،،،، أبا أعرف شو الجريمة اللي ارتكبتها ؟؟؟ مب من حقي أحمي بيتي وعيالي منها ؟؟؟ وبعدين التلفون والرقم كلهم مالاتي ،،،،
قولولي ظلمتها وإلا ؟؟؟؟ وكيف أعاملها ؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا طبعا ما ظلمتيها
قوليلها انتي ياية تبين تشتغلين ولا لا ? قولي دام اني يبتج يعني تسوين اللي انا ابيه مو اللي انتي تبينه واذا انا سمحت لج تستخدمين موبايل محمول هذا مو معناته انج تتشرطين علي بالموديل غيرج حتى تلفون بدون كاميرا مب مسموح لهم يستخدمونه
ودامها من النوع اللي يتافف راقبيها عدل ماتعرفين كيف بتطبخ لكم الاكل يمكن ما تراعي النظافة او تشتغل سرعة سرعة وما يهمها
عطيها العين الحمرا وبيني لها محاسنج معاها قارني معاملتج معاها بمعاملة غيرج من الناس مع خدمهم
وبيني لها لو طلعت من عندج يمكن تطيح في بيت كبير وماشي الا تشتغل والاندونيسيات الحين خلاص معظم الناس ما يبونهم من كثرة مشاكلهم والسعودية منعتهم خير شر يعني مابتحصل شغل
__________________________________________________ __________
>>>> الرد الثاني :
الله يعينك اختي تراهم يحقدون على الانسان انتبهي على نفسك وبيتك احسن ترجعينهاا للمكتب وشوفيلك غيرهاا
__________________________________________________ __________
>>>> الرد الثالث :
ما تخليها ببيتك ولا دقيقة ما بتضمني شو منكن تسوي جد حبيبتي رجعتيها اذا مش بحاجة جيبي اللي بالساعة
__________________________________________________ __________
>>>> الرد الرابع :
ماظلمتيها
خدامتنا جذي كانت
و وقفناها عند حدها
وقلنا لو ماتبين بنوديج المكتب ووديناها و هناك قالولها احمدي ربج عطوج فون و بطاقه و رصيد
__________________________________________________ __________
>>>> الرد الخامس :
رد مع اقتباس
