عنوان الموضوع : سؤال بخصوص جنسية الخدامة
مقدم من طرف منتديات الضمير العربي
السلام عليكم
ابغي اييب خدامة تساعدني ف شغل البيت و انا حامل
و ساكنة روحي مع ريلي
و اوسوس واااااااااااااااااايد
الحين شو احسن جنسية تقريبا صح يعتمد ع الشخص
بس انا حاطة ف بالي اندونيسية او سيلانية
شو رايكم ممكن تنصحوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا جربت الإثيوبية مال شغل بس النظافة الشخصية لااااااازم تعديل عليها مليون مرة ما دري جنه النظافة عندهم اتييب المرض !!!
وفوق كل جنسية عامليهم بأسلوب صارم لا دلع زايد ولا قسوة إهانة ،،
والشغالات يكسرون خاطر الرياييل فحطي بينها وبين ريلج حاجز،،
ها رأي الجنسية ما تفرق المعاملة هي اللي تفرق،،،
__________________________________________________ __________
>>>> الرد الثاني :
الخدم شررررررررر وحظظظظ ومافي فرق فالجنسيه اذا مب زينه في كل جنسيه بتحصلين مب زينات واذا زينه في كل جنسيه بتحصلين زينات انتي وحظج*
__________________________________________________ __________
>>>> الرد الثالث :
انا نفس وضعج
و قدمت ع فلبينيه
و قلت لريلي لو سمحت امور الخدامه ماتدخل فيها انا بتفاهم معاها
تبا شي خبرني انا
و الخدامه بقول لها نفس الشي
و اوردي عشان راحتي فبيتي
عندي لها غرفه خارجيه مع حمامها برع البيت حذال المطبخ لكن قفلنا المكان بالالمينيوم عشان
ماتكون مجابله باب الحوش على طول
وكذا شي فبالي بهالموضوع بذات لان ماعندي لاعيال ولا دوام ولا شي
و للعلم الي بتيني يديده اول مره تشتغل
و وصيت راعيه المكتب تكلمها اني ابيها تطبخ وتنظف و تكون زينه مع بنتي لاني حامل
و هي مابتمسك البيبي بس طبعاً بتساعدني فيها
و كلمتها والخدامه قالت مومشكله هي تحب اليهال
ولكن ماتعرف الا طبخ فلبيني قلت انا بعلمها
اذا تبين شي خبريني خذت خبره قبل لا اقدم
__________________________________________________ __________
>>>> الرد الرابع :
اختي الجنسية ما بتفرق انا جربت 3 جنسيات
وحدة ماكانت تبغي تشتغل بالمرة
ووحدة يت و شردت و الثالثة عقولتهم ثابته ,
انتي و حظج و انتي و كيفية تعاملج مع الخدامة و الله يوفقج يارب في وحدة زينة و تخدمج من خاطرها ,
أختي عشق طاهر :
إنتي اول مرة بتييبين خدامة صح ؟؟ و مثل ما تفضلتي اول مرة الخدامة تشتغل ؟؟
أنا بعد افضل تكون الخدامة اول مرة عندي ما تكون عندها خبرة لنه الخبرة احيانا ترجع عليج بالسلب يوم تقعد الخدامة تقارن .
بس عندي تعليق : تقولين تبينها تطبخ و تنظف و تجابل الياهل او بمعنى تساعدج في هالشي .
انا بقولج اول سنة خلي الخدامة تنظف و بس و ثاني سنة تساعدج في الطبخ تبدا تقص لج الخضار و تجي و تحضر الوجبات الخفيفة
بعدها تقدرين تتركين معاها الببنية الله يحفظها على الاق تكون كبرت وصار عمرها سنتين و بالمرة بتعرفين اذا هي لها خاطر لليهال و الا لا .
لنه الخدامة و حليلها تبغي تشتغل بكل الاحوال يوم هي تكون فبلادها اول ما تييج يكون عندها سهل انها ترد بلادها لنه اول مرة تسافر لمرجد مشكلة بسيطة
و بتتخوف من المهام اللي بتحطين عليها و خاصة طباخنا شوية صعب فيه كثرة البهارات و التفاصيل
فهم اكلهم سهل جدا و سريع , فلين ما تحفظ لج اسماء البهارات مثلا يبالها وقت , فانصحج تلغين فكرة الطبخ اول سنة
عشان تم عندج الخدامة و تطول معاج باذن الله .
__________________________________________________ __________
>>>> الرد الخامس :
هاتي سيلانيه مسيحيه ومب متزوجه
الاندونيسيات بالحظ تطلع زينه يعنى انتى ووحظج لكن الاغلبيه مب سهلات والفلبينيات انا عندي وحده ومع انها كانت عند اهلي من زمان بس لها طلعات مزاجيه يعنى
رد مع اقتباس
