عنوان الموضوع : ساعدوني اختار اي خدامه حلول منزلية
مقدم من طرف منتديات الضمير العربي

بنات انا ابا اييب خدامه

ومرت اخوي يزاها الله الف خير يابت لي طلبات

انا ابا اندونيسيه

طبعاً 10 الاف استقدام و معاشها 800


احترت بين ثنتين

الاولى عزبا عمرها 25 مسلمه مشتغله فالاردن 6 سنوات
تعرف تطبخ


الثانيه
معرسه وعندها بيبي عمره 8 سنوات و مشتغله فالامارات4 سنين و فالسعوديه 5 سنوات عمرها 28
و عندها خبره فالاكل تطبخ ذبايح فالسعوديه

و انا اباها تعرف تطبخ بس محتاره بينهم

لان بيتي صغير و توني حامل فالبجر يعني ابداً مافي شغل
بس لاني تعبانه من الحمل ولازم ارتاح فالفراش لاني طحت والدكتوره قالت تمي عالفراش

ف قررت اييب خدامه لان البيت يغبر بسرعه و غسيل ملابس
وطبخ


ساعدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
معارف شو اقول
بس لو ما اتيبين خدامة الحين احسن
مافي شغل و بتم تراقبج انتي و ريلج
لو اتيبين بارت تايم تنظف لج البيت افضل
و خلي حد يطبخ لكم مثلا من بيت امج ولا اهل ريلج او حرمة تتفقون وياها
أنا مريت باللي تمرين فيه و كانت عندي اندنوسية معرسة وتعرف تطبخ و زينة
بس طلعتها من بيتي لأني ما قدرت أخذ راحتي في بيتي لان مافي وايد شغل و كله مجابلتنا ولا يالسة في حجرتها تتسمعنا
هاي نصيحتي لج و انتي برايج
و الله ييسر لج حملج و يتمم لج على خير

__________________________________________________ __________

>>>> الرد الثاني :
بالتوفيق

__________________________________________________ __________

>>>> الرد الثالث :
اختي انا من عرست وانا عمتي حالفه علي اني ما اطبخ مدام هي موجوده

لكن هالشي مسبب لي احراج و بناتها يغارون ويتمون يتكلمون ان امهم تحب حريم عيالها ومدلعتنهم

و التنظيف دورت مال كم ساعه بس ماحصلت
كنت اييب خدامات بيت ابوي لكن تعرفين يوم مب خداماتج ماتقدرين تتامرين
وبروحهم عندهم شغل فبيوتهم ف ينظغطون مع اني ما اقصر فيهم من الفلوس

و عمتي يزاها ربي الجنه تطرش خداماتها لي بس خداماتها هلكانات لان يشتغلون عند عمتي وحمياتي ٢٤ساعه هم وعيالهم عندها

فيغمضوني

وانا مليت من نغزاتهم و مدام حملي شبه فخطر قررت اييب خدامه ولا اعور راسي

__________________________________________________ __________

>>>> الرد الرابع :
اذا تبينه حق التنظيف خذي مال الاردن او بلاد الشام ..


لان اشوف خواتي أيبون مشتغلات من صوب بلاد الشام ..

__________________________________________________ __________

>>>> الرد الخامس :
اذا تبينه حق التنظيف خذي مال الاردن او بلاد الشام ..


لان اشوف خواتي أيبون مشتغلات من صوب بلاد الشام ..