عنوان الموضوع : خدامتي طفرتني دخيلكم ساعدوني عمل يدوي
مقدم من طرف منتديات الضمير العربي

السلام عليكم خواتي

بدخل في الموضوع في بيت أهلي كل ما اييب خدامه أتم عندي سنتين

وصارلي الحين سنتين وشوي في بيت بروحي الخدامات ما يتمن

اول شي تبا تشتغل واوكي هالخدامه ماكملت شوي واشوفها مالها خلق
اول مايبتها ماشالله عليها اكتشفت انها كذابه و شو اقولكم ايدها خفيفه يعني 10 طايح بتشله دراهم بتجمعهن
ما اقصر فيها معاناتي مش هالشي لا
ثيابي ماتكويها عدل شيلتي وعباتي أتم يومين ماتكويهم مره رحت الدوام شيلتي وصخة في أمور وايده تستوي لاعت كبدي منها ماتسحي بنتي تخليها يومين بكشتها أقولها سبحي العيال تقولي ليش
اعرف المفروض أنا اسوي هالشي المشكله حامل وما اقدر أوقف وايد فيني السكر وكله تعبانه
ماكملت 6 شهور وزدتها من 3 شهور 100 استوا معاشها 900 سام انها من الجمعية عليه والندومي عاد الله لايراويكم مايكمل عندها هذا كله وماقلت شي مبذرة وايد في سامان البيت والله وساكته كل ما أكلمها تقولي وبعدين بالمعنى يالله خلصيني
طفرت منها طلعت لي بشغله غريبه اكتشفت انها عندها وايد ربيعات في الامارات لا وبعد تقولي مدام في صديقتي بتشرد عادي تجلس عندنا قلتها حرام رب العالمين بيحاسبني الناس دافعين 10000 حق المكتب وتشرد قلتها لا اسفه بابا بيسويلي مشاكل
المهم كلمتها من يومين على اساس ليش ماكويتي عدل كندورتي كيف بلبسها وهي كلها مقرفطه ولا كانها مكوايه قالتلي برجع اكويها قلتلها كل كناديري جذي قالتلي وقتي هذا وانا بكويها خلاص قلتلها وقتج بس ببرج في أشياء وايدة وصخه الغبار ماتنظفينه سكتت قلتلها غلطانه انتي قالت اعرف بس يامدام أنا اريد اقولج شي أنا أبا أسافر ليش اونه بتجوز بنتها قلتلها في العقد مالج كم لازم تشتغلين قالت سنتين قلتلها سوري مابسفرج
الصراحة خفت على عيالي قلتلها عندك 3 اختيارات
تبين تشتغلين عند حد غيري ولا ارجعج المكتب ولا تمشين معايه سيده ووصاخة مابا قالت بفكر قلتلها قوليلي هاليومين عشان أنا اقدم على خدامه تعرفين الحين أنا حامل في بدايه الثامن يعني يمكن في اخر شهر 5 إربي وعيالي منو بيقعد معاهم وبنتقل بيتنا الشهر الي ياي
أنا الي فهمته تبا خدامه تساعدها قلت أوكي بيب بس هيه ماتنفع أبدا خربتلي المواعين
يا ناس تحاسبني على العاب عيالي لا تشتريلهم العاب تخسرين فلوس
ومناط تزعل ليش ما بخششها وليش يوم تبا سلف ما اعطيها
خواتي تنصحوني شو اسوي مخي اخترب وماعندي الصراحة ميزانيه أجيب. خدامه ثانيه لأني كل شهر ارتب اشوي شوي في البيت اليديد
ساعدوني بليز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
المفروض اتكلمين مكتب يشوفون لها صرفه .. والله يعينج

__________________________________________________ __________

>>>> الرد الثاني :
بصراحة شغالتج مأسااااة !! كل شي مشيته حقها بس تدخل في حياتكم و تقول لا تشترين العاب لليهال ؟؟ بصراحة هاي حقودة و اتوقع انها اندونيسية ، حبيبتي سفريها و هاتي غيرها هاي ما فيها خير لا اوتي مثل الناس و لا تنظيف عدل و فوق هذا المواعين مشروخة و لا مهتمة !! وش تبين فيها متمسكة بها ، قلعيها خل تروح و دمرة قدمي ع وحدة ثانية لين ما توصلج تكون هاي سافرت و اشتري راحة بالج و استخيري قبل لا تقدمين ع غيرها و ادعي تكون احسن منها و تريحج
موفقة حبيبتي

__________________________________________________ __________

>>>> الرد الثالث :
وبعدج تتشاورين؟ شو تبين فيها صحتج أولى

__________________________________________________ __________

>>>> الرد الرابع :
احترنا معهن اذا كنتي زينه وياها تتمرد واذا قسينا تشرد
اختي اشتري راحتج ييبي غيرها

__________________________________________________ __________

>>>> الرد الخامس :
وديها المكتب وبيهزبونا وبتمشي ع الصراط المستقيم ،، ولا تعطينها ويه ابد ولا تاخذين وتعطين وياها ،،

يوم تسبح عيالج حاولي تكونين عندها وتشرفين عليها ترا بلاويهن اكثر من نفعهن

الله ييسر امورج