عنوان الموضوع : شغالتي 0000000000000 تجارب منزلية
مقدم من طرف منتديات الضمير العربي

سلام عليكم
اشحالكم حريم
بخبركم عن شغالتي و الله احسني تعبت من زود ما اقولها سوي سوي و الله راسي يعورني من ثلاث ايام
بنات انا قلت للمكتب ابا وحدة مشتغلة من قبل عشان تكون عارفة كل شيء ما اتعب وياه و للأسف من 4 سنوات مشتغلة و احسها مول ما تعرف احسها تبى ترفع ضغطي يعني اقول لها امسحي العاب اليهال عشان خايسة من حلاوة و الروب و تقول وين مدام وين العاب وين وسخ كيف امسح ماي او صابون و لازم اسير وياها الغرفة و أشر على اللعبة و ياليت تنظف كل الالعاب بس اللي خبرتها عنها و اليوم حطيت بنتي في العربة قلت لها دزيها شوي لين اسير الحمام و سرت الغرفة الثانية سمعتها تقول للبنت بس يلا سيري عند ماما سيري اشرب حليب و سرت و هزبتها قالت لا هو ما يريد يجلس في العربة و اليوم اخوي كان ياي يزورنا تقوم تطلع من الغرفة تطالعنا في الممر و ترد داخل و بعدين طلعت تمت تطالع و سارت اخوي يقول شو فيها ليش تطالع و قلت ما ادري قال حتى المرة اللي طافت ييت و سوت نفس الشيء
امس سرت لها المطبخ الساعة ثمان الصبح و هي تعرف انا في هذا الوقت اكون راقدة شفتها يالسة في المطبخ يوم شافتني ماتت من الخوف و قلت لها شو تسوي قالت تعبت من الشغل يا اللله بعدنا الساعة ثمان الصبح قلت لها شو نظفتي قالت بعدني مدام بس ينظف حمام بموت منها والمهم يوم بطلع من البيت تطالعني و تقول مدام متى بتيي البيت قلت لها ليش قالت بس سرت بيت اهلي نص ساعة و رجع شفتها في غرفتها قتلها نظفتي قالت هيه هى وايد تعرف عربي زين قالت نظف 3 غرف و حمام كيف نظفت ثلاث غرف و حمام في نص ساعة ابى افهم معنى الصالة كبيرة وايد و الغرفة الثانية فيها ثلاث سريرات و انا اقولها خوزي السريرات و نظفي من تحت تعصب تقول مدام انتي ما ريد انا انا يريد يروح مكتب و بنتي يوم تكلمها تقول لها زين زين يلا سيري عند ماما ساعدون الله يخليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
معني ما اخلي بنتي عندها طول اليوم وياي
المهم انا بيتي صالة و 3 غرف و حمام و اللي برع حمام و مطبخ و بلكونة و غرفتها و حمامها ابى اعرف كيف تخلصهمن من الصبح لين الظهر و يوم ايي من دوام اشوفها في غرفتها و لا بعد مسوية غدا
مرات ريلي ايي من دوام الساعة تسع و نص الصبح يقول يشوف البشكارة في غرفتها
و المشكلة انا في دوام اخليها في البيت تشتغل ما حد يتفيج يراقبها يوم انا ماحد
وبنتي الصغيرة اشلها عند وحدة وافدة تهتم فيها لين ما ارد

__________________________________________________ __________

>>>> الرد الثاني :
ما شاء الله ,, كل هذا تسويه وهي في الغرفه طول اليوم ,, صراحه أشك فيها شغالتج ,, وانتبهي كثرة الأسئلة ماما وين بتروحين ومتى بتين ترا وراها شي ,, حاولي راقبيها لان خدامتنا كانت تقولنا نفس الشي وتسأل وايد وآخر شي زخيناها ( افهميها ) ,,

__________________________________________________ __________

>>>> الرد الثالث :
اي شي تشوفينه غلط او شاكه فيه راقبيها
وكثرة الاساله متى بتردين ومتى بتر حين هي ليييش تسال
راقبيها

__________________________________________________ __________

>>>> الرد الرابع :
اعملي لها كاميرا مراقبه افضل

__________________________________________________ __________

>>>> الرد الخامس :
اختي رديها المكتب هذي ماتبه تشتغل عندج تبه تشوف غيرج
شوفي غيرها