عنوان الموضوع : خادمه للتنـــــازل فوول ابشن ومافي مثلهــا لو تلفين وتدورين ..
مقدم من طرف منتديات الضمير العربي

الســــلام عليييكم اخوااااااتي ,,,

كيف الحاال ... انا بإختــصــــــــار

سويت هالموضوع هذا علشاان اقولكم الواقع المرير اللي فييه الحين واباا المساعده

شو المشكله الحين ما تحسوووووون واايد حريم شغلهن الشاغل الحين الخدامات

ويا كثر الي يتنازلون عنهم في المنتدى بس بعد شو يسوي الواااحدد

شو هالمشكله الي مالهاا حل ..

انااا جبت لي خدامه فلبينه مب مكمله 6 شهور عندي واحسسسسسسن ما يكووووون

وماشاء الله عليهــــا زينه وطيبه وما تقولي لا ومطيعه واهتمام في بنتي الرضيع من ناحيه الاكل يوم انا اداوم

وتعرف اترقدها وتعرف للاطفــال ما شاء الله

وتعب شوي بما اني اداوم وارجع اعلمهاا وتعلمت بسرعه وعرفت لنظام بيتنــا ..

اوك وخسرني المكتب فيهااا 7500 ومعاشها طبعــا 800 وكلفتني في الفحص الطبي والضمان والهويه

وطبعاا ملابسها واغراضها الشخصيه عليه .. واعطيه كارت رسيد كل اسبوعين ومرات كل شهر على حسب ..

المهم انا سافرت العمره ولله الحمد انا وابو العيال وبنتي الاموره ,.. ووديتها عند اهلي

واليوم الي برجع فيه من السعوديه ,, الا ايجيني اتصال من الوالده تبشرني وتزفلي خبر ان الخدامات شردن وكلهن فلبينيات

خدامه امي وخدامتي وخدامت عمتي ,,

تضيقن للامانه وقلت ليش بتشرد وانا موفره لها الي تباه .. وما عندي كراف وايد .. وهي كبيره فالعمــر يعني ماتوصل لهاتفكير

وعقب يومين اتصل فيني الممكتب وقال ان لقو الخدامه في السفاره .. مالت عليهن سارن السفاره

اونه خلاص تعبنا ومانبا ونبا نستلم 1000 درهم شرات الرواتب اليديده

قلت للمكتب طيب ليش ما يقولن لنا الي فخواطرها يمكن كان نوصل لحل يرضي الطرفين صح مب على طول تسير السفـــاره

المهم انا الحين خلالالاص احس يااني ياس من الخدمه ايبها واخسر فلووووس ومبلغ مب سهل واتعب نفسيا الين ماتتعلم

واخر شي تشرد ليييييييييييييييييش ياناس منو الي بيرجع لنا حقوقنا

ليش القانون وياااااااهم والله حراام نحن بعد نتعب الين ما نجمع لهم هالمبلغ مب سهل والحمد الله نحن مقتدرين ولله الحمد

بس اذ كل سنه ايب وحده وتقعد بس 6 شهور وتشرد عز الله فلسنا من هالويه ..

اباا نوع مايشرد

اتحمل عيوبه بس تكمل السنتين عندي .. ياني ام الاحبااط لمن سمعت ان مالتي شردت

ومن يوم الجمعه الي طااااااف والله ما خليت دعوه ما دعليتهاا عليهااا من زود قهري والمشكله الحين اداوم

وبنتي المسكينه متبهذله ما احصل لها وقت اجهز اكلها ولا اكلهاا وتعبانه من السفره ما ارتحت للحين

واكيد اغلب البنات الي عندي مرن بهالتجربه واكيد اكثر من مره وحده

طبي الي ما تسرد خدامتها شو تسووووي كيف نظامها وياها هل تراقبهم او شو ..

وهل انتو تمسكون مبلغ معين من معاشهن علشان ما يشردن .؟

وكيف السياسه الي تتبعونها للخدم .

وتتوقعون الجنسيه الي زينه للشغل شو وما تتعب ولا تاخذ وقت الين ما تفهم

انا الحين جبت هنديه بس ما با برجعها لان احس يبالها حد واقف على راسها ويفهمها

وانا صراحه ما عندي وقت الحين ايلس اعلمها الشغل وما نتفاهم كل ما كلمتها هزت لي الراس ياحليلها هههههههه

بس شو يقووول الواحد حسبي الله ونعم الوكيييل عليهم وعلى من كان السبب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الشغالات حظ ونصيب
جنسيتها ما تحدد اذا كانت اوك أو لا
الله يعينج

__________________________________________________ __________

>>>> الرد الثاني :

المشاركة الأصلية كتبت بواسطة آنسات
الشغالات حظ ونصيب
جنسيتها ما تحدد اذا كانت اوك أو لا
الله يعينج



صح كلامج اختــي

بس الاغلب مدحلي هالجنسيه عشانهم ما يشردن

ولو ما يبون الشغل يقولون مانبا خلاص ..

بس شو نسووي هذا نصيبااا منهم

وان شاء الله الياي احسن من كذيه

__________________________________________________ __________

>>>> الرد الثالث :
مشكلة القرن هالخدامات الكل يشتكي منهم شو بنسوي المشكلة انهم شر لابد منه الله يعين بس

__________________________________________________ __________

>>>> الرد الرابع :

المشاركة الأصلية كتبت بواسطة طيف الغربة
مشكلة القرن هالخدامات الكل يشتكي منهم شو بنسوي المشكلة انهم شر لابد منه الله يعين بس





صح كلالالامج الزمن تغير والخدامه تغيرن

الله يوفقني في الاختيار للمره الثالثه وان شاء الله ايكون نصيبي حلو هالمره

__________________________________________________ __________

>>>> الرد الخامس :
ينقل للقسم المناسب ,,,