عنوان الموضوع : زيادة راتب الخدامة الاثيوبية وبتكمل 2 سنتين لمشاكل المنزل
مقدم من طرف منتديات الضمير العربي
السلام عليكم ورحمة الله وبركاته
انا محتارة ... موضوع شاغل بالي . وماعرف كيف اتصرف ..
انا عندي خدامتين فلبينية واثيوبية ... الفلبينية للعيال ... والاثيوبية للتنظيف بحكم اني موظفة .. ودوامي طويل
الاثيوبية شهر 6 بتكمل سنتين ... كان راتبها 700 اول مايبتها ... ومن فترة زدتها وصل راتبها 900 ...
لانه خدامتي القبلية الفلبينية شردت ولانه زاد الشغل عليها ... زدت راتبها ... ويوم يبت الفلبينية اليديدة اللي عندي حاليا وراتبها 1000 ... قلت مو مشكلة بزيد الاثيوبية بما انها زينة مع عيالي ف صار الراتب 1000 ... فكلهن نفس الشي ...علما بانها لاتطبخ ولا شي بس تنظيف وتغسل وتهتم في اخر عيالي ... والفلبينية تساعدها بعد وعليها عيالي الاثنين ... يعني الشغل مقسم بين الثنتين بالعدل محد احسن عن حد .... علما بأني ادلع الخدم مستلزماتهن بروحي اشتريها ... وحتى الرصيد اشتري اقول مسكينات بيكلمن اهلهن ... وهن الصراحة زينات وايد مع عيالي
وخاصة ولدي الاخير متعلق في الاثيوبية ويحبها وهي بعد حنونة ... مشكلتها اللحين تبى زيادة في الراتب ال 1000 ... تباني اعطيها 1500 ... وانا هالمبلغ شفته وايد ... بحكم انه ماعندي بيت كبير والشغل هو هو مايتغير ... احسها تستغلني وتلوي ذراعي ... وتقول ماتبين سفريني اليوم ... وعادي مو مشكلة بنتظر الخدامة اليديدة وعلى الانتظار عطيني 1300 .. شو رايكن ؟ احسها تمادت ووقحة بعد ...اللي كاسر ظهري عيالي ... يعني اخاف اييب خدامة يديدة والعيال مايتقبلوها ... او تطلع مب زينة وتشرد .. امس صليت الاستخارة ... واللحين استشير ... تعبت من التفكير ... ريلي يقول تستغلنا ... ويحاسبني ريلي يقول تشوفج تكشخين وتلبسين عيالج ماركات وشنط وعطور ... بتقول عندهم ... يعني معقولة احرم نفسي عشان خدامتي ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي سفريها احسن شو 1500 وايد اكي لو قالت 100 ممكن بس مرة وحدة انا شغالتي اول ما يبتها في مكتب يقولي راتبها 500 بس انا عطيتها 700 عادي تشتغل مسكينة كملت سنة وهل الحين داشة في سنتين لا عمرها قالت لي زيدى راتبي ولا شي شكلك عاطياها ويه زياده واستغلوا الواجد الله يعينك عليها
__________________________________________________ __________
>>>> الرد الثاني :
لا حبيبتى انتبهى تزيدينها تحمد ربها الألف كثير عليها الي يابها بيب أحسن عنها ولا تمشي كلامها عليج آخر زمن
__________________________________________________ __________
>>>> الرد الثالث :
سفريها وييبي غيرها أحسن
اللي سخرها بيسخرلج مليون وحده غيرها وانتي استخيري على أي وحده بتيبينها وربج بييسر
__________________________________________________ __________
>>>> الرد الرابع :
ترى الغلط منج يوم زديها من قبل أنا يوم بزيد بزيد ١٠٠بس مب ٥٠٠ وهي استغلت هالشي
الحين انتي محتاجتنهاااا ومشكله إذا يتتج وحده ثانيه خبيثه وانتي تقولين هالخدامه طيبه مع عيالي
كلميها بالطيب انج ماتقدرين تزيديهاا واصلا مافي مكان بيعطوهاا ١٥٠٠ وهي اثوبيه كل الاثيوبيات رواتبهم
٥٠٠ قوليلهااا اعقلي وارضي براتبج وإذا ماتبى برايهاا قوليلهااا انتي الخسرانه ....!
__________________________________________________ __________
>>>> الرد الخامس :
حرااام ليش ١٥٠٠
انا عندي اثيوبيه و كانت تاخذ ٥٠٠ و من شهرين زدتها ل ٧٠٠ و اشوفه وايد الصراحه
لا تزيدينها عنبو ١٥٠٠ ليش و هذا و هي ما تطبخ
اللي عندي تطبخ يومين فالاسبوع و تغسل و تنظف و تكوي و كل الشغل ع راسها و ما شاء الله عليها ما تحرطمت و لا قالت كلمه
رد مع اقتباس
