عنوان الموضوع : حابة استغني عن إشغاله ابي مشورتكم ضروري عمل يدوي
مقدم من طرف منتديات الضمير العربي

السلام عليكم
خواتي أنا بعد تفكير عميق حابة استغني عن إشغاله وإباكم تنصحوني
يبت ثلاث والحمد الله ما اشتكي منهم بس احس ساعات يمكن اظلمهم عندي إحساس بالذنب فظيع
يبت جنسية إثيوبية من اعطيهم ملاحظة ما أعيبهم واتمون أم بوزين
احس في البداية اول ما أيون يختلف تعاملهم عن بعد ما أكملن 8 او 9 شهور
عندي ولدين واحد بدخله المدرسة قريبا والثاني بي كمل سنه وقلت بتعمد ع نفسي وريلي من النوع الي أساعد الحمد الله يعني من اروح عني شغاله أنظف ويغسل عادي
وهو دائماً لقولي ابي اكون في خصوصية يستحي من وجود إشغاله فالبيت
بس وحليله مب معارض ايب
أنا قلت بيب لي غسالة صحون ونشافة ملابس وغسلة اتوماتيك استهل لي الشغل
ويوم ريلي اكون بالدوام بيب شغاله بالساعات
شو رأيكم أنا قلت بشور كم وبصليً استخارة قبل ما أقرر
ادع لي خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حلوه فكرتج

موفقه

__________________________________________________ __________

>>>> الرد الثاني :
حلو الاعتماد على النفس

__________________________________________________ __________

>>>> الرد الثالث :
اذا انتي فالبيت هيه توكلي ع الله

__________________________________________________ __________

>>>> الرد الرابع :
مافي اروع من ان الزوجين يعيشون خصوصيتهم بعيد عن الخدم ، وأحلا شئ يتربون لعيال على اسس صحيحه بعيد عن الأطباع الدخيله ، توكلي على الله وصراحة انتي مثال وقدوه وياريت الكل يسوي نفسج لنه سبب مساعدة ريلج لج هذا إن دل فبيدل على اسلوبج الراقي وعقلج الكبير الله يوفقج اختي ويجعل ذريتج من الابرار الصالحين ويحفظ لج ريلج من كل شر وعيالج ويحفظك من كل شر اللهم امين ، واغلب البيوت الي اصحابها تلقينهم طبيعيين ماتلقين عندهم خدم إلا بالساعات ، اختي بس نصيحه صغيرووونه يوم بتييبين خدامه بالساعات شيلي أي شئ غالي وقفلي عليه وخلي عينج عليها لين تروح وبالتوفيق اختي

__________________________________________________ __________

>>>> الرد الخامس :
فديت كل من رد الصراحة عطيتوني دافع
أختي أنثى مشكورة وكلامج ريحني وايد الله أوفقج يا رب