عنوان الموضوع : خدامة ماتكمل اسبوع ونص وتشرد و المكاتب تقول مايخصنا والمواطن ياكل تبن!!! لمشاكل المنزل
مقدم من طرف منتديات الضمير العربي

شوفوا اللعبان الي احنا. فيه يبت ببشكارة من عيمان مكتب من المكاتب و دفعت عليها ثمان الاف و خمسمية وصبرت لين مايت و أنا علفكرة ماعندي غير يهال اثنين و غرفة صغيرة ساكنة فيها يعني ماعندي شغل مولية بس محتاجة خدامة عسب تعاونام ريلي لما بخلي الصغاريه عندها و أنا ف الدوام المهم وصلت عندي و تمت اسبوع. ونص عقب سألتها تبين. تشتغلين عندي ؟؟ قالت أنا وايد مرتاحة عندج مدام و ابغي اشتغل عندج !!! و عقب افجأة شردت !! المهم رحت المكتب قلت كذا الموضوع قالوا لا مايخصنا لا بنعوضج بوحدة يديدة ولا بنرد لج فلس !! قلت والله حرام عليكم انتو قلتولي ضمان ثلاث شهور ؟؟؟؟ قالوا ضمان إذا الخدامة ماتبا تشتغل عندج بنيب لج وحدة ثانيه لكن مش ضمان في حاله هروب !!! قلت ععيل جان فهمتوني من البداية ليش الحين تصدموني ؟؟ الحين محدمستفيد غيركم و الخدامة مستفيدة و عايشه حياتها و يوم بتشبع فلوس بتسير القنصليه بتقول سفروني و بتنحبس شويه و بتطلع و هي فلوسها في جيبها؟؟ و المواطن ياكل تبن؟!!!!!!! قلت ليش ماوضحتوا لي من البداية ان هذا قانونكم انتو بس قلتوا لي ضمان ثلاث شهور و سكتوا؟؟؟؟ و الحين ماغرف شو اسوي يمكن اداوم قريب و ابغي خدامة تعاونني حسبي الله و نعم الوكيل.
المكتب خذا فلوسه كاملة و الخدامة شردت و الحين مرتاحة تشتغل و تمع لها فلوس و نحنا المواطنين ناكلها و يقولولي ترىالحين كل المكاتب في عيمان جي !!!!

انزين ابغي حتى لو مؤقتة تساعدني هالفتره لين ما ايب غيرها و يمكن تتكرر المأساه و يشردن و محد ياكلها غير المواطن !!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فديتج اشتكي على مكتب الخدم في الجنسية والاقامة وقولي لهم مايبون اييبون لي غيرها واذا في شي خبريني

بس مثل ماخبرتج

__________________________________________________ __________

>>>> الرد الثاني :
اللّه ايعين...

__________________________________________________ __________

>>>> الرد الثالث :
انا بعد يبت خدامه من عيمان مااقدر اقولها شي ع طول اتقول وديني المكتب
وصبرت لين ماكملت شهرين وع طول قالت بسير المكتب وقالت كاش راعي المكتب
يقول تعالو وانصدم راع المكتب وماعرف يتكلم ومن الخوف رجه الفلوس كامله

__________________________________________________ __________

>>>> الرد الرابع :
الخدم للاسف اغلبهن يشردن خصوصا لو اثيوبيه الله المستعان

__________________________________________________ __________

>>>> الرد الخامس :
احس هاذيلا اصلا يكونن مخططات من قبل ما اين لبلاد انهن يشردن !