عنوان الموضوع : أبا رأيكم أسوي حفله لخدامتي ولا تدابير منزلية
مقدم من طرف منتديات الضمير العربي

السلام عليكم
بنات انا عندي خدامه فلبينية شغيله ماشاء الله ومجابله الصغاريه
ومب ملسونه تسوي اللي اطلبه
انا من باب ألرحمه بالخدم مدلعتنها آخر دلع
لانها تمسك عيالي زدت راتبها مرتين وهي ماكملت سنه جريب بتكمل
ملابس ومطاعم وطلعات هي ويأي أوديها كل مكان
صح مرات تتملل من عيالي بس انا ارحمها ولا مره هزبتها
المهم اذكر شفت ميلادها شهر 1 وفكرت أخذ لها كيكه وهديه بسيطه
أباها تستأنس وتحب الشغل عندي هذي أسبابي
شو رأيكم تشوفونه أخذ لها كيكه واخليها تحتفل ويا الخدم وجي ولا طاف
بس هدفي افرحها لانها فقيره وعندها عيال
أتريا ارائكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شاء الله عليج... فكرة حلوة عيبتني الصرااااحة... ليش لأاا... سويلها حفلة...

__________________________________________________ __________

>>>> الرد الثاني :
تسلمين اختي
نصهم يقولون ماعليج شيطانات ومايستاهلن
بس هم ماهدو بلادهم وعيالهم إلا للحايه
وأنا علي بالظاهر لأني ماشفت عليها شي
واعتقد ٢٠٠ درهم هديه مابتقصر من عمري ولا بتزيده
غير بفرح إنسانه
ويوم أخذ لها شي وايد تفرح حتى لو حلاوه من الجمعيه

__________________________________________________ __________

>>>> الرد الثالث :
بما انهم الميلاد وهالسوالف بالاخص هم يستانسون عليهن خذيلها هديه
حبيتج .. لورناتي ع قولة بنتي عطيتها مبلغ لان يوم ميلادها وقت ماكنت اطلع من البيت

__________________________________________________ __________

>>>> الرد الرابع :
ضيفه تمي على ما انتي عليه ومثل ما قلتي ماهدو بلادهم الا لان الحايه حادتنهم .. بس عليهن ماقصرن و ساعدنا اليوم صار موقف في ولدي ربي يحفظه و يسلمه انا اصيح من صوب وهي من صوب بغامتين .. يوم نحن نعاملهن برحمه هن بعد يرحمنا

__________________________________________________ __________

>>>> الرد الخامس :
من راي هديه اختي تكفيها والله يعطيج على قد نيتج لاني اذكر خدامتنا ماشفنا منها وشي وعادينها وحده منا وفينا واخر شي سرقتنا