عنوان الموضوع : تجاربي .. وتجاربكم النااااجحة ويا شغالاتنا .. موضوع متجدد
مقدم من طرف منتديات الضمير العربي



أهلين صديقاتي ..

بما إن شغالتي وصلت من حوالي 10 أيام .. كنت ألف في هالقسم أدور شيء يمت بالصلة لأسم القسم ( فنون التعامل مع الخادمات) والصدق ما لقيت شيء !!!

كل اللي لقيته طلب خدامة .. خدامة للتنازل .. خدامتي مسوية سحر .. مشاكل شغالات ..


حسيت إن لازم نحط موضوع يعطي للقسم معنى وقيمة أكثر .. وحبيت أكتب شوية تجارب لي مع شغالات أمي لأني كنت المشرفة المباشرة عليهم

عموما .. هالموضوع بحط فيه اللي نفع من التجارب مع شغالتي .. وأرجو كل وحدة تحط تجربتها واللي نفس وياها .. ما نبا مشاكلهم بليز إلا إذا وياها حلول ..

الخدامات فيهم الزين وفيهم الشين .. وبرغم كثرة الذم عيني تشوف إن الزين وااااايد .. بس الحريم يعملن بمقولة ( شيئين لا تمدحينهم قدام الناس .. ريلج .. وشغالتج)

هنيه نبا تجاربكم .. فشاركوني ..


وبليييييييييييييييييز ارفعوا الموضوع علشان نستفيد منه جميعاً لأن حرام القرايات بالمئات وماشيء رد !!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
التجربة الأولى:

علاج الخوف من الجديد ..


وايد خدامات يوم اين من بلادهن تييهن نوبة هلع وخوف .. ما يعرفن شو يترياهن هنيه .. ما يعرفن الناس ولا النظام .. تييهن أيام يصيحن وأيام ما ينامن .. وأكثر شيء يبن يردن بلادهن ..


لو ما كنتي ذكية ( وقلبج كبييييير) ما بتقدرين تكسبين شغالتج وتخلينها تقعد .. وبالعكس وايد حريم يطفشن من الشغالات لأن يوترن من سالفة صياحهن أول الايام



كأي شغالة تيي البلاد أول مرة .. بعد يوم من وصول شغالتي بدا الفيلم

مشكلة شغالتي إنها مسترجعة من بيت قعدت معاهم أسبوعين وصاحت وناحت تبا بلادهم والمدام عصبت عليهم وكانت تدزها وتسحبها علشان تشتغل!! وعقب ردوها المكتب وبالصدفة خذتها ..

أول نقطة واللي سهلت علي حل هالمشكلة إنها فلبينية .. فاللغة الانجليزية ساعدتني أتفاهم وياها ..

الحل :
1- استوعبيها:

استوعبي صياحها بدون عصبية ..
خليج هادية وواسيها لأن في النهاية هي حرمة ومكسورة ومتغربة عن عيالها
لا تكونين عدائية ولا تصدقين وايد سوالف الخدامات الشريرات .. جدمي الخير لين يبين الشر

2- راويها الجانب المشرق من الشغل عندج"
أنا قلت لها: شوفي إنتي ياية من بلادج تشتغلين علشان تحسنين وضعج.. شيء تعدلين فيه حياة عيالج وتساعدينهم يدرسون ويدشون الجامعة ..
أنا دوري أساعدج في إنج تحققين هالشيء بأني أعطيج راتبج أول بأول .. وسأعدج في إنج تهتمين بعيالج .. دوري أحميج وأحافظ عليج تكونين بخير وما ينقصج شيء .. وإنتي دورج تشتغلين وتسمعين كلامي وتأدين المطلوب منج .. خليج واثقة فيني إني أقدر أوفر هالشيء .. وخليني أثق فيج

3- أخلقي لها جو أمان :
غرفة بروحها.. ملابس يديدة ( لا تعطينها مال شغالتج اللي قبل) .. صابون وأغراض نظافة .. فوطة .. جاكيت .. فراش .. نعال وانتي بكرامة .. حتى لبستين داخليات ..
كل هالاشياء ما كلفتني 500 درهم .. بس خليتها تحس بمعنى كلامي .. خليتها تحس إني فعلا بحميها وبوفر لها أساسياتها وراتبها بيتم لعيالها..

4- اصنعي لها صداقات :

أوكيه إحنا شغالاتنا ما يطلعن من البيوت .. بس وديتها عند شغالات أمي وخواتي .. هن زينات وأنا أدري..
خليتها ترمس مع شغالة أمي ثاني يوم وصلت عندي .. طمنتها إن أحنا زينين وإن الشغل ما بيتعبها وإني موب الانسانة الشريرة ..
ويوم راحت عند الشغالات بدت تتعلم وبدت تتطمن أكثر وارتاحت أكيد بالقعدة عندي ..
ملاحظة ترا مرة بالاسبوع تتلاقى وياهم وهذا زين حق نفسيتها بعد ..

النتيجة:

عقب اسبوع من الموضوع سويت لها اختبار .. قلت لها إن المكتب دقوا ويبونها ترد علشان يطرشونها الفلبين .. تمت تصيح وتقول لا مدااام بليز أنا أبا أشتغل علشان عيالي وأبا أحسن حياتي


وتخلصت من عقدة أبا أرد بلاااادي والصياح والنواح وبديت خطوة ثانية برمسكم عنها عقب ما أشوف الردود التشجيعية.. هي تهيئتها لنظام الحياة في الامارات وموضوع عدم الاختلاط مع الرياييل

__________________________________________________ __________

>>>> الرد الثاني :
استوعبها وادورلها صداقات و و و !!!
السموحة منج بس هي مو صديقة لي عسب استوعبها واوفلها جو

هي انسانة ياية اتساعدج في شغل البيت
وبالاخير انتي بتراعين رب العالمين باكلها وشربها ولبسها ونومها

ولكن من تجاربي ويا الشغالات ان فيهم حقد علينا كمدامات
والسبب انها تقارن عمرها فيج
وتشوف راحتج واستقرارج
وتشوف عمرها وسفرها وغربتها
وتبدا تحس انج السبب بمشاكلها

وانا عندي طريقة اتبعها بتعاملي ويا شغالتي

اولا اتصل فيها وهي بعدها ببلادها
واسالها اذا هي فعلا جاده وتريد تشتغل
لاني ما اريد وحده عقب ما اتريا هالفترة كلها تقولي ما اريد اشتغل
ثانيا اقوللها انا عندي يهال واذا تحبين اليهال وحنونة انا بحطج على راسي
واذا لا فمن الحين اقولج لا تيين
لاني انصدمت ان في شغالات يقولون لراعية البيت احن مستعدين نطبخ ونغسل ونمسج لكن ما نحب نشوف اليهال ونعابل فيهم !!!!

ويوم توصل افتح جنطتها واشوف البلاوي اللي يايبتنها من بلادها
واعلمها شو الممنوع وشو المسموح في بيتي عشان ما نزعل من بعض
واشتريلها كل شي من الالف الين الياء
واعلمها النظافة الشخصية
وشغالتي كبداية احب احطها في بيت الوالده
عسب تعلمها التنظيف وغيرة
واسالها عن رايها في الشغالة لان الوالده لها نظرة بعد

الشغالة دامنج راعيتي رب العالمين فيها
عقبها لازم تكونين حازمة بالتعامل وياها
وخاصة لنا احن البنات الصغار بالسن
لاني لاحظت ان الشغالات وايد يستهينون فينا لان يشوفونا مدامات صغار
ويحسبونا لقمة سهلة

__________________________________________________ __________

>>>> الرد الثالث :
حلو الموضوع
متابعتنكم

__________________________________________________ __________

>>>> الرد الرابع :
موضوع حلو .. وبما اني ما عندي خبرة بستفيد من خبراتكم ... ويا ريت لو تتكلمو عن بداية تعليمها النظافة الشخصية ؟؟ يعني لاي درجة ممكن اشرحلها ؟؟ اخاف يكون شعرها مو نظيف او ما تنظف جسمها ولها ريحة لاني اسمع سمعات تخوف ... وصراحة اقرف اذا كانت مو نظيفة !!!
اتظر خبرات و تجارب اكتر

__________________________________________________ __________

>>>> الرد الخامس :

المشاركة الأصلية كتبت بواسطة بهلولة
استوعبها وادورلها صداقات و و و !!!
السموحة منج بس هي مو صديقة لي عسب استوعبها واوفلها جو

هي انسانة ياية اتساعدج في شغل البيت
وبالاخير انتي بتراعين رب العالمين باكلها وشربها ولبسها ونومها

ولكن من تجاربي ويا الشغالات ان فيهم حقد علينا كمدامات
والسبب انها تقارن عمرها فيج
وتشوف راحتج واستقرارج
وتشوف عمرها وسفرها وغربتها
وتبدا تحس انج السبب بمشاكلها

وانا عندي طريقة اتبعها بتعاملي ويا شغالتي

اولا اتصل فيها وهي بعدها ببلادها
واسالها اذا هي فعلا جاده وتريد تشتغل
لاني ما اريد وحده عقب ما اتريا هالفترة كلها تقولي ما اريد اشتغل
ثانيا اقوللها انا عندي يهال واذا تحبين اليهال وحنونة انا بحطج على راسي
واذا لا فمن الحين اقولج لا تيين
لاني انصدمت ان في شغالات يقولون لراعية البيت احن مستعدين نطبخ ونغسل ونمسج لكن ما نحب نشوف اليهال ونعابل فيهم !!!!

ويوم توصل افتح جنطتها واشوف البلاوي اللي يايبتنها من بلادها
واعلمها شو الممنوع وشو المسموح في بيتي عشان ما نزعل من بعض
واشتريلها كل شي من الالف الين الياء
واعلمها النظافة الشخصية
وشغالتي كبداية احب احطها في بيت الوالده
عسب تعلمها التنظيف وغيرة
واسالها عن رايها في الشغالة لان الوالده لها نظرة بعد

الشغالة دامنج راعيتي رب العالمين فيها
عقبها لازم تكونين حازمة بالتعامل وياها
وخاصة لنا احن البنات الصغار بالسن
لاني لاحظت ان الشغالات وايد يستهينون فينا لان يشوفونا مدامات صغار
ويحسبونا لقمة سهلة




رايج جميل عزيزتي .. وطرح لوجهة نظر أشوف إن الأغلبية تسويها ..

بس أنا أتكلم عن جانب إنساني .. هي موب صديقتي فعلا موب صديقتي .. لكن هي موظفة عندي .. موب ياية تساعدني لا هي ياية تشتغل باللي أكلفها فيه

أعرف جانب الحقد .. لكن ولله الحمد على مدى سنوات يبنا فيها شغالات من سنة 1985 ما هربت عننا شغالة .. يخلصن عقودهن ويروحن .. يمكن لأننا نعاملهم بإنسانية نوعا ما ..

ممكن أتعامل بأسلوبج اللي اخترتيه .. لكن متى يوم بيكون عندي يهال .. أنا ماعندي أطفال في البيت وغالبا بكون وياها في البيت بروحنا ( مثل الحين ريلي محد وأنا في الصالة وهي بغرفتها) .. لو ما كنت أعاملها بإنسانية .. هذي فرصة عظيمة للإنتقام مني ..

الشيء المهم في اللي طرحتيه مسألة الأطفال ..
وحدة من الأخطاء اللي الحريم يطيحن فيها يوم يختارن خادمات .. ما يطالعن عدل مسألة استعداد الخادمة لرعاية الأطفال .. ترا تكون مكتوبة في طلب الاستقدام بس الحين ما يركزن عليها ..

هالنقطة بيعالجنها الأخوات اللي لهم تجارب مع مربيات لأطفالهن ..

بالنسبة لي ما حبيت يكون اسلوبي هجومي عليها من أول يوم ياية .. فهمتها إني صاحبة الأمر والنهي .. لكن بعد ما ضمنت إنها ما بتنوح وتصيح وتقول برد بلادي !