عنوان الموضوع : فعايل خدامتي رغم طيبتي. عمل يدوي
مقدم من طرف منتديات الضمير العربي

السلام عليكم ورحمة الله وبركاته ،،

خواتي حابة أخذ رأيكم وخبراتكم عن الخدامات ،،

حاليا عندي خدامة إثيوبية واعتقد رأي معظم الأخوات انه ها لجالية تخوف،،،

اللي حاصل اني طبعي اسكت واتغاضي عن حركاتها،،لكن يوم ارمسها تضايق مني،،

فبداية ما يبتها كنت لو تضايقت منها إزاعج عليها،، لأني أكون متغاضية وانتظر أنها تتعدل بروحها ،،

بعدها خفيت عليها وما قمت أدقق وايد علي إهمالها لانه كل ما اسألها ليش صار جيه تقول نسيت ،، والغريب أنها ما تنسي الكلام والأحداث اللي تصير جدامها،، لكن تنسي شغلها كيف مادري!! استهبال،،

المهم يا خواتي الشغالة وصلت معاها لمرحلة لو بغيت اعدل عليها كلمتها بأسلوب هادي وبروحنا،، لكن الظاهر انه الأثيوبيات حقودات وما يذكرن غير الشينة،،،

من جم يوم بنتي الصغيرة قالت لي يوم رديت من الدوام انه الخادمة صفعتها وبنتي ثلاث سنوات ،، رحت وكلمتها بأسلوب وعدلت عليها وتركتها،،، لكنها أنكرت أنها مدت أيدها عليها،،

البارحة الظاهر أنها شالة فقلبها وخلاص ما لها أمل ،، راكبين السيارة قلت لها بلاج مضايقة ،، قامت تصارخ علي وأدزز الكرسي مالي بايدها يعني تتهجم علي بطريقة غير مباشرة ،، وقالت خلاص بسافر ،، قلت لها أوكي عراحتج ما نغصبج ،،،، مع أنها مب اول مرة تتكلم وتقول بسافر لكن ريلي يكلمها ويهدي الوضع واطس وتسكت،،،

بس انا ما أبيها خواتي ،، ما تمشي لي كلمة كل ما اطلب منها شي تقول أوكي عقب ما تسويه ليش لانها كالعادة ترد وتقول نسيت،،، وضربة بنتي وتهجمت علي ،،، ما عدت أتحمل تصرفاتها،،،

احين ريلي مسافر وهي على كفالته باسمه،، وأبي أسفرها خلاص ما عدت أتحمل تصرفاتها،، ابي أسفرها من دون ما اخبر ريلي ،، لانه راح يرمسها وبتسكت وبتغير رأيها،،
هل يستوي أسفرها واكنسلها وأنا مب كفيلها؟؟ وكيف الإجراءات ؟؟؟ مب عارفة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
من تجربتي مع هالجنسية في منهم الزين وفي الشين واغلبهم للاسف عنيدات مثل ما قلتي وما تتحمل اتفه شيء غير انه شغلهم ونظافتهم مش مثل غيرهم رديها وخدي لك غير هالجنسيه كنت قبل انصح فيهم بس اغلبهم زي بعض نادر ما تطلع وحده فيهم اوك

__________________________________________________ __________

>>>> الرد الثاني :
كنتسلت كذا خدامة و هم على كفالة زوجي بس خبري موظفين الجوازات ان زوجج مسافر وان الخدامة ناوية شر وعادي بيمشي الموضوع باذن الله

__________________________________________________ __________

>>>> الرد الثالث :
صفعت بنتج وكلمتيها بهدوووء ليش الغالية بدشين النار .....


اسلوب بارد وغلط ودايما الضحايا الاطفال ... لو انا مكانج بردلها الكف كفين ... وبعدين الاثيوبيات منو ييبهن مجرماااات واللي عندهن اطفال حرام يعيشون مع هالجنسية

__________________________________________________ __________

>>>> الرد الرابع :
سفريها باقرب وقت
و ريلج لو حريص على بنته ما بيخليها دقيقة زيادة

__________________________________________________ __________

>>>> الرد الخامس :
سفيرها و فكي عمرج ما تعرفين شو يصير بأجر