عنوان الموضوع : خدامتنا ترفع الضغط
مقدم من طرف منتديات الضمير العربي

السلام علييكم ورحمة الله وبركاااته



اول شي بقولكم لاتصدقون مكاتب الخدم والله انهم جذااااابين ..

تخيلوا انا اسكن ف بيت عمي يعني ابو ريلي خدامتنا اثيوبيه شردت ف استوت مشاااكل فالبيت على سالفة الطبخ عاد تعرفون المرت الولد والعمه واللخ قلنا بنيب خدامه سرنا مكتب الخدم ف عجمان اخترنا وكل شي

خدامه بنقاليه مشتغله سنتين فسعوديه وعمرها 27 سنه متزوجه ><" انا اهم شي عندي تكون متزوجه


تخيلوو يوم يابوها وخلاص يقولون لنا لا هي ما مشتغله فسعوديه بالغلط اونه كتبنا مشتغله فالسعوديه و مطلقه

والله ثم والله ياااااجمااااعه لو كنت ادري انها مطلقه قسم بالله ما بشلها من المكتب يعني ايبون لي وحده مب معرسه ولا انه وحده مطلقه
الصراحه هو مب عيب بس مطلقه صعبه يعني مجربه الحياه الزوجيه فاهمين قصدي صح

المهم قبل كانت هاديه بس من سولها اقامه لسانها اطول من طولها وانا بعد ما اسكت لها بس الحين ريلي مايخليني ارد عليها ><" لاني حامل يقول ماتدرين شو تسوي فيج ...

انا بسسس مره وحده ف حياتي خليتها ادش غرفتي واتخمها وبعد تميت واقفه على راسها ولين يومي هذا جي احس همها الوحيد تدخل الغرفه خير شر وانا ما اخليها يعني انظف روحي حتى عزكم الله الحمام روحي انظفه مب محتاجتنها ..


المهم تخيلو قمت اجوفها ماخذه راحتها مثلا لو عمتي ترمس ريلي تدخل وترمس ..
مره مصختها كنا يالسين نتغدى كلنا انا وريلي وعمتي وعمي وخوات ريلي واخوانه جان عمتي تقول وهي تضحك البشكاره اليوم تسأل عن ريلج وانا جي استوى شكلي وانا ما اتكلم جدام اخوان ريلي بس من القهر قلت لعمتي نعم هاي شو تبا تسأل عن ريلي ..
عمتي حست اني عصبت جان تقول لا كانت تقول وين ريل المدام مايا اليوم من الدوام ماجفته ..
قلت لها وهي شلها تسأل يا ولا ما يا وشو تبا تشوف فيه اقول بشكارتكم وقفوها عند حدها تبا تسأل عن اخوانه خلها تسأل ريلي مايخصها فيه ولا ترى والله بيها شي ما يعيبها ..

كلهم ضحكو وريلي فقط ><" جان تقول عمتي لا هي كل مره تقول ريل المدام طيب
هههههه وطبعا انا قمت سرت غرفتي اتريا ريلي يدش عشان استلمه


يعني واااايد اشياااا تصير والله ترفع الضغط حتى تخيلو لو تريقنا مثلا ولا تغدينا اندش داخل كذا مره دشيت المطبخ وقت ما هي تتغدى تخيلووووو تاكل فصحن اللي كلااااا منه ريلي

من عقبها انا كل مره اشل الصحن بعد مانتغدى واغسله والله تقهرررني ..
و عقب عصبت عليها وجي ف قامت ما ترمس ولا شي بس يوم اجوف ريلي واقف برع عند الزراعه ولا ويا امه على طول تسير هاك الصوب وانا طبعا اتريا متى تسير عشان اادبها وحتى ريلي بدى يجوف حركاتها وكم مره كلم عمتي وقال لها البشكاره تخسس ف حرمتي وتسوي حركات ..

وحتى تخيلوووو ادق علينا باب الغرفه ف اوقااااااات و ياريت دقه ولا دقتين لا تكسر الباب على راسنا لين نطلع لو نقول لحظهه ماشيي اتم ويوم اطلع لها اقول بلاج كسرتي الباب وها تضحك جي خساس


بعد شي سوالف بس تعبت من كثر ما اكتب والله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج ،ليش ما تطلعين تعيشون ف ايجار انتي وريلج

__________________________________________________ __________

>>>> الرد الثاني :
سفروها وييبو غيرها

__________________________________________________ __________

>>>> الرد الثالث :
اختى لاتحطينها ببالج هيه يايه تسترزق ومب كل شغله سوتها يعني هدفها شي طنشيها لاتشغلين بالج بالخدم ...وايد

ترى اغلبية الخدم يسالون وين بابا وين ...عشان الغدا او ي شي ثاني لاتلفتين نظرها بشي

وبعدين هالجنسية منو ييبهم الحين وسخين ماشي نظافة

__________________________________________________ __________

>>>> الرد الرابع :
والله ماخليها ولا دقيقه عندي سفريها احسن لج

__________________________________________________ __________

>>>> الرد الخامس :
شو تتريون للحين!!!؟؟