عنوان الموضوع : تقسيم الشغل بين خدامتين خبراتكم
مقدم من طرف منتديات الضمير العربي

السلام عليكم و رحمة الله وبركاته

حبيت اخذ اقراحاتكم اذا كان عندج خدامتين و حابه تقسمين الشغل امبينهم من غير ما تظلمين حد

لانه في بيت ربيعتي ثنتين تبارك الرحمن و نفس الجنسيه اثيوبيات لا باس فيهن

بس الي اللاحظه انه الثانيه تكرف كراف لانها يديده و الجديمه شكلها قاصه عليها ما ابغي اظلمها بس هذا الي اشوفه

فبغيت اقتراحاتكم بتقسيمات البيت كبير ما شاءلله بس اغلب الشغل يكون اخر الاسبوع لانه الكل يرد من الدوام و البيت يكون فيه شغل بزياده

اقتراحاتك جزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سوي جدول لكل وحدة احسن شي والا شوفي كل وحدة بشو تتميز وتركز عليه شرات الاحسن بالطباخ مثلا هي اللي تطبخ

__________________________________________________ __________

>>>> الرد الثاني :
آمممم .. آهليه مسوين 2 ..
وحده تغسل وتكوي آلملآبس وترتب وتكنس آلبيت ,,
وآلثآنيه تطبخ وتسآعد فتنظيف آلبيت ,,

__________________________________________________ __________

>>>> الرد الثالث :
احنا وده تطبخ ..تسوي ريوق وغدا ..وتنظف الغرفه الي براا وتنظف الحووش
وحده تنظف الغرف فوق وتحت وتغسل الملابس وتسوي الشاي والقهوه
والعصر ينظفن الحوش مع بعض
وعقب المغرب يكون الثياب مع بعض
والجمعه يكون ضغط ف الطبخ لان كل جمعه الشباب يتغدون عندنا ف مال التنظيف بس تساعد ف المطبخ ويخلصن كل شي
بس انا عوديتهن كل شي مع بعض حتى مال التنظيف تلف ورق عنب ..وسمبوسه وتسوي مقالي وتحط ف الفريزر يعني تعلمت شوي
وانا وراهن واشد عليهم شوي بس اضحك واسولف وياهم بس بحدود

__________________________________________________ __________

>>>> الرد الرابع :
مشكورين عالاقتراحات المشكله الثنتين مش دارسات يعني مل ينفع اكتب لهن

اليديده احسها دقيقه بالتنظيف بس بعد حرام اتنظف بروحها

__________________________________________________ __________

>>>> الرد الخامس :
هالمشكلة دووووم تتكرر وياي. الخدامة الجديمة تقص عاليديدة وتحط كل الضغط بالشغل عليها وتكرفها كراف وتفهمها ان انا ابا جيه وتوصل لها معلومات غلط عن اصحاب البيت واتخربها. ولين الحين طفرت ثنتين والمرة الثالثة كشفناها

الغالية سوي مثلي كلمي المكتب خليهم يترجمون لج كلام اليديدة. شو مشاكلها شو تعاني. شو الجديمة مخبرتنها عشان تستوعبين شو الحاصل. ترا احنا انصدمنا وايد من خبث الجديمة. لان الجديمة. تبا اطفر كل اليداد وتبا البيت يفضى لها بروحها عشان تفرض شروطها. واول هالشروط تبا تلبس قصير وتبا انترنت وتبا تلفون بوكييمرا وتبا فيس بوك. فانتبهوا من الشغالات حددوا شغل كل وحدة.

الي تجيد الطبخ خلوها تطبخ وتنظف المطبخ والصالة والحوش. والثانية غسيل وكوي وتنظيف بعد. وجيه تنحل المشكلة.