عنوان الموضوع : شو اسوي مع خدامتي؟؟؟؟ حلول منزلية
مقدم من طرف منتديات الضمير العربي

خدامتي جايبتها عن طريق مكتب من 5 شهور! قبل ما تيي كلمتها في التلفون وعرضت عليها الراتب الي هو 1200 درهم ووافقت، البارحة كلموها اهلها يتني بعد المكالمة على طول تطلب زيادة راتبها ل1500 قال شو اهلها قالولها قريبتها تاخذ في 1500 وممكن كفيلها يزيدها ل2017 وتم تقلي انو الحكومة عندهم حددت الراتب ب1500 بكل وقاحة وتجادل معاي، المهم انا قلتها لا ما بزيدك قامت تقول خلاص انت يرجعني المكتب الحين انا مابي اشتغل انا يروح يشتغل عند ناس تاني، قمت انا في نفس الوقت كلمت المكتب وكنت معصبة حيلي، قامو الي في المكتب هزبوها وكلمتها وحدة من نفس جنسيتها تشتغل في المكتب وسمعتها تصارخ عليها، قامت تصيح وقالتلهم انو زوجي بيصارخ عليها وايد، المهم المكتب قالولي خلاص هي فهمت الحين انها ما تقدر تطلب زيادة وانها ما تقدر كمان تغير الكفيل بهالسهولة، انا انقهرت وزعلت وايد لاني كنتب بعاملها كانها اختي ، بيتي صغير غرفة وصالة وعندي بنوتة وحدة بس عمرها سنتين وبنتي تحبها وايد وهي الحقيقة مو مقصرة مع البنت وفي التنظيف وكلو، كانت من مدة طلبت تلفون بس انا رفضت، الحين طالبة زيادة، مدري شطلب بعد في المستقبل، والله اني احترت، فكرت اسفرها والا اردها واحط بنتي في الحضانة، المشكل دفعت عليها وايد فلوس للمكتب والفيزا، وهي شاطرة وايد، بس انا دخلني الوسواس وبسمع عن جرايم الخدامات والحين انا في الشغل وعقلي وقلبي مع بنتي الي معاها لوحدها في البيت، احنا سكرنا عليهم الباب طبعا، ومش دارية شو اسوي، شو تنصحوني اخواتي؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما دام انها زينه ومومقصرة 300 درهم ما تضر زيديها وفكي عمرج
لاحظي انتي محتاجتها

__________________________________________________ __________

>>>> الرد الثاني :
اول شي كيف تخلين بنتج وياها بدون حسيب ولا رقيب
الله يحفظها كان عالاقل سويتي كاميرات عشان تطمنين

الله يهديج انا مستحيل اخلي عيالي ويا خدامه
وبعد اللي شفتيه منها انها تصارخ وتعصب يمكن حقدت عليكم
يوم رفضتي لها كم طلب

الله يحفظ بنوتتج

__________________________________________________ __________

>>>> الرد الثالث :
شكلها الخدامه ما تبا تشتغل عندج
وعشان جيه قالت تبا راتب زياده
انصحج تكامينها بهدوء واتقوليلها شو فيج ليش مضايقه وانا اريدج وبنتي تحبج ومن هالكلام الزين
وبتقولج شو فيها واذا بغت زياده راتب عطيها بس بشروطج انتي واذا كانت ما تبا تشتغل خلاص سفريها او رديها وامرج لله

ما النا غنى عن الخدامات اكسبيها عندج عشان تطمنين يوم البنت عندها
وبالنسبة للحضانه حطي بنتج فيها سنها مناسب انا ولدي حطيته في الحضانه وعمره 3 شهور وحياتج

__________________________________________________ __________

>>>> الرد الرابع :
المشكل اني ما ودي ارجع في كلامي ويبين اني خايفة منها، انا ما عندي مانع ازيدها بس بشروطي مش هي تطلب مني بعد كم شهر

__________________________________________________ __________

>>>> الرد الخامس :
هلا اختي اول شي الواحد ما يامن من الخدامة تتركين بنتج عندها ،ثاني شي اذا انتي تحسين انها زينه(الخدامة) خبريها ان بعد مثل سنة واستوت زينه وامينه بتزيدنها بهذا الشي انتي بتكونين فرضت رايج والله يوفقج اختي والله يحمي بنتج ..