عنوان الموضوع : مكتب الاماني في عيمان.. لاااا تدابير منزلية
مقدم من طرف منتديات الضمير العربي

السلام عليكم..
دخلت اقرا عن التعامل ويا الخدم يمكن استفيد .. وبالصدفه مر عليه موضوع مكتب الاماني..
فحبيت ااكد على الموضوع من خلال قصتي مع خدامة اثيوبين زمان من عندهم..
استمناها وكانت طمه بكل ما تعني وحمل الكلمة من معنى.. لكن قلت برايه بتتعلم مع الوقت لانه عندي غيرها فلبينيه.. المهم..
تمت تطلب التيلفون تبى تكلم الي فالمكتب كل يومين على اساس انها مناهلها... وفي اقل من شهر قالت مابى اشتغل ردوني المكتب طبعا قلت اوكي فكه لكن طلبت منالمكتب بيزاتي كامله لانها في فتره الضمان او خدامة بديله.. لكن طلعت راعيه المكتب صاحبة تدابير.. يوم شافتني ابى بيزاتي قالت عطيني بكلمها.. وبعد المكالمة بساعه البشكاره مختفيه.. شردت.. طبعا اتصلت بها قالت مادري ومثلت عليه انها خايفه عليها.. لكن الزبده انه المكتب لا يتحمل اي شيء يترتب على هروب الخادمات حتى في حالهالضمان.. وهذا في كل المكاتب.. يقولج سلمها واستلم بديل او بيزات لكن ان شرت ما علينا مب مشكلتنا..
فطلعوا نصابين واصحاب خطط ويخوفون .. انا شو وداني عيمان.. هذيل عصابات.. تحذروا من مكتب الاماني..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلام

يا ويلي ><
اخاااف منهم

يزاج الله خير عالتنبيه
والله يكفينا شرهم

__________________________________________________ __________

>>>> الرد الثاني :
كل المكاتب كذا حتى مكتب فاست ومكتب الاهلية براس الخيمة يدبرون مع الشغالة قبل ماتاخذيها

__________________________________________________ __________

>>>> الرد الثالث :
حسبي الله عليهم

__________________________________________________ __________

>>>> الرد الرابع :
تراهم منهم وفيهم يعني المستفيد الاول المكتب والخدامه والكفيل يصرف دم قلبه اقامه وفحص واكل وشرب وتلفون وبطاقات وعلاج واخر شي تشرد .الله فوق .عشان اسمها خاااااادمه معناه مظلومة دوووم وعشان اسمه كفيل معناه ظاااااالم ؟؟؟؟؟؟

__________________________________________________ __________

>>>> الرد الخامس :
صح كلامج أنا بعد صارلي نفسج يبت خدامه من عندهم وعقب كم يوم شردت ، وراحت فلوسنا على الفاضي لأنهم مايعوضون على الهروب