عنوان الموضوع : خدامتي البنغالية بتجنني
مقدم من طرف منتديات الضمير العربي
السلام عليكم ورحمة الله
اشحالكن خواتي .. بدخل بالموضوع بسرعة عندي خدامة بنغالية كبيرة بالعمر، اول ما يبتها أمراض الدنيا كله فيها والبلوة ما قامت تشتكي الا لما خلصت الفترة اللي عطانه المكتب عسب انردها .. المهم لما قامت تشتكي قمت وديتها المستشفى و ما تم مرض ما كان فيها ... قلت بكسب فيها اجر وبعالجها و بقدهاعندنا يمكن فيها خير..تعبت من خدامتنا من يوم ما يبتها وانا اعلم فيها ومافي فايدة.. كلما علمتها شغلة ترد واتسوي الشيء ع هواها ، هذا غير انها ووووووووصخة من الخاطر وعيزت من كثر ما اعلمها ع النظافة .. كمن مرة هدديتها لو ما تبين الشغل بسفرج وبييب وحدة غيرج.. بس ماشيء فايدة
بليز بنات ابا رقم مكتب موثوق ببوظبي يورد خدامات من الجنسية البنقالية .. و محد يقول لي يبي اندونيسيا وفلبينيه او اثيوبية لان لاعت جبدي منهن... فاللي عندها مكتب موثوق و متعاملة معاه ياريت ادلني بارك الله فيكن .. تعبت من بنغاليتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعلنى فداج بطرش لج رقم بس ياخذ منج الف وخمس يمكن او الفين ويبها لين البيت
__________________________________________________ __________
>>>> الرد الثاني :
المشاركة الأصلية كتبت بواسطة ام علي 4
يعلنى فداج بطرش لج رقم بس ياخذ منج الف وخمس يمكن او الفين ويبها لين البيت
فديتج ام علي اذا موثوق فيه انا بعد ابي الرقم انا عندي اندونيسية بس عمتي تبا بنقاليه
__________________________________________________ __________
>>>> الرد الثالث :
السلام عليكم ورحمة الله
اشحالكن خواتي .. بدخل بالموضوع بسرعة عندي خدامة بنغالية كبيرة بالعمر، اول ما يبتها أمراض الدنيا كله فيها والبلوة ما قامت تشتكي الا لما خلصت الفترة اللي عطانه المكتب عسب انردها .. المهم لما قامت تشتكي قمت وديتها المستشفى و ما تم مرض ما كان فيها ... قلت بكسب فيها اجر وبعالجها و بقدهاعندنا يمكن فيها خير..تعبت من خدامتنا من يوم ما يبتها وانا اعلم فيها ومافي فايدة.. كلما علمتها شغلة ترد واتسوي الشيء ع هواها ، هذا غير انها ووووووووصخة من الخاطر وعيزت من كثر ما اعلمها ع النظافة .. كمن مرة هدديتها لو ما تبين الشغل بسفرج وبييب وحدة غيرج.. بس ماشيء فايدة
بليز بنات ابا رقم مكتب موثوق ببوظبي يورد خدامات من الجنسية البنقالية .. و محد يقول لي يبي اندونيسيا وفلبينيه او اثيوبية لان لاعت جبدي منهن... فاللي عندها مكتب موثوق و متعاملة معاه ياريت ادلني بارك الله فيكن .. تعبت من بنغاليتي
اقولج الغلا اول تجربة لي في الخدم كانت بنقالية شو اقولج عنها الحمد لله اني افتكيت منها هي كانت تسمع الكلام بس بطيئة و كله تحب ترقد و وصخة , وتتدخل في كل حد هاي منو مدام ؟ و هاي معرسه و هاي مطلقة و ها زوجته شكلها مب عربي !!! وانتي شلج !!! المهم قامت تسوي لي مشاكل في الاهل و اخر شيء عصبت عليها و حرجت عليها...قامت تهددني !!! وكنت حامل و امي فديتها عندي في البيت تقولي اونه خلاص مبي اشتغل قلت لها سيري شوفي شغلج احسن ... قالت ما بتوديني المكتب قلت لها فترة التجربة خلصت و حضرتج على اقامتنا احينه قالت يعني ما بتوديني قلت لها لا, تصوري شو قالت لي : ما توديني , زين بتشوفين !!!! و كنت حامل في 9 ما دريت على عمري الا وانا فوقها و زغدتها من رقبتها شو بتسوين و يودتني الوالدة و هزبتها امي قالت لها سيري احسن سيري غرفتج و هي من زغدتها قامت تتنافض اونه تضربيني قلت لها فديتج ها مب ضرب
واذا كملتي بتشوفين الضرب على اصوله عيل في بيتي و تهدديني !!! قامت تقولي انا بذبح عمري هني بموت هني , قمت اتصلت في ريلي و يا من دوامه و صارخ عليها , و قالي خلاص ما لها قعاد عندنا اخاف تسوي فيج شيء يوم تكونين راقده او في ولدي و تنازلت لها لحرمة و خبرتها كل سلبياتها قالت لي ما عليه دواها عندي
و خذتها و كل فترة اكلمها اسال و اطمن
تمدحها وايد و تقولي يزاج الله خير ذهبة و تهبل هالبشكارة و تصدقين كل اهلي يمدحنها و اموت عليها !!!!
__________________________________________________ __________
>>>> الرد الرابع :
خخخخخخخخخخخخخخخخخخخخخخخخخخخخخخخ احسج تتكلمي عن شغالتي بس مشكله اللي عندي ما ترادد تسكت هلكت من كثر ما اعلم فيها الحين شهر 6 بتكمل سنه كنت مجبور اتحملها للاني كنت حامل والحمدالله ربيت قلت لريلي اذا خارتها اول تذكره ا طيرها بيتي انا انظفه احسن منها ماكنت محتاج لهم بس الحمل اهو اللي تعبني
الله يعينج عليها
__________________________________________________ __________
>>>> الرد الخامس :
ذكرتيني قبل تسع سنين يبت بشكاره بنقاليه مرجعه من المكتب اجربها اول مره بحياتي اشوف بنغاليه بهالنظافه والسرعه والنشاط ماشاء الله الكل كان ممتعجب من شغله وسرعة حركتها بس للاسف كنت مااحصلها في البيت عندي في يوم كنت اناديها ومب محصلتنها دورتها في البيت كله ماحصلتها مع اني مقفله باب الحوي ولما رديت حجرتها اشوف اغراضها موجوده ولا لا وكانت بحجرتها دريشه اطل على حوى اهل ريلي ومخفي الجام والا اشوفها تتسلق اليدار من برا وتبا اتبطل الدريشه عشان تدخل الحجره انا من شفتها قفلت الدريشهه من الداخل وهي ماشافتني لان الجام مخفي تقولن حرامي يبا ينقز داخل وتمت تحاول تبطل الدريشه وماقدرت وانا واقفه اطالعها وهي ماتشوفني وردت نزلت وسرت بيت عمي عشان ازخها ماحصلتها وتمت ادورها بعد ماحصلتها ولما رديت البيت حصلتها بغرفة الكوي مسويه عمرها تكوي ولا كان مسويه شي ولما سالتها انتي وين انا اناديج وماتردين تجذب تقول انها تكوي ولما رصيتها وقلت لها انتي جذابه في البدايه عندت ماطاعت تتكلم ولاتقول وين سايره لماخبرتها بالحركه اللي سوتها واني شفتها قالت لي اذا تبغيني اشتغل عندج ابا اكون حره اطلع وارد واسير عند البشاكير متى بغيت وانتي المهم لج اني اخلص شغلج وانا اتصرف بحريه لما سالت بشاكير اهل ريلي عنها وحده منهن فتنت عليها وقالت انها كل يوم بالليل تطلع من الدريشه واتي عند بشكارة عمتي مع اني يوميا كنت اخليها العصر بيت عمتي ويا الصغاريه ولما قلت لها نكرت فالصراحه خفت منها وريتها المكتب قبل لاتخلص مدة الضمان
رد مع اقتباس
