عنوان الموضوع : دخيلكم سااااااااعدوني تفكيري متشتت وأنا موظفة إدخلوواا عمل يدوي
مقدم من طرف منتديات الضمير العربي

السلام عليكم

بنات أنا أمر بظروف صعبه جداّ
كان عندي خدامه اثيوبيه واااايد زينه كملت سنتين عندي وقالت بتروح تشوف أهلها وبترجع قبل رمضان وولأسف وهقتني

خلتني انتظرها ولااقدمت على غيرها وإجازتي السنويه كلها راااحت وأنا أنتظرها لأني موظفه

واضطرينا بعز رمضان وقبل أدوام بأيام نييب أي وحده عند أسرع مكتب اييب خدم
وكانوا ذاك الوقت الكينيات بسررررعه يوصلن يعني اسبوع إلا وهي واصله
المهم
الله لااايراويكم هالكينيه كسسسسل مو طبيعي والله تعباااانه نفسيتي
وانا موظفه وعندي طفلين بصف أول وهم طبعاً اجازة صيف وفي البيت واجازتي السنويه مخلصه للأسف ماعندي فرصه ارجعها واييب غيرها فقلت بخليها لين ما أقدم على وحده يديده
وعقب بصرفها
الحين المشكله

محتااااااااااااااااااااااره شو اييب
الأثوبيات وقفوهن ومستحيل اصلاً عقب اللي سمعناه عنهم اييب منهم مره ثاانيه
والفلبينيات غاليااات عالفاضي وأدري انهم مو مال شغل ودلع واصلاً المكاتب مايوبونهم الحين
والسيلانيات الله يعلم فيهن .. ماعندي فكره عنهم
طبعاً فكرت بأندونيسيه لكن خفففت
سويت بحث بالنت واكثر اللي ذمواها في هالمنتدى وخااايفه من أمور شعوذه وسوالفهم انهن مال ريااييل وهالسوالف ....الخ

شورواا علي يزاكم الله خير فأنا بهم مايعلمه غير الله
وماقدر أخسر شغلي وأقعد بالبيت ريلي مديون وحالته حاااله
وعندي بنت عمرها 4 شهور آخذها معاي الحضانه والحضانه اصلاً في الدوام اللي أداوم فيه حالياً يعني بالمختصر دواام ( لقطة ) مثل مايقولون
ماقدر أحصل شغل ثاني بمميزاته
أدري طولت عليكم وأدري في النهايه الشغالات حظ ونصيب
بس بلييييز انصحووني محتااااره

للحين أفكر بأندونيسيه ومابي أتسرع وبنفس الوقت ماعندي فرصه أبغي أفتك من اللي عندي هالكينيه ملووعه جبدي والله
شو تنصحوني !!
ولو اندونيسيا اييبها مشتغله قبل في السعوديه ولا كيف ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بلييييز


ردوااا محتاجه تجاربكم يزاكن الله خير

__________________________________________________ __________

>>>> الرد الثاني :
معقووله محد مر بتجربتي ولا وحده حابه تعطيني رايها ؟؟

__________________________________________________ __________

>>>> الرد الثالث :
أزيدج من الشعر بيت !الحين ختى الفلبينيات وقفوهن!

ومثل ما قلتي البشاكير حظ ونصيب مب مهم الجنسية
اذا انتي مضطرة هاتي اندونيسية وحطي كاميرات مراقبة في البيت

وصلي استخارة قبل لا تيبينها

__________________________________________________ __________

>>>> الرد الرابع :
هاتي بنقاليه بس تكون اشتغلت في لبنان او الكويت يعني خبره بالبيت والاطفال وع فكره البنقاليات ارخص وصح اكثريتهم يسوون نفسهم غبيات لكن انتي ك ادارة منزليه تقدرين تخلينها تمشي صح معاج وخذيها باللين وحددي شنو تبين تسوي ك روتين وخليها تكتب الروتين ع ورقه مع الاوقات علشان مايكون عندها حجه ..! اما الأمور الثانويه وأي تغيير او اضافات طبعآ راح تخبرينها اول بأول اما الطباخ اعتمدي ع نفسج جهزي الطبخ قبل ماتنامين ترا كل شي بالترتيب يستوي وماعليج الأمور بتكون تحت السيطره ودايمآ عوديها انج تتصلين كل شوي تسألينها شنو سوت علشان تعرف انج جديه في أمور البيت ..! بس لا تتوترين لانه توترج هذا بيخليج ماتعرفين تفكرين صح .. الله يسهل امورج وامور كل حيران اللهم آمين

__________________________________________________ __________

>>>> الرد الخامس :
هلا اختي
الله يعينج الصراحة والخدم رغم مشاكلهم نحن محتاجين لهم،انا انصحج بالبنقالية وانتي ونصيبج والله قبل شهر الجيران يابوا خدامة بنقالية بس وايد احليلها وزينة انتي جربي وجوفي شو الله كاتب لج
والله يوفقج اختي ويبعد شرهم عنا