عنوان الموضوع : خواتي أدخلوا باخذ شوركم .. ادخلوا ترى رايكم يهمني عمل يدوي
مقدم من طرف منتديات الضمير العربي

مرحباااا خواتي

أنا نويت اييب خدامة أندونيسية لأن اللي عندي من كينيا بتييبلي الجلطة براسي وقررت أخليها مؤقت لين اتيي الاندونيسيه

المهم
انا اخترت وحدة من منطقة سيكوبامي بأندونيسيا
وجت اشتغلت بالسعوديه في جدة سنتين بس
واتصلت فيها وقالت انها مستعده تطبخ وتنظف وكل شيء

ومحتااارة بعدني مادفعت فلوس للمكتب وماسويت فيزا حقها
صليت استخارة وحلمت بصقور ولما فسرته عند مفسره قالت بتلاقين غنيمة وخبرتها عن استخارتي بالخدامه قالت يمكن هالخادمه بتكون لج غنيمه لج ولعيالج ولبيتج واني برتاح لها ..
يعني مادري هل رمز الصقر له علاقه بالحلم ولا لأ
وبنفس الوقت لا إني متضايجه ولا أني فرحانه من الحلم يعني أحس عمري عادية

مادري
شو رايكم خواااتي
انا موظفه واخاف ابتلش في الثانيه وابغي وحده تطبخ لأني ارجع البيت ميته يوع انا وعيالي وحليلهم من المدرسه مانحصل أكل
لازم اشتري من برع او اجهز طبخ من فليل
لأن اللي عندي الله لاااايراويكم وربي يبعد عنكم الخدم اللي فيهم برود مثلها
بتخبلني والله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يا اختي اشوف الخدم مثل البطيخه ما يبان حمارها غير لو قطعتيها , وهالخدامه ما يبان خيرها من شرها غير بعد الاستخدام بغض النظر عن جنسيتها
رأيي تصلين استخاره اكثر عن مره , وياليتها تكون مسلمه وتصلي

__________________________________________________ __________

>>>> الرد الثاني :
السلام عليكم والرحمه اختي الغاليه ربي يوفقج ويسعدج كسرتي خاطري ولله لو قريبه مني لطبخلكم بس الخدمات حظ ونصيب ملاتعرفين لهم حته لو قالج المكتب وقريتي عنها وكلمتيها نفس الحاله حظ يانصيب الله فانصحج اتبينها واتوكلين على الله تقدرين اتجربينها شهر وثلاثه شهور واتشوفينها وامشي عالنيه الله يعطيج خيرها يارب

__________________________________________________ __________

>>>> الرد الثالث :
موفقه

__________________________________________________ __________

>>>> الرد الرابع :
تسلمون خوواتي على ردودكم الطيبه

__________________________________________________ __________

>>>> الرد الخامس :
سيكابومي جنة الله على الارض سبحانه و تعالى
هالمنطقة من أحلى مناطق أندونيسيا ،،،
سالت خدامتي قالت ما تعرف عنهن شي لانها منطقة بعيدة وايد عنها ،،،،
خداماتنا من جاوا تنا و الثانية جاوا برد ،،، و الهنتين زينات
و هييل وايد اوكي و هنتيناتهن مشتغلات البحرين و السعودية ،،،،



الله يعطيج خيرها و يكفيج شرها ،،،