عنوان الموضوع : هذا الي حصل مع مكتب خدم في العين .. عمل يدوي
مقدم من طرف منتديات الضمير العربي

ياطويلات الاعمار
سنة ونص شغالتي فلبينية وتشتغلةولا مرة اشتكيت الا من مرات متقطعة كنت الاحظ اهمال متعمد او مرات تتمشكل مع بنتي الكبيرة


الي صار


طبعا الخدامة من مكتب الاطلال حسبي الله عليهم وصاحبه


لها فترة اتسوي مشاكل كل ماتحول اتسوي مشاكل
تبي تطفشني والحاية للخدم كنت اصبر نفسي فيها
واقول لزوجي ماتلاحظ انها تتعمد تطفشنا قالي ملاحظ بس خليها
شو بتسوي ؟!

طبعا الحرمة تعرف ان من قبل كانت عندي اثسوبية تخبق الثياب واللي وصلها الكلام خدامة اهلي الاثيوبية وكلللل شي صار من قبل تعرفه عن طريق خدامة الاهل ..
فكنت الاحظ الملابس تنقطع وتتخبق واتاكدت من هالشي بكذا قطعه جديدة او بدلة للعيال او لي

لين العيد ونا قلت من كثر مشاكلها مابشلها وياي خليتها بالبيت يومين ورديت الا الحرمة خلاص ماتبي وتقولي رديني اقولها طيب انتظرب لين يرد زوجي من السفر ماتبي .. قالت مليت منكم ومن بيتكم!!

وتقولي باقي فلوسي قصي تذكرة حقي !!قلت لها جوازج ياماما منتهي مب مجد لنه انتهى من فترة قريبة وزوجي محد ومالي علاقه اجدده لنها مو باسمي

المهم ااتواصلت ويا محمود حسبي الله عليهم
قالي كلام وبعد ما وديتها له كلام ثااااني تماما

الريال هو المستفيد منها مب انا لا هو مستفيد بيضرب من اول وجديد منها فلوس لنه ماشي فلبينية ب الوقت الحالي


المهم قلت له وين البنقاليه الجديدة قالي ماشي .. اخذوها خذي المرجوعه ونا ماحب اي خادمة مسترجعه لنه مليون بالمية فيها مشكلة او مسوية شي

قلت له تعرف عربي قال شوي ويكلمها وهي ماتبغي تروح تقوله عطني فلوسي وقالها انتي روحي وفلوسج بكرة
ركبت وياي ونا مول مش متطمنة لنها طووول الدرب تقولي ان الي اشتغلت وياهم مجانين !!ونا مستحيل اصدق عقب الخدامات الي اشتغلو وياي خصوصا الفلبينية ةالدلع الي شافته واخرتها باعت كلللل شي عشان وظيفة جديدة وراتب جديد ..

المهم قلت لها ماحب كثر الكلام وهاي اول مرة اتجيني بنقالية لبستها لبس البيت وانا وراها وراها اشتغل وهي اتسوي نظفنا البيت اشتغلت قرابة ساعة ونص وعقب تمينا لين المغرب ماعندنا شي
بعد المغرب يتني تقول ابي اكلم اهلي !!! قلت لها وليش ماكلمتي محمود يعطيج فيمة بطاقه انا مو مسؤولة عنج ونتي للحين مو بكفالتنا ومن هالكلام حسيت انها ياية حق كم يوم بس وبترد يعني مابتقعد ..
سكت عنها وكلمت واحد من الاهل ان هذا راعي المكتب اخذ الفلبينية وباقي معاشها كامل وفوقهن قبمة اوراق وقعني وغا4لني على ورقتين مادري هل فيه مشكلة من جهتي قالي ليش توقعين له ؟!!وهي مو باسمج
المهم

قريب العشا اكلم زوجي ويالسة اشوف شو تسوي الشغاله فتحت كميرات المراقبة الا الحرمة يالسة فوق كراسي المطبخ
وعلى طرف طاولة تسحب شي من شعرها وتعقه وتسحب وتعق !!
ركضت لها اشوف شو يالسة اتعق


ايتغفر الله كان قمل وصيبان ساحبته من شعرها وفقسته باظافرها يعتي كانت تفجر الصيبان وتفحس القمل فوق الطاولةة

ونا كنت اسايسها عالمغرب لييش رجعوج لن كلام راعي المكتب مول مش مقنع ابداااا قال جوعوها وضربوها !! وننحن ماعندنا بالامارات ناس مجرمة الا هالخدم .. وهي تقولي ان المدام القبلية اتهمتها انها ضربت الولد الصغير الطفل الررضيع @@

طبععا انا لاحظت عليها عيالي يدشون المطبخ ولا كانها موجودة يطلعون اي شي ونا منبه انه اقفلي البيبان وتمي بغرفتج
والحرمة يالسة وتطلع لي قملها !!
استغفر الله قزيت لما شفت شعرها ملعب قمل والله الشاهد وتاكدت ان ردوها لهذا السبب وكانت اتكح فيها مشكلة بالتنفس وخفت لابكون مرض ولا شي .. مو كحه زكام لا كحة وتفاهق بقوة المهم خفت يصير لها شي ..

سويت لها عشا وقلت لها كلي وكلمت راعي المكتب قالي رديها لبيت الخدم وطلعت ياخواتي وديتها لين بيت الخدم ونزلت وراحت الله وياها

سالت وين شغالتي الفلبينية قالو لي موجودة وهي اونه مطالبتني بمبلغ هع المهم انا وحده مابمدح نفسي ولكن ماحب الظلم وعشان عيالي صدق كانت وايد طيبة فيهم رحت وسلمو عليها وتبكي وعيالي يبكون يقولون لها تعالي وهي جتني للسيارة وتبكي مدام سامحيني انا تعبتكم سامحيني عطيتها فلوس قلت لها ماعندح شي اكيد لن راعي المكتب اخذ كل معاشاتج خشي لج هالفلوس حقج وشكرتني وروحت

طبعا خلاص هي بتروح لناس ثانيين لنها اتفقت ويا محمود يشغلها
ونحن ماستفدناشي لا عندنا شغالة ولا شي

نكرت كل جميلنا ومعروفنا ومعاملتنا الطيبة بلسانها تكلمت قالت انتو احسن ناس بس انا وعدوني بمعاش اقوى
وهالكلام متفقة ويا المكتب ونا خبرت زوجي كل شي
وماشي ياخواتي رديت بيتي ونا اقول لنفسي لين متى بنتم على هالحال لا احنا قادرين نمسك الشغالات في البيت ولا قادرين نفهم شو يبون
ولا اصلا صارحتني تبي معاش اكثر لن نحن كنا نعطيها فوق معاشها
بس كانت تشتكي ان بيتنا كبير وهي ماتبي تشتغل الا في مكان صغير !!


وهذا كل الي صار ..

واعتقد سالغتي تتشابه مع كثير ناس ةالله يرزقنا بطولة البال

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حسبيا الله عليهم .. شو ها

اخيييه عاد البنقاليات اكرهم كرهم و اكرهم اععععععععععععععععععععععععععععععععععععععععععععععععع عع

اخ عليها الطفسه شو ها عشان جي مرجعينها

اتوقع خدامتج الفلبينو عرفت عن القرار اليديد عشان جي ما تبا اتم
انزين ليش ما رفعتوا معاشها ؟؟

__________________________________________________ __________

>>>> الرد الثاني :
هي على كفالتج؟ كيف تنازلتي عنها بهذي السهولة؟
لو صار لج شرات هالمشكله ما تروحين المكتب اتصلي لوزارة العمل وخبريهم انها ما كملت عقدها وشو تسوي هم بيساعدوج وبتعرفين شو لج وشو عليج

__________________________________________________ __________

>>>> الرد الثالث :
مثل سالفتي. مع شغلتي الاندونيسية من نفسها راحت المكتب كيف وليس مادري بس كملت ثلاث شهور راحت شو السؤاه الحين الله يعينك ياختي

__________________________________________________ __________

>>>> الرد الرابع :
زوجي بيرد من السفر وبيتفاهم
لني حسيت راعي المكتب نصاااب
وغافلني كان يستفزني بااكلام واستغل ان عيالي وياي لن محد موجود اترك عيالي وياه واستغل وضعي تناما والا يقولي وقعي هون وهون
زوجي الي كافلنها مب انا يعني توقيعي مابمشي وماعطيته كل بطافاتها وجوازها منتهي


والله ياخواتي نشيت وفيني غصه قعدت انظغ من اول وجديد
لن القمل مصيبة

__________________________________________________ __________

>>>> الرد الخامس :

المشاركة الأصلية كتبت بواسطة احلى بعفويتي
حسبيا الله عليهم .. شو ها

اخيييه عاد البنقاليات اكرهم كرهم و اكرهم اععععععععععععععععععععععععععععععععععععععععععععععععع عع

اخ عليها الطفسه شو ها عشان جي مرجعينها

اتوقع خدامتج الفلبينو عرفت عن القرار اليديد عشان جي ما تبا اتم
انزين ليش ما رفعتوا معاشها ؟؟



نعم اختي درت بالموضوع ولها فوق شهرين وهي تفولي مدام فبه عفد جديد ومن هالكلام وزودناها ميتين درهم هيه تبي الف ونص ونحن جاببين بنفالي مزراع وشغلها فقططططط كوي ومسح فقط

عيالي الصغار مدارس ثنينه وبنت صغيرة دوم وياي

وهالي صار واتريا زوجي يتغاهم وياه هالحرامي النصاب