عنوان الموضوع : شغالتي تعبتني ساعدوني عمل يدوي
مقدم من طرف منتديات الضمير العربي

السلام عليكم بنات
بغيت افضض الكم انا مربية من حوالي 10ايام وعندي بنت عمرها سنتين ونص ما كان عندي خدامه رافضتنهن علا الرغم من آني كنت اشتغل من سنتين تركرت الشغل وانتقلت مع ريلي فشقة واشتغل بروحي بالبيت واطبخ بس أجهضت مرتين فلما حملت ريلي قال لازم نييب خدامة فيبنا مسترجعه وضحكت علينا مال عشر ايام تمثيل ولما كفلناه بانت تعبت وانا اعلم فيها من تنظيف وطبخ وغسيل واهتمام بالبنت لكنها باردة ولا تبا تتعلم كملت معي 9 شهور وكل يوم رافعالي الضغط وتقهر وتوتر الواحد هزبتها وكلمتها باللين ماشي فائدة أبدا لدرجة ضربتها زخيتها من حجابها كذا مرة والله غصب عني وأتم افكرما احب أمد ايدي بس من برودها تقهر وترفع الضغط ما تساعد ابد انا الحين مربية بدال ما تساعدني انا اطبخ واهتم بالبيبي وببنتي وابوها يساعدني عليها بس تعرفوا الريال وكله لازم انا اقولها خلاص تعبت وانا اقول لريلي يبلي غيرها ما ابغيها بس هو يقولي اختاري وحدة وانا بيبها انزين انا ما اقدر الف المكاتب وبالايميل ما يطرشوا كل الطلبات شو اسوي فيدوني بمكتب زين فابوظبي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج اختي

__________________________________________________ __________

>>>> الرد الثاني :
الله يعينج اختي لاتاخذين مسترجعه لو فيه خير ماعافه الطير انا كان ابو ريلي ايصور طلبات الخدم وايطرشهم حق ام ريلي لانها ماكانت تقدر اتروح لانه فالطلب مكتوب كل شي عن البشكاره

__________________________________________________ __________

>>>> الرد الثالث :
الغاليه خلي ريلج يحوط المكاتب وياخذ الطلبات ويرد البيت ويخليج تختارين واللي تعجبج اختاريها
نحن كلنا جي نسوي نطرش حد للمكاتب ويشل ظرووووف متروسه طلبات من كل الجنسيات او جنسيات محدده
واختاري اللي تعجبج من المكتب اللي يبتي الطلب منها

__________________________________________________ __________

>>>> الرد الرابع :
عندج مكتب تساهيل يطرشولج على الايميل او تختارين من موقعهم

__________________________________________________ __________

>>>> الرد الخامس :
مشكورات حبيباتي وما قصرتن