عنوان الموضوع : قصيدة عشق بدوي من شعر الخليج
مقدم من طرف منتديات الضمير العربي
نويت مرباع الغضي سيد الأحباب
قصدي يزول الجرح زاد التهابه
جيت وبقايا نارهم حول الأطناب
بيت الشعر مطوي وباقي زهابه
اقفت ركايبهم ومني الهدب ذاب
من دمعي يسأل وين الأهل بالإجابه
على عزير الدمع ضميت الأهداب
صبيت لين الدمع يكفي سحابه
بعض الوجع يمكن تداويه الأعشاب
وبعض الوجع ياويل منهو سطابه
عشق بدوي لاحب ماهو بكذاب
يوفي ولو جرحه تجدد صوابه
واليوم وصلت بيننا مثل الأجناب
ذاك الغلا ..ياضيعته ياسفابه
باكر الى جينا لهم مثل الأغراب
من عقب ما كنا الأهل والقرابه
الامر لله..كل شئ له اسباب
والا الهوى وشلي على هج بابه
وشلون قلبي مايجي منه منصاب
على الرجم منقوش بعض الكتابه
حتى اثر مشيه مع اسهول وهضاب
مر يبين ..ومر مايندرابه
قلبي من الفرقا صويب ومرتاب
كنه غدى نصفين من هول مابه
حزني عليه انه تسبب ولا طاب
نظرة طبيبه عجلت في ذهابه
ريح الخزامى والنفل زين الأطياب
ويشدني ريح السمر في ثيابه
لاأقبل نسيم الليل له فيل وركاب
له في طلوع الشمس عز ومهابه
منقووول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
العفوووووووووووووو
__________________________________________________ __________
>>>> الرد الثالث :
روووووووووووعه صح لسانك فيصل و سلمت يمينك على القصيده الجميله .
دمت بود
__________________________________________________ __________
>>>> الرد الرابع :
تسلمين على المرور
__________________________________________________ __________
>>>> الرد الخامس :
صح لسانك اخوي فيصل وتسلم على القصيده الرائعه
والنعم بالبدو اهل الكرم والجود
تحياتي لك
رد مع اقتباس
