عنوان الموضوع : في ليلت عرسها تبكي شعر جميل
مقدم من طرف منتديات الضمير العربي
في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلب شكى همه ..
وصبر طال ..
تجيها أمها وتقول ..
خلاص يا بنيتي إنسي ..
قوي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..
تجاوبها ..
أبي أعرف ..
أبوي شلي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليج الله يا يمه .. خبريني اشلون اضمه .. ؟!
واذا وده يكلمني .. وشاف دموعي فعيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!
تجيها أمها وتقول ..
خلاص فضيها من سيره ..
خلاص يا بنيتي إنسي ..
قوي قلبج الحاني وإقسي ..
نصيبج هو نصيبج ..
ما بيدينا شي ..
ولو كان الله كاتب لج حبيبج ..
ما وقف في دربكم شي ..
بقولج شي يا يمه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص طرشيها ..
وخبيها عن الأنظار ..
وابي منج وعد صادق ..
توصليها لذاك المغرم العاشق ..
وبعد ما يوصلج رده ..
على طول بلغيني بآخر الأخبار ..
ربع ساعه يا يمه ..
عطيني بس ربع ساعه ..
أبكتب له عن اللي طفى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..
سلاماتي .. تحياتي .. وأشواقي الشديده
.................. على اللي روحه قبالي .. وأنفاسه بعيده
على اللي افترقنا غصب عن عيني وعينه
.................. بعد ما كنت انا وهو نحلم بلحظه سعيده
بعيش بغربتي لحالي .. وهو الله يعينه
.................. يكمل نصفه الثاني .. ويلقى من تريده
مثل ما قالت امي .. ما لنا إلا قدرنا
.................. والا من زمان المفترض إيدي بإيده
يسامحك الله يالوالد .. على عمر قتلته
.................. بعد ما ماتت ابنيتك وش اللي بتستفيده ؟
أنا آسفه على اعذاري .. وربي غصب عني
.................. نعم بتزوج فلان .. بس بعيش عمري وحيده
محد ممكن انه يترس عيوني بدونك
.................. تذكر كلمتي هذي .. أنا فحبك شهيده
تذكر كلمتي أرجوك .. لأنها من فؤادي
.................. فؤادي اللي ذبحوه اليوم.. وطعنوه فوريده
تذكر كلمة فيها شعوري وما طرى لي
.................. أنا فحبك شهيده .. وذي ترى آخر قصيده
وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحب من حياتي فات ..
لحب من حياتي طار ..
بسرعه ارجوج طرشيها ..
وهي تذرف .. دموع نار ..
على هونج يا يمه ..
على هونج ..
خلاص اطمني انتي ..
بطرش ما كتبتي ..
واستعدي ..
بعد شوي بيزفونج ..
يزفوني ؟!!
وربي كان أهون لو يكفنوني .. !!
بعد ايام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديج انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..
وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض السعوديه..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم .. الله يسلمكم ..
والحمد لله الهنا في حجرنا بات ..
تطير البنت ناحية أمها ..
اشتقت لج حيل يمه ..
وهاتي حضنج الدافي ..
ترى مشتاقه أضمه ..
وخبريني عن احوالج ..
عن اخبارج .. عساج بخير ؟
بخير يا بنيتي .. دامج بخير ..
بس ما سألتيني .. ؟!
خير يا يمه .. خير ؟!
نسيتي إنج ارسلتي رساله ..
قبل ما ترحلين بخير وسهاله .. ؟!
صحيح ... توني تذكرت !!!
أرسل لج جواب ..؟
بعد ما ارسلتها ..
صرت انتظر منه خطاب ..
ومرت ايام وليالي وساعات ..
بعد مده .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكد ..
وصلت لباب منزلهم ..
وكلمني اخوه احمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمه ..
حبيبج ما قدر يتحمل الصدمه ..
مع كل الأسف ... مات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قصيدة جميل
يسلموو على النقل
تحيااتي لك
__________________________________________________ __________
>>>> الرد الثاني :
شكرا مزون شمر
على اطلراك الى جميع مواضيعى
واشكرك بعمق على المرور الجميل
__________________________________________________ __________
>>>> الرد الثالث :
اختي بارونة الجوري الحزينة
اشكرك على مرورك الجميل
__________________________________________________ __________
>>>> الرد الرابع :
لا تعليق
سلمت اناملك اخوى ع النقل الراقى
__________________________________________________ __________
>>>> الرد الخامس :
مشكوره على المرور
تحياتي
رد مع اقتباس
