عنوان الموضوع : ياظالمي قصيدة خليجي
مقدم من طرف منتديات الضمير العربي
مليت منك يااريش العين مابيك لجل الجروح العالقه في الضماير
لعاد تطريني ولاني بمطريك كلن على كبده يذوق المراير
اللي من أول يوم بين هالناس شاريك اليوم له حق يسميك باير
ياظالمي يوم الرجاء مانفع فيك وخليتني بين المخاليق حاير
وان كنت انا المخطي اجيلك واراضيك وادفع ولو ترضى علي بالخساير
وان كان الخطى منك عسى الله يجازيك يرضيني اللي عالم بالسراير
وان كان تنشدني انا كيف مغليك حبك بناء وسط الضماير عماير
ادمحلك الزله وداري وراعيك واسكت لجل عينك ولو كنت جاير
وازعل على ربعي لياما حكو فيك ويضحك بي العاذل ليا قلت غاير
اغار من صحراء مشتها مواطيك وافرح على شوفك وسوق البشاير
هذا غلاي ان كان ماهو مكفيك ماظني اكثر من كذا الحب صاير
لاتسمع العذال يازين تغويك اسمع كلام اللي على الحق شاير
وان قلت لا00ماني على الغصب حاديك الله يسهل دروب ومساير
بلقى بدالك وانت غيري يلاقيك ولابد للباير تدور الدواير
للنفس عزة لو حدتها المهاليك ماني بهاينها لبيض الحراير
برحل مادام البعد منا يشاليك وانسى علومك جلها والصغاير
لاني على امك ولاني على ابيك ولاملكتيني بشهب الذخاير
مليت منك لاتجيني ولاجيك من يوم ولعتي بقلبي سعاير
منقوله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانج يا اميرة
وماعليج زووود ياذوق
ننتظر يديدج دووووووووووووم
__________________________________________________ __________
>>>> الرد الثاني :
تسلمين ياوهج وشكرا لمرورك
__________________________________________________ __________
>>>> الرد الثالث :
يسلمووو عاالنقل الجميل
__________________________________________________ __________
>>>> الرد الرابع :
اميرة روحي
ما اجمل الحرف في سمائك
كبارق لاينقطع في ليلة ظلما
كوابل صيب ينصب فيصيب ارض جرداء لتحيا بإذن خالقها
لله درك من شاعرة متألقة شامخة
كان لي وافر الحظ بإستسقاء الفرات العذب هنا
تقبلي ودي وتقديري
__________________________________________________ __________
>>>> الرد الخامس :
مزون شمر
رحال
اشكركم لمروركم
رد مع اقتباس
