عنوان الموضوع : !!! قصيدة أم حمدان ؟!!؟ خليجي
مقدم من طرف منتديات الضمير العربي
*** قصيدة أم حمدااان ***
هذي قصيده أم حمدان بعد أن ذهب بها ولدها للمصحة ( دار العجزه) أو كما يقال ( دار النسيان)
وين انت يا حمدان امك تناديك ******* وراك ما تسمع شكايا وندايا
يا مسندي قلبي على الدوم يطريك ***** ما غبت عن عيني وطيفك سمايا
هذي ثلاث سنين والعين تبكيك ****** ما شفت زولك زاير يا ضنايا
تذكر حياتي يوم اشيلك واداريك ****** والاعبك دايم وتمشي ورايا
ترقد على صوتي وحضني يدفيك ****** ما غيرك احد ساكن في حشايا
واليا مرضت اسهر بقربك واداريك ****** ما ذوق طعم النوم صبح ومسايا
ياما عطيتك من حناني وبعطيك ****** تكبر وتكبر بالأمل يا منايا
لكن خساره بعتني اليوم وشفيك ****** واخلصت للزوجه وانا لي شقايا
انا ادري انها قاسيه ما تخليك ****** قالت عجوزك ما ابيها معايا
خليتني وسط المصحه وانا ارجيك ****** هذا جزا المعروف وهذا جزايا
يا ليتني خدامة بين اياديك ****** من شان اشوفك كل يوم برضايا
مشكور يا ولدي وتشكر مساعيك ****** وادعي لك الله دايم بالهدايا
حمدان يا حمدان امك توصيك ****** اخاف من تلحق تشوف الوصايا
اوصيت دكتور المصحه بيعطيك ****** رسالتي واحروفها من بكايا
وان مت لا تبخل علي بدعاويك ****** واطلب لي الغفران وهذا رجايا
وامطر تراب القبر بدموع عينيك ****** ما عاد ينفعك الندم والنعايا
يا لقسوة بعض القلووويب كيف تفعل هذا
الوالدين جزائهم وحقهم اعظم من ذالك
اللهم اهدنا لرضى والدينا وارحمهما كم ربياني صغيرا
منقووووووول
تحياااااااتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تذكر حياتي يوم اشيلك واداريك ****** والاعبك دايم وتمشي ورايا
ترقد على صوتي وحضني يدفيك ****** ما غيرك احد ساكن في حشايا
حسبي الله ونعم الوكيل
مايدر هذا ان عيال راح يسووون فيه نفس ماسوا في امه
مايدري هذا ان الجنه تحت اقدام الامهات
انا لله وانا اليه راجعون
الله يرحم امهاتنا واباؤنا يا ارحم الراحمين
الللهم احفظهم لنا دامهم احياء وقدرنا على رد جمايلهم يارب
اشكرك اختي الغاليه نوارة على القصيدة الرائعه فعلا
تسلم اناملك يا الغاليه وعسانا ماننحرم من ابداعك الرائع
بنتظار جديدك يا الغاليه
مع تمنياتي لكي بالتوفيق
اخوك
ريان الشرقيه
__________________________________________________ __________
>>>> الرد الثاني :
الف تحيه وشكر اخوي ريااااان
يعطيك العافيه والحمد لله على رجوووووعك
طولت الغيبه الف سلامه
تحيااااااااااااااتي
__________________________________________________ __________
>>>> الرد الثالث :
مشكوووووورة أختي نوارة على هذه الكلمات...
الجنة تحت أقدام الأمهات...
حسبي الله و نعم الوكيل... هذا ولد عاق... قال تعالى: "و قضى ربك ألا تعبدوا إلا إياه و بالوالدين إحسانا إما يغلبن عندك الكبر أحدها أو كلاهما فلا تقل لهما أف و لا تنهرهما"
بصراحة هذا ولد ما فيه عقل و لا ضمير و لا عنده قلب و لا إيمان أصلا... الله يهدي جميع الناس... قولوا آآآآآآآآآآآآآآمين...
__________________________________________________ __________
>>>> الرد الرابع :
الف شكر المزيونه الاماراتيه
يعطيك الف عافيه لمرورك
تحياااااااااتي
__________________________________________________ __________
>>>> الرد الخامس :
مشكور على نقل القصيده بصراحه بغيت اصيح حسبي الله ونعم الوكيل
رد مع اقتباس
