عنوان الموضوع : ((قصيدة التوبة)) قصيدة رائعة
مقدم من طرف منتديات الضمير العربي
سرح بي هاجسي وافلت زمام الوقت بدروبه
واخذت افكر بمسعاي روحاتي وجياتي
لقيت مفارق الدنيا رحل ماحاش مطلوبه
وانا حسب أني بركضي ابقضي كل حاجاتي
وقلت ابدى بامر نفسي أحاسبها ولو نوبه
عساي افلح عقب مافقت اصحح بعض غلطاتي
وانا ما افرق مثل غيري بشر غرقان بذنوبه
ولا فكرت في بكره تسيرني ملذاتي
يضيق الصدر لامني ذكرت الحشر وكروبه
وتظهر لي على شاشة خيالي كل سياتي
وافكر يوم بعث الناس والنيران مشبوبه
عسى ربي يهون لي هذاك اليوم وقفاتي
ياويلي كان ابا احاسب على كل ذنب بعقوبه
وانا للي بالدقيقة ما اقدر احصي كم زلاتي
الا يالله سهل لي طريق الخير واسلوبه
لجل ودي من الخشيه تفيض بصدق دمعاتي
وانا طالبك تسمح لي وتقبل مني التوبه
طمعت برحمتك وارجيك تقبلني بعلاتي
منقول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسلمووووووووووو
قصيده جميله ونقل أجمل
تقبل مروري
__________________________________________________ __________
>>>> الرد الثاني :
يعطيك العافيه عاالنقل
وتنقل للقسم المنااسب
__________________________________________________ __________
>>>> الرد الثالث :
يعطيك الف عافية على النقل الروووووووعة
تسلم يمينك
والف شكر
تحيااااااااتي لكككك
__________________________________________________ __________
>>>> الرد الرابع :
يسلمووووو
فاااااااااااالك الملاين
__________________________________________________ __________
>>>> الرد الخامس :
صح لسان الشاعر
يسلمووو على الطرح
الله يعطيك العافيه
تحيتي لكم
رد مع اقتباس
