عنوان الموضوع : مرحوم ياقلب من الحب منصاب شعر جميل
مقدم من طرف منتديات الضمير العربي








مرحوم ياقلب(ن) من الحب منصاب
وكريم يادمع(ن) عشانه ذرفته
من يوم نور الحب قي ظلمته غاب
كاس العواطف من صدوده كسرته
بجبر عزاه بدمعت(ن) بين الاهداب
مادام من ظلم المشاعر كشفته
حبه سراب وطعنته مالها اسباب
واعتب على يوم(ن) بعمري عرفته
دام الوهم يفتح باسم مثله ابواب
ماله عذر وانا بسجلي حذفته
مااكبر من ظنون العتب غير الاتعاب
ولا اقسى حبيب الا حبيب(ن) صدفته
حارت مشاويري على جرح وعتاب
وخيط الفرح عن دنيتي كم صرفته
فيني خيال وصمت في داخلي ذاب
شعور مادري كيف والله وصفته
من يتبع المقفين ياناس وش جاب
غير الفراق اللي بعمري كسبته
يااشباح ياسي يوم حظ الهوى خاب
وش عاد باقي والعذاب احترفته
حلم الدموع بنظرة الجرح ماهاب
وقد لي سنه باالتجربه كم جرفته
بيت الجفا يبنى على غيض الاصحاب
ونبع الخيانه من وليفي غرفته
من حبني من قلب يبشر بالاعجاب
ومنهو نساني من سجلي حذفته


لشاعر: بدر الشافي

محبتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
قصيدة رائعه

صح لسانك

يعيطك العافيه

تحياتي

__________________________________________________ __________

>>>> الرد الثاني :
صح لسااان شاعرها

ولاهنت ع النقل المتميز ،،


بيض الله وجهك
..

__________________________________________________ __________

>>>> الرد الثالث :
ماكبر من ظنون العتب غير الاتعاب
ولا اقسى حبيب الا حبيب(ن) صدفته
حارت مشاويري على جرح وعتاب


فيني خيال وصمت في داخلي ذاب
شعور مادري كيف والله وصفته
حلم الدموع بنظرة الجرح ماهاب
وقد لي سنه بالتجربه كم جرفته
بيت الجفا يبنى على غيض الاصحاب






طير القوافي تمييز دائماااا انشالله ياكل الذووق

والاحساس يسلموو ياذووق

تحياتي العطره $$ لحظه شموخ $$

__________________________________________________ __________

>>>> الرد الرابع :
صح بدنكم ولاهنتم

اسعدني حضوركم

__________________________________________________ __________

>>>> الرد الخامس :
يعطيك الف عافهـــ ع الشعر الاكثر من رائع!~

لاتحرمنه من جديدك.....

تحياتي لك...