عنوان الموضوع : ذكرى يناير من شعر الخليج
مقدم من طرف منتديات الضمير العربي
أنا أتمنى أشوف الصورة
في ذكرى يناير مش مكسورة
وأشوف الشعب وجوه مسرورة
شرطة وجيش حضنين ثوار
****
أنا أتمنى نعمر بكرة
نطوي الحزن في يوم الذكرى
ولجل ما تكمل أجمل فكرة
لازم بعد الثورة عمار
****
لاستعجال ولا عند يفيدنا
لازم نبني بلدنا بإيدنا
ولا نسمح في الأرض بفتنه
تطفي الشمس وتشعل نار
****
أنا متأكد كل شهيد
هيشوفنا والإيد في الإيد
راح يفرح وكأنه في عيد
وروحه هترجع للثوار
****
أنا أتمنى تكون أمانيه
حقيقية في يوم عيد الحرية
مش أحلام وتمر علية
كا عتمة ليل يمحيها نهار
****
شدو الحيل يا شباب الثورة
وخلوا ما بين الكل مشورة
تدعم حب وتمحي مؤامرة
بيدبرها غريب ع الدار
****
مش عايزين شك وتخوين
ولا نسأل من فاز على مين
ولا ننصر غير بس الدين
لجل الخير ما يزيد في الدار
****
مش عايزين تشكيك في حبيب
وعتاب لا يودي ولا يجيب
إقلب صفحة يا شعب مهيب
نيلك ما بيرويش أشرار
****
عيد الشرطة وعيد الثورة
عيد واحد مش عايزه منورة
ودا شيء يحبط أي مؤامرة
ضد الأرض أو الثوار
****
أرفعوا راية النصر الحرة
ومهما الأيام كانت مرة
أثبت إن شباب الثورة
قادر ياخد أي قرار
بقلمي
وليد الوصيف .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أرفعوا راية النصر الحرة
ومهما الأيام كانت مرة
أثبت إن شباب الثورة
قادر ياخد أي قرار
صح لسااانك أستاذ وليد قصيدة وطنية رائعة
تحياتي
__________________________________________________ __________
>>>> الرد الثاني :
لن تموت وانتم أحياء
الثمار لها حاجة للحرارة كي تنضج
نتشرف بكم وبمصرنا
__________________________________________________ __________
>>>> الرد الثالث :
طرح رائع يعطيك العافيه تقبل تحياتي
__________________________________________________ __________
>>>> الرد الرابع :
صح لسآنك خيو ويعطيك الف عآفيةة~
يسعدك ربي ~
__________________________________________________ __________
>>>> الرد الخامس :
رد مع اقتباس
