عنوان الموضوع : جمره .. من الشوق خليجي
مقدم من طرف منتديات الضمير العربي
جمره من الشوق
لا تعاتب الشمس .. ليه الشمس ما غابت
الشمس غابت وهذا النور من لونك
شوف العجب كيف .. حتى عيونك ارتابت
ما بين ليل(ن) وصبح أشرق من فتونك
وتظن للحين .. ما بك مهجتي ذابت
وانا على إما يقولوا صرت مجنونك
ما تدري ان الهوى له عين لو صابت
لا الطب ينفع ولا خلان يرقونك
كم فارس(ن) منه .. ساحات الوغى هابت
أردته نظره .. وحسبي صرت مرهونك
شف وين قلبي .. رميتها .. ولا ثابت
مأسور ما بين .. سيف العشق .. وعيونك
واربع حواسي .. معك للحين ما آبت
يا دوب رد النظر .. لعيون مفتونك
هون علي .. رموش العين قد شابت
من ليعة الشوق .. بين إلقاك وظعونك
والدمعه اللي .. عليك أخفيتها رابت
في الموق خايف تطيح وتجرح شجونك
من يرحمك .. من ضميرك .. كانها ذابت
ومن لك يداوي .. وهي من يدك اطعونك
تكفى جرحي .. نزيف اشواق ما طابت
تحتاج لمسة حنان وبارد مزونك
قل للعواذل .. كفى.. وظنونهم خابت
وسقي مودك .. كما يسقيك ويصونك
تلقى شعوري سيول انهار وانسابت
ما بين روحي واحاسيسي يزفونك
وتأكد إلمس هنا .. تلقى يدك جابت
جمره من الشوق .. والا روح مظنونك
شعر : عبدالله صالح العمري
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وتأكد إلمس هنا .. تلقى يدك جابت
جمره من الشوق .. والا روح مظنونك
إبـداااااااااااااااااااع
صــح لســآنـك ويعطيــك آلعــآفيــه ..
__________________________________________________ __________
>>>> الرد الثاني :
صح لسانك
قصيده رائعه
تحياتي
__________________________________________________ __________
>>>> الرد الثالث :
الله يعطيك العافية على هذه الكلمات العذبة
تحياتي
__________________________________________________ __________
>>>> الرد الرابع :
مشكوووور عبدالله
__________________________________________________ __________
>>>> الرد الخامس :
صح لسااانك شاعرنا القدير عبدالله العمري
قصيدة قمة الروووعة
راقت لي جميع أبياتها
تحياتي
رد مع اقتباس
