عنوان الموضوع : زهر السنين
مقدم من طرف منتديات الضمير العربي
( زهر السنين )
حبيبي جفت عيوني .. سهر .. والليل ما هو ليل
***** حذفته .. من حسابات العمر ما عاد يعنيني
وش احسب فيه .. ولقانا .. حلم ما بان له تاويل
***** يا غير الموعد اللي به .. تموتني .. وتحييني
[نبت في عارضي زهر السنين وشكل الاكليل
***** وفي وجهي نقوشات الدهر تسرق تلاويني
ولا عاد الضيا ذاك الضيا واشراقة القنديل
***** بدا يجف السقا وسط العروق وتحرق سنيني
وانا رغم العطش كلي على شانك (فرات) (ونيل )
***** عطا ما ينضب إلا يوم .. كف الموت يطويني
ولكن .. كل ما مر الخيال وفاض بيا الكيل
***** تثور العاطفه واتخيلك جنبي تواسيني
على كتفي يربت كف عذرك والدموع تسيل
***** يصب من الغلا فنجان شوق وذاب ثلثيني
واسولف لك واغني لك واشم من الكلام الهيل
***** يفوح من الشعور اللي سكبته في شرايني
واحس اني انا وانته على صهوة سبوق الخيل
***** هربنا من زنازين العنا وايديك بيديني
عرجنا فوق هامات السحايب و(الجدي) (وسهيل )
***** بعالم سرمدي ياليت منه ما تصحيني
عبدالله صالح العمر ي]
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك ويسلمو
__________________________________________________ __________
>>>> الرد الثاني :
ولكن .. كل ما مر الخيال وفاض بيا الكيل
***** تثور العاطفه واتخيلك جنبي تواسيني
على كتفي يربت كف عذرك والدموع تسيل
***** يصب من الغلا فنجان شوق وذاب ثلثيني
قصيده في غاية الجمال وأبيات رائعه
تسلم يمينك وراقت لي جميع ابياتها
ودام قلمك ودام نبض قلبك
ويعطيك ألف عافيه أخوي
__________________________________________________ __________
>>>> الرد الثالث :
أحتار في انتقاء العبارات التي تليق بأبياتك
أأثني شعرا أم نثرا ولكنك ألجمت حرفي
وأوقفت سيلا من كلماتي على ضفاف نهر يجري
من شلالات أحرفك العذبه
متميز ماجاد به بوحك
كل الشكر والتقدير لتواجدك هنا
فأحرفك فعلا تستحق الثناء
خالص الود
__________________________________________________ __________
>>>> الرد الرابع :
صح لسان قايلها وسلمت يمين ناقلها
ابدعت ع الطرح الرائع
__________________________________________________ __________
>>>> الرد الخامس :
لكل من مر من هنا او سوف يمر اقول مرورك شرف لي وتعليقك اضافة واعجابك شهادة لا خلا ولاعدم
كل الشكر والتقدير والمحبة
رد مع اقتباس
