عنوان الموضوع : يا قلب شعر جميل
مقدم من طرف منتديات الضمير العربي

يا قلب ادري في كل ساعه بك تضيق
الدنيا وتضيق بك حتى الوسيعه
يا قلب لو مع كل زفير ياتي شهيق
كان ابشهق في كل مره حتى اطيعه
يا قلب ادري انك ضايق وانك زهيق
من اللي غاب عنك وخل الدنيا صنيعه
يا قلب راح وصارت الدنيا في حريق
راح وحتى اسمي وهو اسمي ابيعه
يا قلب راح ماله رجوع مع الطريق
راح وترك اشواقي من الهم سريعه
وش اسوي يا ناس انا ازريت ابلع الريق
لاني كتمت الروح والقلب عن ما يريعه
حملت قلبي فوق ما هو يطيق
حملته الهم والاذى والوديعه
اصبح قلبي من بحر الهم غريق
واصبحت ضلوعي تخاف من الطبيعه
اصبح الهم لقلبي مثل الشقيق
وين ما راح قلبي الهم تبيعه
لك يا قلبي في الهم باع عريق
ولك يا نفسي اشياء بديعه
افيق وانام على هم وافيق
وانام على هم وافيق والشمس ربيعه
عجزت ادور مخلوق من المخاليق
افتح له القلب واذونه لي سميعه
افتح له القلب واتكلم كلام يليق
ابحاكيه عن القلب وعن مواجيعه
كونوا الهم والغم اول فريق
يسمى فريق الهم والغم والشنيعه
الاعب مهموم والكاتب دقيق
يدقق على لعب الفريق وتبديعه
اااه يا همي ليه صرت لي صديق
تخاويني على الضيقه واهاتي رفيعه
كل ما اتذكر موتها اختنق تخنيق
وتدمع العين من الموته الفجيعه
ااااه يا همي ابحقق معك تحقيق
ليه خليت الناس وجيت اشواقي المطيعه
اااه يا همي كل ماله تصبح مليق
تسوي لي اشياء مالها نفيعه
اااه يا همي لو انك رقيق
عرفت معنى الكذب والخديعه
اااه يا همي الدنيا توافيق
فيها ناس سميعه وناس مطيعه
اااه يا همي ابغاك ليله تفيق
وتسمعني اقول الاه بصوات فضيعه
اااه يا همي شف اشواقي تشيق
ااااه يا همي شف ضلوعي وليعه
ااااه يا همي مالك رفيق
خنت الرفاقه وخنت الشريعه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح لساانك طرح رااائع شااعرنا..
ابدعت بهالقصيده..
دووم مبدع ومتألق..

تحيااتي لك ..

__________________________________________________ __________

>>>> الرد الثاني :
ااااااااه كلمات حزززززينه وربي
كتبت وابدعت صح منطوقك وسسلمت يمناك
ولا عدمنا جديدك

تقبل مرووري

__________________________________________________ __________

>>>> الرد الثالث :
آلله يعطيك العآفيه آخوي عالقصيدة المبدعه

__________________________________________________ __________

>>>> الرد الرابع :
مشكورين ما قصرتوا الله يسلمكم ويعافيكم اعجبني مروركم

__________________________________________________ __________

>>>> الرد الخامس :

عجزت ادور مخلوق من المخاليق
افتح له القلب واذونه لي سميعه
افتح له القلب واتكلم كلام يليق
ابحاكيه عن القلب وعن مواجيعه
قصيده رائعه وسطرت بشكل جميل
دام قلمك ودام نبض قلبك
وراقت لي جميع ابياتها
تسلم الاياااادي ويعطيك العافيه